यूहन्ना 15:5 - चम्बयाली नौआ नियम

⁵ मैं अंगूर री बेल है, तुसा डाली हिन जे मेरे कने जुड़ी रैहन्दा अते मैं तिस कने, से बड़ा फलदा, किजोकी मेरे का बखरे होई करी तुसा किच्‍छ नी करी सकदे

यूहन्ना 15:5 ပူးပေါင်းရင်းမြစ်များ

मत्ती 13:21

पर से अपणे बिच जड़ नी पकड़ी पाणे री वजह कने थोड़ी ही हाण तांइ हुन्दे, अते जां वचन री वजह कने दुख या कोई मुसीबत आंदी तां से झट ही डगमगाई जांदे।

यूहन्ना 12:24

मैं तुसा जो सच-सच बोलदा कि जा तिकर कणक रा दाणा जमीन पर पेई करी मरी नी जादां, ओ किल्ला रेन्दां पर जां ओ मरी जादां, तां बड्डा फल्ल लान्दा।

यूहन्ना 15:16

तुसा मेरे जो नी चुणेया, पर मैं तुसा जो इक्क मकसद कने चुणेया कि तुसा जाओ अते इदेय कम्म करण जे पिता-परमेश्वर जो पसंद आए ते तुसा रे ठीक कम्म बणी रे, ताकि मेरे नां कने तुसा जे किच्‍छ भी पिता का मंगो से तुसा री हर जरुरत जो पूरा करण।

यूहन्ना 5:19

इस पर यीशु ने तिन्हा जो बोल्लेया, मैं तुसा जो सच-सच बोलदा, पुत्तर अपणी मर्जी कने किच्‍छ नी करी सकदा, पर सिर्फ से ही, जे परमेश्वर पिता जो करदे दिखदा, किजोकी जिन्हा-जिन्हा कम्मां जो “पिता” करदा, तिसजो पुत्तर भी तिसी तरिक्के करदा।

यूहन्ना 9:33

जे ए मणू परमेश्वर रे पास्से का नी हुन्दा, तां किच्‍छ भी नी करी सकदा

प्रेरितां रे कम्म 4:12

यीशु जो छड्डी करी कुसकी दूए रे जरिए छुटकारा नी, किजोकी आसमान रे थल्ले मणूआं बिच यीशु छड्डी करी होर कोई दुआ नां नी दित्तेया गेया, जिसेरे जरिए असी छुटकारा पाई सके।

रोमियों 12:5

तिय्यां ही असी विश्वासी मणू मिली करी मसीह यीशु रे जिस्म रा हिस्सा बणी गेरे हिन, ते असी आपस बिच इक्क-दूए कने जुड़े रे हिन।

रोमियों 6:22

पर अवे तुसा पाप रे काबू का अजाद होई गेरे हिन ते परमेश्वर रे गुलाम बणी गेरे हिन। तुसा अवे पवित्र कम्म करदे जिस कने तुसा जो हमेसा री जिन्दगी मिलदी।

रोमियों 7:4

तां ओ मेरे संगी विश्वासियों, जां तुसा मसीह यीशु कने मरी गे, तां तुसा कानूनां रे काबू का अजाद होई गे। अवे तुसा मसीह यीशु रे होई गेरे हिन जे मुर्देयां बिच का जिन्दे होई गेरे हिन ताकि तुसा तिन्हा कने परमेश्वर तांइ धार्मिक जिन्दगी जी सको।

1 कुरुन्थियों 10:16

जां असी प्रभु-भोज बिच तिस कटोरे बिच का पिंदे, ते जां रोट्टी बिच का खांदे ते जिसेरे तांइ असी परमेश्वर रा भी शुक्रिया करदे तां असी हकीकत बिच मसीह पर होए रे जुल्म ते तिन्हेरी कुर्बानी जो याद करदे। ए तिन्हा आशीषां रा हिस्सा बणने री निशानी है जे असा जो मसीह सरीर रा हिस्सा बणने री वजह कने मिलदी।

1 कुरुन्थियों 12:12

किजोकी जिय्यां असा रे इक्क जिस्म रे मते सारे अंग हिन, तिय्यां ही असी विश्वासी मणू मिली करी मसीह यीशु रे जिस्म रा हिस्सा बणी गेरे हिन, ते असी आपस बिच इक्क-दूए कने जुड़े रे हिन।

1 कुरुन्थियों 12:27

इस तरिक्के तुसा बिच का हर इक्क मिली करी मसीह यीशु रा सरीर हिन, ते तुसा बिच का हर इक्क तिन्हेरे बखरे-बखरे अंग हिन।

