यूहन्ना 15:25 - चम्बयाली नौआ नियम

²⁵ पर ए इधेरे तांइ होया कि से वचन पूरा हो जे पवित्रशास्त्र बिच लिख्खे रा है: तिन्हा ने बेकार ही मेरे कने नफरत कित्ती।

यूहन्ना 15:25 ပူးပေါင်းရင်းမြစ်များ

मत्ती 10:8

बिमारां जो खरा करो, मरे रेयां जो जिंदा करो, कोढ़ियां जो सुच्चा करो, दुष्टात्मा जो कड्डो तुसा जो मुफ्त बिच मिलेया है मुफ्त बिच ही देयो।

लूका 24:44

फिरी यीशु ने तिन्हा जो बोल्लेया, ए से गल्लां हिन जे मैं तुसा जो बोल्ली थिया, जां मैं तुसा कन्ने थिया, कि हर से गल्ल जे मेरे बारे बिच मूसा रे कानून बिच भविष्यद्वक्ता री कताबां बिच अते भजना री कताबां बिच लिख्खी दी हिन, से सब गल्लां पूरी होणी।

यूहन्ना 10:34

यीशु ने तिन्हा जो जवाब दित्ता, कै तुसा री पवित्रशास्त्र बिच नी लिख्खे रा है, “मैं बोल्लेया, तुसा परमेश्वर हिन?”

यूहन्ना 13:18

मैं तुसा सारे रे बारे बिच नी बोलदा; जिन्हा जो मैं चुणी लित्तेया रा है तिन्हा जो मैं जाणदा, पर ए इधेरे तांइ होया कि पवित्रशास्त्र रा से वचन पूरा हो, “जिनिये मेरी रोट्टी खाई, तिनिये मेरे कने धोखा कित्ता।”

यूहन्ना 19:36

ए गल्लां इधेरे तांइ होई कि पवित्रशास्त्र बिच लिख्खे रा वचन पूरा हो, “तिसेरी कोई हड्डी तोड़ी नी जाणी।”

रोमियों 3:19

असी जाणदे की मूसा रा कानून, जे किच्‍छ भी बोलदा, सिर्फ तिन्हा जो ही बोलदा जे तिस कानून थल्ले हिन, ताकि कोई भी मणू बहान्ने ना बणाई सके, ते परमेश्वर दुनिया रे सारे लोक्कां जो पापी ठैहराए ते तिन्हा जो सजा दे।

रोमियों 3:24

पर अवे परमेश्वर ने अपणे अनुग्रह री वजह कने असा जो धार्मिक ठैहराया। ते तिन्हा ने असा जो मसीह यीशु रे जरिये असा रे पाप्पां री सजा का मुफ्त बिच अजाद कित्ता।

2 कुरुन्थियों 11:7

मैं तुसा जो आदर दैणे तांइ अप्पु जो दीन-हीन बणाई करी ते कुसकी का बगैर किच्‍छ लित्ते, तुसा लोक्कां बिच परमेश्वर रे सुब बसेख रा प्रचार कित्तेया। इस गल्ल बिच मेरी कोई गलती नी है।

गलातियों 2:21

मैं परमेश्वर रे अनुग्रह जो नक्कारी नी सकदा, किजोकी जे अगर मूसा रे कानूनां रे जरिए धार्मिकता मिल्ली सकदी तां मसीह यीशु री कुर्बानी री कोई जरुरत नी हुंदी।

2 थिस्सलुनीकियों 3:8

ते कुसकी का मुफ्त बिच रोट्टी नी खाई पर मैहनत-मजदूरी करी के रात-दिन कम्म-काज करदे थिये ताकि असी तुसा बिच का कुसकी पर अपणी जरुरतां तांइ निर्भर ना हो।

प्रकाशित वाक्य 21:6

फिरी तिन्हा ने मेरे जो बोल्लेया, ए गल्लां पूरी होई गे री हिन, मैं अल्फा ते ओमेगा, आदी ते अंत है। जिस कुसकी ने भी प्यासे होणा, मैं तिसजो तिस झरने बिच का से पाणी पुआणा जे हमेसा री जिन्दगी दिंदा।

प्रकाशित वाक्य 22:17

पवित्रात्मा ते उरणू री नौई लाड़ी यीशु जो बोलदे, “तुसां रा आणा जरुरी है।” हर बसेख जो सुनणे वाले हर इक्क मणू जो बोलणा जरुरी है, “आ!” जे कोई भी प्यासा है से जरुर आए ते तिस पाणी जो अपणाए जिस कने मुफ्त बिच जिन्दगी मिलदी।