यूहन्ना 15:21 - चम्बयाली नौआ नियम

²¹ पर तिन्हा लोक्कां ने तुसा पर भी जुल्म करणा किजोकी तुसा मेरे चेल्‍ले हिन, किजोकी से परमेश्वर जो नी जाणदे जिस ने मेरे जो भेज्जे रा है।

यूहन्ना 15:21 ပူးပေါင်းရင်းမြစ်များ

मत्ती 10:18

तुसा जो मेरी वजह कने राज्पालां अते राज्जेयां रे सामणे लित्तेया जाणा, ताकि उन्हा पर अते गैर यहूदियां रे लोक्कां तांइ गवाह बणो।

मत्ती 10:22

मेरी नां री वजह कने सबने तुसा रे कने नफरत करणी, पर जे आखर तांइ सबर रखगा तिसेरा ही छुटकारा होणा।

मत्ती 10:39

जे अपणी जिन्दगी जो बचाणे री इच्छा रखदा तिसने तिसजो गुआई दैणा, अते जे मेरी वजह कने अपणी जिन्दगी जो गुआणा, तिन्ने तिसजो पाणा।

मत्ती 24:9

तां तिन्हा लोक्कां ने जे तुसा रे खिलाफ हिन तुसा जो सताणे तांइ पकड़वाणा, ते तिन्हा ने तुसा जो मारी रखणा, ते मेरे पीच्छे चलणे री वजह कने सारी जातियां रे लोक्कां ने तुसा कने नफरत रखणी।

मत्ती 5:11

“धन्न हिन तुसा, जां मेरे चेल्‍ले होणे री वजह कने लोक्कां ने तुसा जो बेइज्जत करणा ते तंग करणा ते झूठ बोल्ली करी तुसा रे खिलाफ हर तरह री गल्लां बोलणी,

मरकुस 13:13

ते सारेयां ने तुसा कने नफरत करणी किजोकी तुसा मेरे चेल्‍ले हिन। पर जिनिये मरदे दम तक विश्वास बिच टिके रैह्णा तिसेरा ही छुटकारा होणा।

लूका 21:12

पर इन्हा गल्लां रे होणे का पैले मेरे पीछे चलणे वालेयां मणूआं जो पकड़ी लित्तेया जाणा, तुसा पर मुसीबतां पैणी, तुसा जो यरुशलेम रे सभास्थल बिच लेई जाई करी तिन्हा का देई दैणा, अते तुसा जो जेला बिच ढप्पी दैणा, अते तुसा जो राज्जेयां (न्यायधिशाँ) कने राज्पालां का लेई जाणा।

लूका 21:17

मेरे पीच्छे चलणे वालेयां कने सबणी ने दुश्मणी रखणी इधेरे तांइ कि तुसा मेरे चेल्‍ले हिन।

लूका 6:22

धन्न हिन तुसां, जे मणू रे पुत्तर, जे मैं ही है री वजह कने मणू तुसा का नफरत करगे, अते इस समाज का निकाली दिंगे, तुसा री बुराई करण अते तुसा जो बुरा बणाई करी तुसा रा नां बरादरी का कटी दिंगे

यूहन्ना 15:24

जे मैं तिन्हेरे बिच से चिन्हा-चमत्कार नी दसदा, जे कुसकी ने भी नी कित्ते, तां से पाप रे कसुरवार नी हुन्दे, पर अवे जां से दिख्खी चुके रे हिन तां भी मेरे कने अते मेरे पिता दोन्नां का नफरत करदे हिन।

यूहन्ना 16:3

अते तिन्हा ने इय्यां इधेरे तांइ करणा किजोकी तिन्हा ने ना ता स्वर्ग बिच रैह्णे वाले पिता जो जाणेया ते ना ही मेरे जो जाणेया,

यूहन्ना 17:25

ओ धार्मिक पिता, दुनिया रे लोक्कां ने मेरे जो नी जाणेया पर मैं तुसा जो जाणेया ते मेरे चेल्‍लेयां ने भी जाणेया कि तुसा ने मेरे जो भेज्जे रा है।

यूहन्ना 8:19

तिन्हा ने तिसजो बोल्लेया, तेरा पिता कुते है? “यीशु ने जवाब दित्ता, ना तुसा मेरे जो जाणदे ते ना पिता जो, जे तुसा मेरे जो जाणदे तां पिता जो भी जाणदे।”

यूहन्ना 8:54

यीशु ने जवाब दित्ता, जे अगर मैं अप्पु अपणी बड़ाई करां, तां मेरी बड़ाई किच्‍छ नी पर मेरी बड़ाई करणे वाला मेरा पिता है, जिस जो तुसा बोलदे कि तुसा रा परमेश्वर है।

