यूहन्ना 15:14 - चम्बयाली नौआ नियम

¹⁴ जे हुकम मैं तुसा जो दित्तेया, जे तुसा तिसजो मनगे, तां ही तुसा मेरे दोस्त हिन।

यूहन्ना 15:14 ပူးပေါင်းရင်းမြစ်များ

मत्ती 12:50

किजोकी जे कोई मेरे परम-पिता री जे स्वर्ग बिच हिन मर्जी पूरी करदा, सेह्ई मेरा भाई, भैण अते मेरी मां है।

लूका 12:4

पर मेरे मित्रो, मैं तुसा जो बोलदा तिन्हा का मत डरो जे सिर्फ तुसा रे सरीर जो घात करी सकदे ते तिसेरे बाद इदेया किच्‍छ भी नी है जे तिन्हेरे वस अन्दर होणा।

यूहन्ना 13:17

अवे तुसा ए गल्लां जाणदे हिन, ते जे उन्हा रे हिसाब कने चलो तां तुसा धन्न हिन।

यूहन्ना 14:15

जे तुसा मेरे कने प्यार करदे तां मेरे हुकमा जो मन्नो।

यूहन्ना 14:21

जे मेरे हुकमां जो जाणदा ते तिन्हा जो मनदा, से ही मेरे कने दाह-पीड़ रखदा अते जे मेरे कने दाह-पीड़ रखदा तिस कने मेरे पिता ने भी दाह-पीड़ रखणी, अते मैं तिस कने प्यार करणा ते अप्पु जो तिसेरे सामणे जाहिर करणा।

यूहन्ना 14:28

तुसा सुणी चुके रे हिन जे मैं तुसा जो बोल्लेया, मैं जांदा, ते तुसा रे का फिरी आणा, जे तुसा मेरे कने सच्चा प्यार करदे तां इस गल्ल कने खुस हुन्दे कि मैं पिता का जाया करदा है, जे मेरे का बड्डे हिन।

यूहन्ना 2:5

तिसेरी मां ने नौक्करां जो बोल्लेया, जे किच्‍छ से तुसा जो बोलदा, तिय्यां ही करेयो।

याकूब 2:23

ते पवित्रशास्त्र रा से वचन पूरा होया कि अब्राहम ने परमेश्वर पर भरोसा कित्तेया, ते तिसेरे विश्वास रे जरिए परमेश्वर ने तिसजो धार्मिक मणू ठैहराया, ते इत्ते तिकर कि से परमेश्वर रा दोस्त केहलाया।

1 यूहन्ना 5:3

परमेश्वर कने प्यार करणे रा मतलब ए है कि असी तिन्हेरे हुकमां जो मन्ने ते तिन्हेरे हुकम मुस्किल नी हिन।