यूहन्ना 16:2 - चम्बयाली नौआ नियम

² तिन्हा तुसा जो सभास्थल का बाहर कड्डी दैणा, बल्कि से बेल्ला आया करदा ए जां तुसा रे बिच का कुसकी जो भी मारी करी हर कोई ने सोचणा कि से परमेश्वर री सेवा करेया करदा है।

यूहन्ना 16:2 ပူးပေါင်းရင်းမြစ်များ

मत्ती 10:28

उन्हा का मत डरो जे सरीर जो मारदे हिन पर आत्‍मा जो नी मारी सकदे, बल्कि परमेश्वर का डरो जे आत्‍मा अते सरीर दोनां जो नरक बिच नास करी सकदा।

मत्ती 24:9

तां तिन्हा लोक्कां ने जे तुसा रे खिलाफ हिन तुसा जो सताणे तांइ पकड़वाणा, ते तिन्हा ने तुसा जो मारी रखणा, ते मेरे पीच्छे चलणे री वजह कने सारी जातियां रे लोक्कां ने तुसा कने नफरत रखणी।

लूका 6:22

धन्न हिन तुसां, जे मणू रे पुत्तर, जे मैं ही है री वजह कने मणू तुसा का नफरत करगे, अते इस समाज का निकाली दिंगे, तुसा री बुराई करण अते तुसा जो बुरा बणाई करी तुसा रा नां बरादरी का कटी दिंगे

यूहन्ना 12:42

तां भी अधिकारियां बिच मते लोक्कां ने उस पर विश्वास कित्तेया, पर फरीसियां री वजह कने खुल्ली करी नी मन्दे थिये, कि कुते ऐसा ना हो कि ओ सभास्थल का बाहर कड्डी दित्ते जाण।

यूहन्ना 16:25

ए गल्लां मैं तुसा कने उदारण बिच बोल्ली हिन, पर से बेल्ला आया करदा ए जां मैं तुसा कने उदारण दैणे रे बजाए, साफ-साफ गल्लां करणी।

यूहन्ना 16:32

दिख्खो, से बेल्ला आया करदा ए, बल्कि आई गेया कि तुसा तित्तर-बित्तर होई करी अपणे-अपणे रस्ते चली जाणा अते मेरे जो किल्ला छड्डी दैणा, फिरी भी मैं किल्ला नी ए, किजोकी पिता मेरे कने हिन।

यूहन्ना 4:21

यीशु ने तिसजो बोल्लेया, ओ जनानी मेरी गल्ल रा विश्वास कर कि से बेल्ला आंदा है कि न तां तुसा इस पहाड पर बाबे री भक्ति करणी ना ही यरुशलेम बिच

यूहन्ना 4:23

पर से बेल्ला आणे वाला है हालांकि अब्बे भी है जिस बिच सच्चे भक्त बाबे री भक्ति आत्‍मा कने सच्चाई कने करणी किजोकी बाबा अपणे तांइ इदेए भक्तां जो तोपदा

यूहन्ना 9:22

ए गल्लां तिसेरे मां-प्यो ने इस तांइ बोल्ली किजोकी से यहूदी अधिकारी का डरदे थिये, किजोकी यहूदी इक्क पास्से होई गेरे थिये कि जे कोई बोल्ले कि यीशु ही मसीह है, तां सभास्थल बिच का कड्डेया जाए।

यूहन्ना 9:34

तिन्हा ने तिसजो जवाब दित्ता, तू तां बिल्कुल पाप्पां बिच जम्मे रा है, तू असा जो कै सिखान्दा? ते तिन्हा ने तिसजो बाहर कड्डी दित्ता।

प्रेरितां रे कम्म 5:33

ए सुणी करी सभा रे सदस्य मणू जलणा लग्गी पे ते प्रेरितां जो मारी रखणा चाएया।

प्रेरितां रे कम्म 7:56

बोल्लेया, दिख्खो, मैं स्वर्ग जो खुले रा ते मणू रे पुत्तर, जे मैं ही है जो परमेश्वर रे सज्जे पास्से खड़ित्ते रा दिख्खेया करदा है

1 कुरुन्थियों 4:13

जां मणू असा जो बदनाम करदे, तां भी असी मीठा बोलदे, मणू हल्ले तिकर भी असा री इज्जत नी करदे, से सोचदे कि असी बिल्कुल ही बेकार हिन।

फिलिप्पियों 3:6

ते मेरे अंदर इन्ना जोस थिया कि मैं कलीसिया जो तंग करणे वाला मणू थिया, ते यहूदी नियमां रे हिसाब कने इक्क धार्मिक मणू थिया किजोकी मैं हर कानून जो मनदा थिया।

प्रकाशित वाक्य 6:9

अते जां “उरणू” ने पंजवी मौहर खोली, मैं तिस वेदी रे थल्ले तिन्हा लोक्कां री आत्मां दिख्खी जिन्हा जो इधेरे तांइ मारी दित्तेया गेया थिया किजोकी से परमेश्वर रे वचन तांइ ते तिस बसेख तांइ भरोस्सेमंद बणी करी रे थिये जिस जो तिन्हा ने मन्नेया थिया।