यूहन्ना 16:20 - चम्बयाली नौआ नियम

²⁰ मैं तुसा कने सच-सच बोलदा कि मेरे मरणे रे बाद तुसा रोणा ते पीटिणा, पर इस दुनिया रे लोक्कां ने खुस होणा। तुसा दुखी होणा, पर दुख खुसी बिच बदली जाणा

यूहन्ना 16:20 ပူးပေါင်းရင်းမြစ်များ

मत्ती 21:38

पर किसानां ने तिस मुडें जो दिख्खी करी अप्पु बिच बोल्लेया, ए तां वारिस है, आओ, इसजो मारी रखदे ते इसेरी मिरास लेई लिदें।

मत्ती 5:4

धन्न हिन से, जे मात्तम करदे हिन, किजोकी परमेश्वर ने तिन्हा जो सांती दैणी।

मरकुस 14:72

तां तिस्सी बेल्ले मुर्गे ने दूज्जी वरी बांग मारी दित्ती, ते पतरस जो से गल्ल जे कि यीशु ने तिसजो बोल्ली थी, याद आई: “मुर्गे रे दो वरी बांग दैणे पैल्ले ही तैं तीन्न वरी मेरे जो पहचानणे का मुकरी जाणा।” ते से इस गल्ल जो सोच्ची करी से जोरे-जोरे रोणा लग्गेया।

मरकुस 16:10

तिसने जाई करी अपणे साथियां जो सारा किच्‍छ दस्सेया जे हल्ले यीशु रे मरणे रा मातम मनाया करदे थिये।

लूका 22:45

तां से प्रार्थना का उठे ते अपणे चेल्‍लेयां का आई करी तिन्हा जो उदास होई करी सुत्ते रा दिख्खेया

लूका 22:62

तां पतरस तिस अंगणा का बाह्र चली गेया अते जोरे-जोरे रोणा लग्गी पेया।

लूका 23:27

अते तिन्हेरे पीछे बडे़ वरी लोक्की चले दे थिये अते तिन्हा बिच किच्‍छ जनानियां भी थिया जे कि यीशु तांइ रुन्दी अते छाती पिटदिया चले री थियां

लूका 24:17

यीशु ने तिन्हा जो पछानणा नी दित्तेया, यीशु ने तिन्हा जो पूच्छेया, ए कुण गल्लां हिन जे तुसा हन्डदे हन्डदे इक्क दूज्जे कने लाया करदे हिन? से हन्डदे हन्डदे से रुकी गे अते जे गल्लां होईयाँ तिस वजह कने तिन्हेरे मूह् लटकेरे थिये।

लूका 24:21

पर असा जो आस थी कि ये ही इस्राएल जो रोमी साम्राज्य का छुटकारा दैणा पर इन्हा सारी गला जो होयरे तिसरा दिन है।

लूका 6:21

धन्न हिन तुसां, जे अब्बे भूख्खे हिन, किजोकी तुसा रजाये जाणे धन्न हिन तुसां, जे अब्बे रोन्दे हिन, किजोकी इदेया बेल्ला भी आणा जां तुसा हसणा।

यूहन्ना 16:33

ए गल्लां मैं तुसा रे कने बोल्ली हिन कि तुसा जो मेरे जरिए सांती मिल्लो, दुनिया बिच तुसा जो तकलिफां मिल्ली हिन, पर हिम्मत रख्खो किजोकी मैं इस दुनिया रे सरदार, शैतान जो हराई दित्ते रा है।

यूहन्ना 16:6

किजोकी मैं ए गल्लां तुसा जो दस्सी दित्ती हिन, ते तुसा दुखी होई गेरे हिन।

यूहन्ना 20:20

अते ए बोल्ली करी तिन्हा ने अपणे हत्थ अते अपणी बख्खी रे पर जख्म वाले भोक्क तिन्हा जो दस्से। चेल्‍लेयां ने जां यीशु जो दिख्खेया तां बड़े खुस होये।

प्रेरितां रे कम्म 5:41

से इस गल्ल का खुस होई करी महासभा रे सामणे का चली गे, कि असी यीशु रे नां री बड़ाई होणे रे जोग्गे तां ठैहरे।

रोमियों 5:11

ते सिर्फ ए ही नी, असा रा प्रभु यीशु मसीह रे जरिए, परमेश्वर कने मेल जोल होए रा है, इधेरे तांइ असी परमेश्वर बिच खुस रैह्‍न्दे।

गलातियों 5:22

पर पवित्रात्मा का पैदा होणे वाला स्वभाव बिच प्यार, आनंद, सांती, सबर, दया, नेकी, ते विश्वास है।

1 थिस्सलुनीकियों 1:6

अते बड़ी मुसीबतां रे बिच तुसा ने पवित्रात्मा का मिलणे वाली खुसी कने सुब बसेख जो अपणाया ते प्रभु अते असा सांई जिन्दगी जीणा लगे।

याकूब 1:2

ओ मेरे संगी विश्वासियों, अपणे परखे जाणे जो तुसा खुसी री गल्ल मन्नों,

यहूदा 1:24

से ही इकलौत्ते परमेश्वर हिन जिन्हा ने असा जो मसीह यीशु रे सुली पर कुर्बानी दैणे रे जरिये कने बचाए रा है। असा रे प्रभु मसीह यीशु री वजह कने मणू परमेश्वर रा आदरमान ते महिमा करण। मणू ए समजी सकण कि दुनिया रे बणने रे पैल्ले का ही ते अज्ज रे समय तिकर परमेश्वर री ही ताकत ते हक है ते से हमेसा-हमेसा तिकर रैह्णी। आमीन!

प्रकाशित वाक्य 11:10

धरती बिच रैह्णे वालेयां ने तिन्हेरे मरणे कने खुस अते मग्न होई जाणा, अते तिन्हा इक्क दूज्जे जो भेंटा भेजणी, किजोकी इन्हा दोनां भविष्यद्वक्ता ने धरती बिच रैह्णे वालेयां जो तंग कित्तेया थिया।

प्रकाशित वाक्य 18:7

तिसने अपणी जिन्नी जादा अराम ते घमंड बिच बिताई, तिसका तिसेरे ही बराबर जुल्म सैह्‍ण कराओ। तिनिये अप्पु जो बोल्लेया, “मैं लोक्कां पर राणी सांई राज करणा। मैं कोई विधवा नी है, ते मेरे जो कोई दुख नी होणा।