यूहन्ना 15:26 - चम्बयाली नौआ नियम

²⁶ जां तिस मददगार ने आणा, जिस जो मैं पिता रे पास्से का तुसा का भेजणा, बल्कि सच्चाई री आत्‍मा, जे पिता रे पास्से का आंदी, तिसने मेरी गवाई दैणी।

यूहन्ना 15:26 ပူးပေါင်းရင်းမြစ်များ

लूका 24:49

ते दिख्खो, जिय्यां मेरे पिता ने वादा कित्ते रा है, तिसेरे हिसाब कने मैं तुसा पर पवित्रात्मा जो भेजणा, ते स्वर्ग का ताकत पाणे तिकर तुसा इसी कस्बे बिच ठहरे रेयो।

यूहन्ना 14:26

पर पिता ने मेरे नां कने भेजणा इक्क मददगार जो भेजणा जे पवित्रात्मा है, तिसने तुसा जो सब गल्लां सखाणी, अते जे किच्‍छ मैं तुसा जो बोल्लेया से सब गल्लां तिन्ने तुसा जो चेत्ता कराणी।

यूहन्ना 16:7

पर मैं तुसा रे कने सच-सच बोलदा कि तुसा तांइ भला है कि मैं जाया करदा है, किजोकी जे अगर मैं नी जांगा तां पवित्रात्मा ने जे तुसा रा मददगार है, तुसा का नी आणा, पर जे अगर मैं चली जांगा तां तिसजो तुसा रे का भेजी दिंगा।

यूहन्ना 8:42

यीशु ने तिन्हा जो बोल्लेय, जे परमेश्वर तुसा रा प्यो हुदां, तां तुसा मेरे कने प्यार करदे, किजोकी मैं परमेश्वर रे पास्से का आए रा है, मैं अप्पु नी आया, पर तिनहा ने ही मेरे जो भेज्जेया।

प्रेरितां रे कम्म 1:4

जां से सारे कठ्ठे थिया तां यीशु ने तिन्हा कने मिली करी तिन्हा जो हुकम दित्तेया, यरुशलेम सहर जो ना छड्डो, पर पिता रे तिस वादे रे पूरा होणे रा इतंजार करो, जिसेरी गल्ल तुसा मेरे का सुणी चुके रे हो।

प्रेरितां रे कम्म 15:8

ते मन जो परखणे वाले परमेश्वर ने तिन्हा जो भी असा सांई पवित्रात्मा देई करी तिन्हा जो अपणाई लित्ता।

प्रेरितां रे कम्म 5:32

असी इन्हा गल्लां रे गवाह हिन ते तिय्यां ही पवित्रात्मा भी, जिस जो परमेश्वर ने तिन्हा जो दित्ते रा है जे तिन्हेरा हुकम मनदे

इब्रानियों 2:4

ते परमेश्वर ने मते चिन्ह-चमत्कार, आश्चर्यकर्म, ते पवित्रात्मा रे दान देई करी इस बसेख जो लोक्कां सामणे पक्का कित्ता।

प्रकाशित वाक्य 22:1

तां मेरे जो स्वर्गदूत ने से पाणी दिखाया जे हमेसा री जिन्दगी दैणे वाला पाणी केहलांदा, ते से पाणी सीसा सांई साफ थिया। ते तिस पाणी रा जरिया परमेश्वर रा सिंहासन है जे उरणू रा भी सिंहासन है।