यूहन्ना 15:18 - चम्बयाली नौआ नियम

¹⁸ जे अगर दुनिया रे मणू तुसा कने दुश्मणी करदी तां याद रख्खो से तुसा रे का पैल्ले मेरे का दुश्मणी करदी।

यूहन्ना 15:18 ပူးပေါင်းရင်းမြစ်များ

मत्ती 10:22

मेरी नां री वजह कने सबने तुसा रे कने नफरत करणी, पर जे आखर तांइ सबर रखगा तिसेरा ही छुटकारा होणा।

मत्ती 24:9

तां तिन्हा लोक्कां ने जे तुसा रे खिलाफ हिन तुसा जो सताणे तांइ पकड़वाणा, ते तिन्हा ने तुसा जो मारी रखणा, ते मेरे पीच्छे चलणे री वजह कने सारी जातियां रे लोक्कां ने तुसा कने नफरत रखणी।

मत्ती 5:11

“धन्न हिन तुसा, जां मेरे चेल्‍ले होणे री वजह कने लोक्कां ने तुसा जो बेइज्जत करणा ते तंग करणा ते झूठ बोल्ली करी तुसा रे खिलाफ हर तरह री गल्लां बोलणी,

मरकुस 13:13

ते सारेयां ने तुसा कने नफरत करणी किजोकी तुसा मेरे चेल्‍ले हिन। पर जिनिये मरदे दम तक विश्वास बिच टिके रैह्णा तिसेरा ही छुटकारा होणा।

लूका 6:22

धन्न हिन तुसां, जे मणू रे पुत्तर, जे मैं ही है री वजह कने मणू तुसा का नफरत करगे, अते इस समाज का निकाली दिंगे, तुसा री बुराई करण अते तुसा जो बुरा बणाई करी तुसा रा नां बरादरी का कटी दिंगे

यूहन्ना 16:1

मैं ए गल्लां इधेरे तांइ तुसा रे कने बोल्ली हिन, ताकि तुसा रा विश्वास डगमगाई नी जाओ।

यूहन्ना 16:33

ए गल्लां मैं तुसा रे कने बोल्ली हिन कि तुसा जो मेरे जरिए सांती मिल्लो, दुनिया बिच तुसा जो तकलिफां मिल्ली हिन, पर हिम्मत रख्खो किजोकी मैं इस दुनिया रे सरदार, शैतान जो हराई दित्ते रा है।

यूहन्ना 3:20

कि जे कोई बुराई करदा से रौसनी कने दुश्मणी रखदा कने रौसनी रे नेड़े नी आंदा, इदेया न हो कि तिसेरे कम्मां पर दोष लगाया जाए

यूहन्ना 7:7

दुनिया रे मणू तुसा कने नफरत नी करी सकदे, पर से मेरे कने नफरत करदे, किजोकी मैं तिन्हेरे खिलाफ गवाई दिन्दा, कि दुनिया रे लोक्कां रे कम्म बुरे हिन।

प्रेरितां रे कम्म 14:22

ते हर इक्क कस्बे बिच जाई करी चेल्‍ले रे मन जो मजबूत करदे रे ते ए उपदेस दिंदे थिये, कि विश्वास बिच बणे रेयो, ते ए बोलदे थिये कि असा जो बड़े दुख सहन करी के परमेश्वर रे राज बिच पुजणा है।

इब्रानियों 12:2

असा जो अपणी हाख्खियां यीशु पर लाई रखणी चाएदी, जे असा जो विश्वास बिच अग्गे बधांदे ते पूरा भी करदे। तिन्हा ने सुली पर जान दैणे ते बेज्जती जो भी, बाद बिच मिलणे वाले आनंद रे बारे बिच सोचदे होए सहन करी लित्तेया। से अवे परमेश्वर रे सिहांसन रे सज्जे पास्से बैठ्ठे रे हिन।

याकूब 4:4

ओ बेईमान लोक्कों, तुसा जाणदे कि दुनिया री चीजां कने प्यार रखणा परमेश्वर कने नफरत करणा है। अते जे दुनिया रा दोस्त होणा चाह्‍ंदा, से अपणे आप जो परमेश्वर रा दुश्मण बणादां

1 यूहन्ना 3:1

ध्यान देयो कि परमेश्वर पिता ने असा कने कितणा प्यार कित्तेया ताकि असा जो परमेश्वर रे निके-निके बोल्लेया जाई सके अते वाक्केई असी तिन्हेरे बच्चे हिन भी! इधेरे तांइ दुनिया रे मणू असा जो नी जाणदे कि असी परमेश्वर रे बच्चे हिन किजोकी तिन्हा ने परमेश्वर पिता जो भी नी जाणेया।

1 यूहन्ना 3:13

ओ मेरे संगी विश्वासियों, जां दुनिया रे मणू तुसा कने नफरत करदे, तां हैरान मत हुन्दे।

1 यूहन्ना 3:3

हर कोई जे मसीह पर इदेयी आस रखदा, से अप्पु जो तिय्यां ही पवित्र रखदा, जिय्यां मसीह यीशु पवित्र है।