यूहन्ना 8:55

तुसा तां तिन्हा जो नी जाणदे: पर मैं तिन्हा जो जाणदा, पर जे अगर मैं बोल्लां कि मैं तिन्हा जो नी जाणदा, तां मैं तुसा सांई झूठ्ठा ठैहरणा, पर मैं तिन्हा जो जाणदा ते तिन्हेरी शिक्षा जो मनदा।

प्रेरितां रे कम्म 17:23

किजोकी घूमदे-फिरदे तुसा री भक्ति वाली चीजां जो दिख्खेया करदा थिया, तां इक्क वेदी दिख्खी जिस पर लिख्खे रा थिया, कि अनजाणे परमेश्वर तांइ तां तुसा जिस जो बिना जाणे अराधना करदे, पर मैं तुसा जो तिसेरा सुब बसेख सूणान्दा

प्रेरितां रे कम्म 26:9

मैं भी समजेया थिया कि नासरत कस्बे रे यीशु पर विश्वास करणे वालेयां रे खिलाफ मेरे जो मता किच्‍छ करणा चाएदा,

प्रेरितां रे कम्म 3:17

अवे ओ भाईयों, मैं जाणदा कि ए कम्म तुसा नासमझी बिच कित्ता, ते तिय्यां ही तुसा रे सरदारां ने भी कित्तेया,

प्रेरितां रे कम्म 4:17

पर इधेरे तांइ कि ए गल्ल लोक्कां बिच होर जादा फैली ना जाए असी तिन्हेरे जो धमकादें कि से इस नां कने फिरी कुसकी कने गल्ल ना करण।

प्रेरितां रे कम्म 5:41

से इस गल्ल का खुस होई करी महासभा रे सामणे का चली गे, कि असी यीशु रे नां री बड़ाई होणे रे जोग्गे तां ठैहरे।

प्रेरितां रे कम्म 9:14

ते इत्ते भी इसजो बड्डे पुरोत्तां का अधिकार मिल्ले रा है कि तिन्हा सारे लोक्कां जो पकड़ी लये जे तुसा पर विश्वास करदे तिन्हा।

प्रेरितां रे कम्म 9:16

ते मैं तिसजो दसणा कि लोक्कां बिच मेरा प्रचार करणे री वजह कने तिसजो कदेया-कदेया दुख चुकणा पैणा।

रोमियों 1:28

जां तिन्हा ने सोच्चेया कि परमेश्वर जो जाणना तिन्हा तांइ बेवकूफी री गल्ल है, तां परमेश्वर ने भी तिन्हा जो गलत कम्म करणे तांइ तिन्हेरे निकम्मे मन पर छड्डी दित्तेया।

1 कुरुन्थियों 15:34

तुसा जो पाप करणा छड्डी करी वापिस धार्मिकता रे कम्म करणा चाएदे। किजोकी तुसा बिच किच्‍छ लोक्कां रा परमेश्वर कने गहरा रिस्ता नी है। ए गल्ल मैं तुसा जो शर्मिंदा करणे तांइ ए बोलदा।

1 कुरुन्थियों 2:8

परमेश्वर री योजना रे तिस ज्ञान जो इस जुग रे प्रधान लोक्कां बिच का कुसकी ने भी नी समजेया थिया। जे अगर से समजी गेरे हुंदे तां महिमा रे प्रभु मसीह यीशु जो सुली पर नी चढ़ांदे।

2 थिस्सलुनीकियों 1:8

अते जे मणू परमेश्वर जो नक्कारदे ते जे असा रे प्रभु यीशु रे सुब बसेख जो नी मनदे तिन्हा जो सजा दित्ती जाणी

1 यूहन्ना 3:1

ध्यान देयो कि परमेश्वर पिता ने असा कने कितणा प्यार कित्तेया ताकि असा जो परमेश्वर रे निके-निके बोल्लेया जाई सके अते वाक्केई असी तिन्हेरे बच्चे हिन भी! इधेरे तांइ दुनिया रे मणू असा जो नी जाणदे कि असी परमेश्वर रे बच्चे हिन किजोकी तिन्हा ने परमेश्वर पिता जो भी नी जाणेया।

3 यूहन्ना 1:7

किजोकी से मसीह यीशु रे बसेख रा प्रचार करणे तांइ सफर पर निकली पेय रे हिन अते से मसीह यीशु बिच विश्वास ना करणे वाले लोक्कां का कोई मदद नी लिंदे।

प्रकाशित वाक्य 2:3

मेरे तांइ जुल्म सहन करणे बिच तू सबर कने रेया, ते तू हार नी मन्नी।