यूहन्ना 16:23 - चम्बयाली नौआ नियम

²³ तिस रोज तुसा मेरे का किच्‍छ नी मंगणा। मैं तुसा रे कने सच-सच बोलदा, जे तुसा मेरे ना कने पिता का जे किच्‍छ भी मंगगे तिन्हा ने तुसा री हर जरुरत जो पूरा करणा।

यूहन्ना 16:23 ပူးပေါင်းရင်းမြစ်များ

मत्ती 21:22

ते जे किच्‍छ तुसा प्रार्थना भी मेरे का मगंगे से सारा किच्‍छ तुसा जो मिलणा।

मत्ती 7:7

“अपणी जरुरत री चीज परमेश्वर का मन्गो तां तिन्हा ने तुसा जो दैणा, तोपगे तां तुसा जो मिल्ली जाणा, ते खटखटांगे तां तुसा रे तांइ दुआर खोल्लेया जाणा।”

यूहन्ना 14:20

तिस रोज जां मैं वापिस हटणा, तुसा जाणना कि मैं पिता बिच है, ते तुसा मेरे बिच हिन, ते मैं तुसा बिच।

यूहन्ना 14:22

तिस यहूदा ने जे इस्करियोती नी थिया, तिसने बोल्लेया, ओ प्रभु जी, कै होया जे तुसा अप्पु जो असा रे सामणे लियाणा चाह्‍ंदे पर दुनिया रे लोक्कां रे सामणे नी?

यूहन्ना 14:5

थोमा ने यीशु जो बोल्लेया, ओ प्रभु जी, असा नी जाणदे कि तुसा कुते जाया करदे हिन, तां रस्ता किय्यां जाणगे?

यूहन्ना 15:7

जे तुसा मेरे बिच बणी रैहन्गे, अते मेरी सिखाए री शिक्षा तुसा रे बिच बणी रैहन्गी, तां तुसा किच्‍छ भी मंगो, मेरे पिता ने तुसा री हर जरुरत जो पूरा करणा।

यूहन्ना 16:19

यीशु समजी गे कि से मेरे का पूच्छणा चाह्‍ंदे हिन, अते यीशु ने बोल्लेया, कै तुसा इस गल्ल रे बारे बिच अप्पु-मित्ते सोच-विचार करेया करदे हिन, जे मैं बोल्ली, थोड़ी देर बाद तुसा मेरे जो नी दिखणा, अते तिसेरे बाद तुसा मेरे जो फिरी दिखणा?

यूहन्ना 16:26

तिस बेल्ले तुसा मेरे ना कने मंगणा, अते मैं तुसा कने ए नी बोलदा कि मैं तुसा रे तांइ पिता का प्रार्थना करगा,

यूहन्ना 16:30

अवे असी समजी गे कि तुसा सब किच्‍छ जाणदे, अते तुसा जो जरुरत नी है कि कोई तुसा का सवाल करे, इसेरी वजह कने असी विश्वास करदे कि तुसा जो परमेश्वर ने भेज्जे रा है।

इफिसियों 2:18

मसीह यीशु री वजह कने असी सारे जणे इक्क ही पवित्रात्मा रे जरिये पिता रे नेड़े आई सकदे।

1 यूहन्ना 2:1

ओ मेरे बच्चो, ए मैं तुसा जो इस तांइ लिख्खेया करदा है कि तुसा पाप ना करो। जे अगर कोई पाप करे, तां परमेश्वर पिता का असा तांइ कोई इक्क है जिन्हेरा नां मसीह यीशु है ते से परमेश्वर पिता का असा तांइ बिनती करदे। से धार्मिक हिन।