यूहन्ना 15:20 - चम्बयाली नौआ नियम

²⁰ मैं जे गल्लां तुसा जो बोल्ली, तिन्हा जो याद रख्खो, इक्क नौक्कर अपणे मालक का बड्डा नी हुंदा, इधेरे तांइ जे तिन्हा मेरे पर जुल्म कित्तेया तां तुसा पर भी जुल्म करणा, अते जे अगर तिन्हा मेरी शिक्षा जो मन्नेयां, तां तुसा री भी मनणी।

यूहन्ना 15:20 ပူးပေါင်းရင်းမြစ်များ

मत्ती 10:24

ना चेल्ला अपणे गुरु का अते ना नौक्कर अपणे मालक का बड्डा हुन्दा,

मरकुस 10:39

तिन्हा दोन्नां ने यीशु जो बोल्लेया, “असी सही सकदे।” यीशु ने तिन्हा जो बोल्लेया, “बिल्कुल तुसा से दुख सही सकदे जे मैं सहणे वाला है,

लूका 2:34

फिरी शमौन ने तिन्हा जो आशीष देई करी यीशु री मां, मरियम जो बोल्लेया, इस निक्के री वजह कने इस्राएल रे मते मणू बचाए जाणे ते मते मणू नास होणे, ते बड़े लोक्कां ने इसेरे खिलाफ होणा।

लूका 6:40

चेल्ला अपणे गुरु का बड्ड़ा नी होई सकदा पर हाँ, जे सब किच्‍छ सिख्खी लिन्दा, सेह्ई अपणे गुरु सांई होई सकदा

यूहन्ना 10:31

यहूदियां ने यीशु जो मारणे तांइ फिरी बट्टे चुक्के।

यूहन्ना 11:57

बड्डे पुरोत्तां ते फरीसियां ने ए हुकम देई रखे रा थिया कि जै जाणदा हो कि यीशु कुते है ओ दस्से, ताकि ओ तिसजो पकड़ी सकण।

यूहन्ना 13:16

मैं तुसा कने सच-सच बोल्दा, नौक्कर अपणे मालक का बड्डा नी, ते ना ही दूत अपणे भेजणे वाले का बड्डा हुंदा।

यूहन्ना 5:16

इसेरी वजह कने यहूदी यीशु जो सताणा लगे किजोकी से इदेय कम्म विश्राम दिन पर करदा थिया।

यूहन्ना 7:32

फरीसी ने लोक्कां जो उन्हेरे बारे बिच ए गल्लां लुकी करी करदे सुणेयां ते बड्डे पुरोत्तां ते फरीसी ने तिन्हेरे जो पकड़ने तांइ मन्दिर रे सिपाई भेज्जे।

यूहन्ना 8:51

मैं तुसा कने सच-सच बोलदा कि जे कोई मणू मेरी शिक्षा जो मनदा, तां तिसने कदी भी नी मरणा।

यूहन्ना 8:52

यहूदियां ने तिन्हा जो बोल्लेया, अवे असी जाणी लित्ता की तेरे अन्दर दुष्टात्मा है, अब्राहम मरी गेया, ते भविष्यद्वक्ता भी मरी गे, ते तुसा बोलदे जे कोई मेरे शिक्षा जो मनगा, तिसने कदी भी नी मरणा।

यूहन्ना 8:59

तां तिन्हा ने उन्हेरे जो मारणे तांइ बट्टे चुक्के, पर यीशु लुकी करी मन्दिर रे अंगण का निकली गे।

प्रेरितां रे कम्म 14:22

ते हर इक्क कस्बे बिच जाई करी चेल्‍ले रे मन जो मजबूत करदे रे ते ए उपदेस दिंदे थिये, कि विश्वास बिच बणे रेयो, ते ए बोलदे थिये कि असा जो बड़े दुख सहन करी के परमेश्वर रे राज बिच पुजणा है।

1 कुरुन्थियों 4:12

अपणे हत्थां कने मैहनत-मजदूरी करदे हिन, जां मणू असा जो बुरा-भला बोलदे तां असी तिन्हा जो आशीष दिंदे, से असा जो तंग करदे अते असी तिन्हा जो सहन करदे।

2 कुरुन्थियों 4:9

सताए ता जान्दे, पर छड्डे नी जांदे, झुकाये तां जांदे, पर नास नी होये हिन

1 थिस्सलुनीकियों 2:15

जिन्हा ने प्रभु यीशु ते भविष्यद्वक्ता जो भी मारी रख्खेया ते असा पर भी जुल्म करेया करदे हिन, पर परमेश्वर तिन्हा का खुस नी, ते से सारे मणूआं रा विरोध करदे,

2 तीमुथियुस 3:12

हर इक्क तिस मणू पर जुल्म कित्तेया जाणा जिनिये से कम्म करणे री कोसीस करणी जिस कने परमेश्वर खुस हुंदे ते जे मसीह यीशु बिच विश्वास करदा।