यूहन्ना 16:13 - चम्बयाली नौआ नियम

¹³ पर जां सच्चाई री आत्‍मा ने आणा, तां तिसने तुसा जो परमेश्वर रे सच बारे बिच सिखाणा, किजोकी तिसने अपणे पास्से का किच्‍छ नी बोलणा, पर जे किच्‍छ तिसने परमेश्वर का सूणेया हो, से ही बोलणा अते होणे वाली गल्लां जो तुसा रे सामणे लियाणा।

यूहन्ना 16:13 ပူးပေါင်းရင်းမြစ်များ

यूहन्ना 12:49

किजोकी मैं अपणे पास्से का गल्लां नी कित्ती पर पिता जिनिये मेरे जो भेज्जे रा है, उन्ने ही मेरे जो हुकम दित्तेया कि क्‍या-क्‍या बोलणा?

यूहन्ना 14:17

मतलब से आत्‍मा, जे लोक्कां जो परमेश्वर रे सच रे बारे बिच एहसास दुआंदी, ते जिस जो दुनिया अपणाई नी सकदी, किजोकी से ना तां तिन्हा जो दिखदा ते से ना तिसजो जाणदा। तुसा तिसजो जाणदे, किजोकी से तुसा रे कने रैहन्दा, ते से तुसा बिच होणा।

यूहन्ना 14:26

पर पिता ने मेरे नां कने भेजणा इक्क मददगार जो भेजणा जे पवित्रात्मा है, तिसने तुसा जो सब गल्लां सखाणी, अते जे किच्‍छ मैं तुसा जो बोल्लेया से सब गल्लां तिन्ने तुसा जो चेत्ता कराणी।

यूहन्ना 14:6

यीशु ने तिसजो बोल्लेया, रस्ता अते सच्चाई ते जिन्दगी मैं ही है, बगैर मेरे कोई पिता-परमेश्वर का नी पूज्जी सकदा।

यूहन्ना 15:26

जां तिस मददगार ने आणा, जिस जो मैं पिता रे पास्से का तुसा का भेजणा, बल्कि सच्चाई री आत्‍मा, जे पिता रे पास्से का आंदी, तिसने मेरी गवाई दैणी।

यूहन्ना 16:12

मेरे जो तुसा कने होर भी मती सारी गल्लां करणे जो हिन, पर हल्ले तुसा उन्हा जो सैह्‍ण नी सकदे।

यूहन्ना 3:32

जे किच्‍छ तिसने दिख्खेया ते सूणेया, तिसेरी ही गवाई दिंदा है ते किच्‍छ मणू तिसेरी गवाई जो नी मनदे,

यूहन्ना 8:38

मैं से ही बोलदा जे अपणे पिता कने रैहन्दे बेल्ले दिख्खे रा है; ते तुसा से ही करदे जे तुसा ने अपणे पूरखां का सुणे रा है।

प्रेरितां रे कम्म 11:28

तिन्हा बिच का अगबुस नां रे इक्क भविष्यद्वक्ता ने खड़े होई करी पवित्रात्मा रे गलाये ए दस्सेया, कि सारे रोम साम्राज्य बिच इक्क बड्डा अकाल पैणा, ते से अकाल क्लौदियुस सम्राट रे राज रे दौरान पेया।

प्रेरितां रे कम्म 20:23

सिर्फ ए ही कि पवित्रात्मा हर इक्क सहर बिच गवाही देई-देई करी मेरे जो बोलदा कि बंधन ते कहला तेरे तांइ तैयार हिन,

प्रेरितां रे कम्म 27:24

ओ पौलुस, डर मत! तिज्जो सम्राट रे सामणे खड़े होणा ही पैणा, परमेश्वर ने सबणी जो, जे तेरे कने सफर करेया करदे हिन, बचाए रा है।

2 थिस्सलुनीकियों 2:12

परमेश्वर ने तिन्हा सारे लोक्कां रा हिसाब-किताब लैणा जिन्हा ने मसीह यीशु रे सच्चाई रे बसेख पर विश्वास नी कित्तेया पर अपणे बुराई रे कम्मां कने प्यार कित्तेया।

2 थिस्सलुनीकियों 2:3

तिस दिन रे बारे बिच कुसकी भी तरिक्के कने कुसकी भी मणू रे बहकावे बिच मत आदें, किजोकी मसीह यीशु रे हटणे का पैल्ले ही मते लोक्कां ने परमेश्वर रे खिलाफ होई जाणा। ते तिस दुष्ट ने लोक्कां सामणे आई जाणा जिस जो परमेश्वर ने नरक बिच पूरे तरिक्के कने मुकाई दैणा।

इब्रानियों 1:1

पैल्ले जमाने का ही परमेश्वर ने भविष्यद्वक्ता रे जरिए असा रे पूरखां कने मती वरी, अलग-अलग तरिक्के कने गल्लां कित्ती।

1 यूहन्ना 2:20

पर मसीह यीशु ने तुसा जो पवित्रात्मा दित्ते रा है इधेरे तांइ तुसा सारी सच्चाई जाणदे।

1 यूहन्ना 2:27

पर तुसा तांइ से पवित्रात्मा जे तुसा ने मसीह यीशु का पाए रा है, तुसा बिच बणी रैहन्दा, ते इसेरी कोई जरुरत नी कि कोई तुसा जो सच्चाई री गल्लां सिखाए, बल्कि जिय्यां पवित्रात्मा ने जे मसीह ने तुसा जो मिल्ले रा है, तुसा जो सच्चाई री सारी गल्लां सिखणे तांइ मदद करणी, जे पवित्रात्मा तुसा जो सिखांदा, से पूरी तरिक्के कने सच है, ते तिस बिच कोई झूठ नी, इधेरे तांइ मसीह बिच बणी रेयो, जिय्यां पवित्रात्मा ने तुसा जो करणे तांइ दस्से रा है।

1 यूहन्ना 4:6

असी परमेश्वर रे मणू हिन ते जे परमेश्वर जो जाणदा, से असा री सूणदा, जे परमेश्वर जो नी जाणदा, से असा री नी सूणदा। इय्यां ही असी सच री आत्‍मा ते भटकाणे वाली आत्‍मा बिच फरक पैछाणदे।

1 यूहन्ना 5:6

यीशु मसीह बपतिस्मा लैणे रे जरिए ते सुली पर कुर्बानी दैणे रे जरिए परमेश्वर रे पुत्तर बिच ज़ाहिर होया थिया। सिर्फ बपतिस्मा लैण रे जरिए ही नी पर सुली पर अपणी जान दैणे रे जरिए भी, ते पवित्रात्मा ए गवाई दिंदा कि मसीह यीशु परमेश्वर रे पास्से का रे हिन ते तिन्हेरी गवाई सच्ची है किजोकी पवित्रात्मा सच है।

प्रकाशित वाक्य 1:1

परमेश्वर ने मसीह यीशु जो से लुके री चीजां दिखाई जे बड़े तौले होणे वाली हिन, ताकि से अपणे सेवादार मणूआं जो से गल्लां दस्सी सकण। मसीह यीशु ने अपणे स्वर्गदूत जो भेज्जी करी मेरे पर इन्हा गल्लां जो जाहिर कित्ता जे तिन्हेरा सेवादार है।

प्रकाशित वाक्य 1:19

इधेरे तांइ जे किच्‍छ तैं दिख्खेया, जे गल्लां होया करदी हिन, अते जे होणे वाली हिन, तिन्हा सबणी जो लिखदा जा।