यूहन्ना 16:14 - चम्बयाली नौआ नियम

¹⁴ तिन्हा ने तुसा जो से सारी गल्लां मेरे का सुणी करी तुसा जो दसणी ते इय्यां करी के मेरे जो महिमा दैणी।

यूहन्ना 16:14 ပူးပေါင်းရင်းမြစ်များ

यूहन्ना 14:21

जे मेरे हुकमां जो जाणदा ते तिन्हा जो मनदा, से ही मेरे कने दाह-पीड़ रखदा अते जे मेरे कने दाह-पीड़ रखदा तिस कने मेरे पिता ने भी दाह-पीड़ रखणी, अते मैं तिस कने प्यार करणा ते अप्पु जो तिसेरे सामणे जाहिर करणा।

यूहन्ना 15:26

जां तिस मददगार ने आणा, जिस जो मैं पिता रे पास्से का तुसा का भेजणा, बल्कि सच्चाई री आत्‍मा, जे पिता रे पास्से का आंदी, तिसने मेरी गवाई दैणी।

यूहन्ना 7:39

तिन्हा ने ए वचन पवित्रात्मा रे बारे बिच बोल्लेया थिया, जिस जो उन्हेरे पर विश्वास करणे वाले पाणे वाले थिये किजोकी आत्‍मा हल्ले तिकर नी उतरेया थिया, किजोकी हल्ले तिकर परमेश्वर ने यीशु री महिमा प्रकट नी कित्ती थी।

1 कुरुन्थियों 12:3

इधेरे तांइ मैं चाह्‍ंदा कि तुसा समझो कि जे कोई परमेश्वर रे आत्‍मा रे कहे मुताबिक बोलदा से कदी ए नी बोलदा यीशु लाणती है, ते बगैर पवित्रात्मा रे कहे मुताबिक कोई ए भी नी बोल्ली सकदा कि यीशु प्रभु हिन।

2 कुरुन्थियों 4:6

किजोकी परमेश्वर ने ही बोल्ले रा है, “न्याहरे बिच रौसनी चमके।” ते से ही असा रे दिल बिच चमकी, ताकि असी मसीह बिच परमेश्वर री महिमा जो दिख्खी सकण।

गलातियों 5:5

किजोकी पवित्रात्मा री वजह कने असी विश्वास कने, आस कित्ते री धार्मिकता री भाल रखदे जे परमेश्वर ने तिन्हा लोक्कां जो दैणे रा वादा कित्ते रा ओ जे तिन्हा पर विश्वास करदे।

1 पतरस 2:7

ए बट्टा मसीह यीशु हिन ते से तुसा तांइ तां कीमती बणी जांदे जां तुसा तिन्हा बिच विश्वास करदे। पर तिन्हा बिच विश्वास ना करणे वाले लोक्कां तांइ पवित्रशास्त्र बिच ए लिख्खे रा गे रा है, “जिस बट्टे जो मिस्त्रि ठुकराई दित्तेया थिया, से ही बट्टा इमारत री नीं रा सबका जादा जरुरी बट्टा बणी गे रा है।”

1 यूहन्ना 3:23

तिसेरा हुकम ए है कि असी तिसेरे पुत्तर मसीह यीशु बिच विश्वास करण अते जिय्यां तिन्हा हुकम दित्तेया है, कि असी इक्क-दूय्ये कने प्यार करो।

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।

1 यूहन्ना 5:6

यीशु मसीह बपतिस्मा लैणे रे जरिए ते सुली पर कुर्बानी दैणे रे जरिए परमेश्वर रे पुत्तर बिच ज़ाहिर होया थिया। सिर्फ बपतिस्मा लैण रे जरिए ही नी पर सुली पर अपणी जान दैणे रे जरिए भी, ते पवित्रात्मा ए गवाई दिंदा कि मसीह यीशु परमेश्वर रे पास्से का रे हिन ते तिन्हेरी गवाई सच्ची है किजोकी पवित्रात्मा सच है।

प्रकाशित वाक्य 19:10

तां मैं तिन्हा जो प्रणाम करणे तांइ तिन्हेरे पैरां पर पेई गेया, तिन्हा ने मेरे जो बोल्लेया, दिख्ख, इय्यां मत कर मैं तेरे ते तेरे भ्यालां रा संगी दास है जे यीशु री ग्वाही दैणे पर स्थिर हैं परमेश्वर जो ही प्रणाम करे: किजोकी यीशु री ग्वाही भविष्यवाणी री आत्‍मा है।