यूहन्ना 15:22 - चम्बयाली नौआ नियम

²² जे मैं नी आंदा अते तिन्हा कने गल्लां नी करदा तां से कुसकी भी पाप रे कसुरवार नी हुन्दे पर अवे तिन्हा का तिन्हेरे पाप्पां तांइ कोई भी भाह्ना नी ए

यूहन्ना 15:22 ပူးပေါင်းရင်းမြစ်များ

लूका 12:46

तां तिस मुंशी रे मालक ने ऐसे दिन आणा जिसेरे बारे अन्दर तिनिए सोच्चे रा भी नी होणा, अते जां तिनिए आणा ते आई करी तिसजो कड़ी सजा देई करी तिन्हा मणूआं बिच भेजी दैणा जे कि विश्वास लायक नी हिन ते तिन्हा बिच ही गिणेया जाणा

यूहन्ना 12:48

जे मेरे जो निक्कमा मनदा ते मेरी गल्लां नी मन्दा, तिसजो गलत ठैहराणे वाला तां इक्क है उन्निए ही आखरी दिन बिच तिसजो गलत ठहराणा।

यूहन्ना 15:23

जे मेरे कने नफरत करदा से मेरे पिता कने भी नफरत करदा

यूहन्ना 15:24

जे मैं तिन्हेरे बिच से चिन्हा-चमत्कार नी दसदा, जे कुसकी ने भी नी कित्ते, तां से पाप रे कसुरवार नी हुन्दे, पर अवे जां से दिख्खी चुके रे हिन तां भी मेरे कने अते मेरे पिता दोन्नां का नफरत करदे हिन।

यूहन्ना 16:9

पाप रे बारे बिच इधेरे तांइ, किजोकी दुनिया रे मणू मेरे पर विश्वास नी करदे।

यूहन्ना 19:11

यीशु ने जवाब दित्तेया, जे अगर तिज्जो परम परमेश्वर का ए हक्क नी मिलदा, तां तेरा मेरे पर कोई हक नी हुन्दा। इधेरे तांइ मेरे जो तेरे हत्थां पकड़वाए रा है, से तेरे का भी बड्डा पापी है।

यूहन्ना 9:41

यीशु ने तिन्हा जो बोल्लेया, जे अगर तुसा अन्ने हुदें तां पाप्पी नी मन्ने जादें पर अवे बोलदे कि असी दिखदे, इस तांइ तुसा रा पाप माफ नी कित्ते गे।

प्रेरितां रे कम्म 17:30

इधेरे तांइ परमेश्वर लोक्कां री अज्ञानता रे बेल्ले बिच आनाकानी करी के, अवे हर जगाह् सब मणूआं जो अपणे पाप्पां का तौबा करी लैणे रा हुकम दिंदे हिन।

रोमियों 1:20

परमेश्वर री ताकत ते स्वभाव दिख्खे नी जाई सकदे, पर दुनिया रे रचणे री सुरुआत का ही, परमेश्वर ने अप्पु ही इन्हा सारे गुण जो अपणे कम्मां रे जरिये ही दिखाए रा है, इधेरे तांइ इन्हा लोक्कां का अपणे तांइ कोई बहान्ना नी है कि से परमेश्वर जो नी जाणदे।

रोमियों 2:1

दूज्जेयां पर इल्जाम लाणे वाले लोक्कों, तुसा जे कम्म करदे तिस तांइ तुसा का कोई बहान्ना नी है किजोकी जिस गल्ल बिच तुसा दूज्जे लोक्कां पर इल्जाम लांदे, तिस बिच अप्पु जो गलत ठैहरांदे किजोकी तुसा दूज्जेयां पर जे इल्जाम लांदे, से ही कम्म अप्पु भी करदे।

याकूब 4:17

इधेरे तांइ जे कोई भलाई करणा जाणदा ते नी करदा, तिसेरे तांइ ए पाप है।

1 पतरस 2:16

तुसा जो कोई भी से करणे का नी रोक्की सकदा जे तुसा करणा चाह्‍ंदे किजोकी तुसा असा प्रभु यीशु मसीह रे जरिये अजाद करी दित्ते गेरे हिन। पर इस गल्ल रे बहान्ने कोई गलत कम्म मत करदे। बल्कि तुसा जो अपणे कम्मां कने ए दिखाणा चाएदा कि तुसा परमेश्वर रे सेवादार हिन।