2 कुरुन्थियों 13:8

किजोकी असी सच्चाई रे खिलाफ किच्‍छ नी करी सकदे, पर सच्चाई तांइ सब किच्‍छ करी सकदे।

2 कुरुन्थियों 9:10

किजोकी परमेश्वर ही हिन जे किसान जो बाणे तांइ बीह् ते तिसेरे जरिये रोट्टी भी उपलब्ध करांदे। तिस्सी तरिक्के कने, तिन्हा ने तुसा जो साधन उपलब्ध कराणे ते तिन्हा जो बधाणा ते तुसा बिच का उदारता री फसल जो कटणा।

गलातियों 5:22

पर पवित्रात्मा का पैदा होणे वाला स्वभाव बिच प्यार, आनंद, सांती, सबर, दया, नेकी, ते विश्वास है।

इफिसियों 5:9

किजोकी रौसनी बिच जीणे वाले मणूआं रा स्वभाव हर तरिक्के कने भला, ते धार्मिकता ते भरोसेमंद है।

फिलिप्पियों 1:11

तुसा री जिन्दगी मसीह यीशु रे जरिए परमेश्वर री धार्मिकता रे कम्मां कने भरदी जाए जिस कने परमेश्वर री बड़ाई ते तारीफ हुंदी रे।

फिलिप्पियों 4:13

मसीह मेरे जो ताकत दिंदा ते तिस बिच मैं सब किच्‍छ करी सकदा।

फिलिप्पियों 4:17

मैं ए नी लिख्खेया करदा है कि मैं तुसा का दान चाह्‍ंदा, पर मैं चाह्‍ंदा कि ए भी तुसा रे भले कम्मां री सुची बिच जुड़ी जाए जिन्हा तांइ परमेश्वर ने तुसा जो ईनाम दैणा।

कुलुस्सियों 1:10

तां तुसा रा चालचलन प्रभु जो पसंद आणे वाला बणना, ते तुसा परमेश्वर जो हर तरिक्के कने खुस करणे वाली जिन्दगी जीणी, ते तिसेरी वजह कने तुसा अपणी जिन्दगी बिच हर तरिक्के रे ठीक कम्म करदे रैह्णा, ते तुसा परमेश्वर जो होर भी ठीक तरिक्के कने जाणदे रैह्णा।

कुलुस्सियों 1:6

जे सुब बसेख तुसा जो सुणाया गेया थिया, से ही सुब बसेख अवे सारी दुनिया रे लोक्कां बिच सुणाया जांदा। ते जिय्यां इसने तुसा री जिन्दगी जो बदलेया थिया, जां तुसा ने पैल्ली वरी परमेश्वर रे बसेख जो सूणेया ते समजेया थिया कि तिस बिच किन्ना जादा अनुग्रह है, तिय्यां ही ए लोक्कां री जिन्दगी जो बदली करी जादा का जादा फल्ल लाया करदा है।

याकूब 1:17

किजोकी हर इक्क बदिया वरदान ते उत्तम दान परमेश्वर रे पास्से का ही हुदां, ते अम्बरे रे चाँद-तारेयां जो बणाणे वाले पिता परमेश्वर रे पास्से का मिलदा जे हमेसा इक्क जदेय रैहन्दे ते कदी भी नी बदलदे।

1 पतरस 2:4

तुसा मसीह यीशु का आए रे हिन। से तिस जरुरी बट्टे सांई हिन जिस जो इमारत री नीं बिच लाया जांदा, पर से जिंदे बट्टे हिन। मते लोक्कां ने तिन्हा जो नक्कारेया पर परमेश्वर ने तिन्हा जो चुणेया से तिन्हा जो बड़ा कीमती भी मनदे। ते जिय्यां मणू बट्टेयां कने घर जो बणांदे, तिय्यां ही परमेश्वर भी तुसा जो इक्क इदेइ मण्डली रा हिस्सा बणाया करदे हिन जित्ते पवित्रात्मा वास करदा। तिन्हा कम्मां री वजह कने जे मसीह ने असा तांइ कित्ते, तुसा परमेश्वर जो कुर्बानी चढ़ाणे वाले पुरोत्तां सांई तिन्हा जो खुस करणे वाले कम्म करो।

2 पतरस 3:18

पर तुसा जो असा रे प्रभु ते छुटकारा दैणे वाले मसीह यीशु रे अनुग्रह रा होर भी जादा अनुभव करणा चाएदा, ते तिन्हा जो समजणे बिच होर भी जादा बधणा चाएदा। तिन्हा रा आदरमान अब्बे ते हमेसा-हमेसा तिकर हुंदा रे।