यूहन्ना 16:22 - चम्बयाली नौआ नियम

²² तिस्सी तरिक्के कने अवे तुसा दुखी तां हिन, पर मैं तुसा रे कने फिरी मिलणा, अते तुसा रे मन खुस होई जाणे, अते तुसा री खुसी जो कोई तुसा का खुस्सि नी सकदा।

यूहन्ना 16:22 ပူးပေါင်းရင်းမြစ်များ

मत्ती 28:8

से डर अते बड़ी खुसी कने कब्र का हटी करी उसेरे चेल्‍लेयां जो सुब बसेख दैणे तांइ दौड़ी गेईयां।

लूका 10:42

पर इक्क बदिया चीज है जिस जो मरियम ने चुणी लित्ते रा है, जे तिसका खुस्सेया नी जाणा।

लूका 16:25

पर अब्राहम ने बोल्लेया, ओ पुत्तर, चेत्ता कर कि तेरी जिन्दगी जां बड़ी अरामदेह थी, पर लाज़र री जिन्दगी बड़ी दर्दनाक थी। अवे से इत्ते स्वर्ग अन्दर अराम कने रेया करदा है, अते तू नरक अन्दर अपणे हिस्से दा दुख सेह्या करदा है,

लूका 19:26

इस गल्ल पर राज्जे ने बोल्लेया, जिन्हा जो जे दित्ते दा है, तिसजो से सह्ई तरिक्के कने बरतगे तां तिन्हा जो होर मिलणा, पर जे ईयाँ नी करगा तां तिन्हेरे का जे है से भी खोई लैणा

लूका 24:41

पर तिन्हा जो खुसी भी थी अते हैरान भी थी तिस वजह कने तिन्हा जो विश्वास नी करी पांदे थिये यीशु मरे रे बिच का जिन्दे होई गेरे हिन। तां यीशु ने तिन्हा का पूच्छेया, तुसा का किच्‍छ खाणे जो है?

यूहन्ना 14:1

तुसा रा मन दुखी ना हो। परमेश्वर पर विश्वास रख्खो, ते मेरे पर भी विश्वास रख्खो।

यूहन्ना 14:19

अवे थोड़ी ही देर बाद दुनिया रे लोक्कां ने मेरे जो नी दिख्खणा, पर तुसा ने मेरे जो दिख्खणा, किजोकी मैं जिंदा है, इधेरे तांइ तुसा भी जिंदे रैह्णा।

यूहन्ना 14:27

“मैं तुसा जो अपणी सांती देई करी जाया करदा है। जदेई सांती दुनिया रे मणू दिंदे तैसी सांती नी। तुसा रे दिल दुखी ना हो, ते ना ही डरे।”

यूहन्ना 16:16

थोड़ी देर बाद तुसा मेरे जो नी दिखणा, अते तिसेरे बाद तुसा मेरे जो फिरी दिखणा।

यूहन्ना 16:20

मैं तुसा कने सच-सच बोलदा कि मेरे मरणे रे बाद तुसा रोणा ते पीटिणा, पर इस दुनिया रे लोक्कां ने खुस होणा। तुसा दुखी होणा, पर दुख खुसी बिच बदली जाणा

यूहन्ना 16:6

किजोकी मैं ए गल्लां तुसा जो दस्सी दित्ती हिन, ते तुसा दुखी होई गेरे हिन।

यूहन्ना 21:7

तां तिस चेल्‍ले ने जिस कने यीशु प्यार करदे थिये, पतरस जो बोल्लेया, ए तां प्रभु हिन! शमौन पतरस ने ए सुणी करी कि से प्रभु हिन, चोग्गा पाई लित्तेया (किजोकी से नंगा थिया) अते समुन्द्र अंदर कुदी पेया।

यूहन्ना 4:14

पर जे कोई तिस पाणी बिच का पिन्गा, जे मैं तिसजो दैणा, तिसजो फिरी कदी भी प्यास नी लगणी पर जे पाणी मैं तिसजो दैणा, तिसेरा उस मणू अन्दर इक्क सोता बणी जाणा जे हमेसा तिकर रैह्णा।

प्रेरितां रे कम्म 13:52

ते चेल्‍ले खुसी कने ते पवित्रात्मा कने भरपूर होई करी अन्ताकिया सहर जो गे।

प्रेरितां रे कम्म 16:25

अद्दी रात्ती रे करीब पौलुस ते सीलास परमेश्वर रे भजन गान्दे ते प्रार्थना करेया करदे थिये, ते दूज्जे कैदी तिन्हा जो सूणेया करदे थिये

प्रेरितां रे कम्म 2:46

से हर रोज इक्क मन होई करी मन्दिर बिच कठिदें थिये, ते घर-घर रोट्टी तोड़दे होए खुसी ते मन रे सिद्देपन कने भोजन करेया करदे थिये,

प्रेरितां रे कम्म 5:41

से इस गल्ल का खुस होई करी महासभा रे सामणे का चली गे, कि असी यीशु रे नां री बड़ाई होणे रे जोग्गे तां ठैहरे।

2 थिस्सलुनीकियों 2:16

असी अपणे प्रभु यीशु मसीह ते पिता परमेश्वर का प्रार्थना करदे जे असा कने प्यार करदे ते जिन्हा ने अपणे अनुग्रह रे जरिये असा जो कदी ना मुकणे वाली हिम्मत ते इक्क पक्की आस भी दित्ते री है।

इब्रानियों 10:34

किजोकी तुसा मणू ना सिर्फ कैदियां रे दुख बिच दुखी होए, पर तुसा ए जाणदे होए अपणी जायदाद भी खुसी कने लुटणा दित्ती कि तुसा तांइ स्वर्ग बिच इसका भी बदिया ते हमेसा रैह्णे वाली जायदाद है।

इब्रानियों 6:18

इधेरे तांइ परमेश्वर ने असा कने वादा कित्तेया, ते तिन्हा ने असा कने कसम खाई। ए दो गल्लां बदली नी सकदी, किजोकी ए नामुमकिन है कि परमेश्वर झूठ बोल्ले। इधेरे तांइ असी जे तिन्हा का शरण लैणे तांइ, तिन्हा का गेरे हिन, ते जे आस तिन्हा ने असा जो दित्ते री है, तिसजो पाणे तांइ बड़े प्रोत्साहित हिन।

1 पतरस 1:8

तुसा ने मसीह यीशु जो कदी भी नी दिख्खे रा है पर फिरी भी तुसा तिन्हा जो प्यार करदे। तुसा इस बेल्ले तिन्हा जो दिख्खी नी सकदे पर तुसा तिन्हा बिच विश्वास करदे। इधेरे तांइ तुसा तिस आनंद ते महिमा बिच खुस हुंदे जे शब्दां बिच बयान नी होई सकदी।