यूहन्ना 15:12 - चम्बयाली नौआ नियम

¹² मेरा हुकम ए है कि जिय्यां मैं तुसा रे कने प्यार कित्तेया, तिय्यां ही तुसा भी इक्क दूज्जे कने प्यार करो।

यूहन्ना 15:12 ပူးပေါင်းရင်းမြစ်များ

यूहन्ना 13:34

मैं तुसा जो इक्क नौआ हुकम दिंदा कि इक्क दूए कने प्यार रख्खो, जिय्यां मैं तुसा कने प्यार करदा, तिय्यां तुसा भी इक्क दूये कने दाह-पीड़ रख्खो।

यूहन्ना 15:17

मैं तुसा जो ए हुकम इधेरे तांइ देया करदा ए ताकि तुसा इक्क-दूज्जे कने प्यार करो।”

रोमियों 12:10

भाईचारे रे प्यार कने इक्क-दूज्जे कने लगाव रख्खो। अप्पु-मिते इक्क दूए री इज्जत दैणे बिच इक्क-दूज्जे का बदधे चलो।

इफिसियों 5:2

जिय्यां मसीह यीशु ने तुसा कने प्यार कित्तेया, तिय्यां ही तुसा भी सारेयां कने प्यार करो। मसीह ने अप्पु जो तुसा रे पाप मिटाणे तांइ कुर्बान करी दित्ता ते से कुर्बानी परमेश्वर रे सामणे इक्क खुशबूदार भेंट सांई थिया।

1 थिस्सलुनीकियों 3:12

असी प्रार्थना करदे कि जिय्यां असी प्यार तुसा कने करदे तिय्यां ही मसीह यीशु तुसा जो इक्क दूए कने प्यार रखणे ते तिस बिच बधणे बिच मदद करे।

1 थिस्सलुनीकियों 4:9

पर मेरे जो चीठ्ठी लिख्खी करी तुसा जो संगी विश्वासियां कने प्यार रखणे तांइ दसणे री जरुरत नी है, किजोकी से तुसा अप्पु परमेश्वर का सिख्खे रा है।

2 थिस्सलुनीकियों 1:3

ओ संगी विश्वासियों, असा जो तुसा तांइ हमेसा परमेश्वर रा शुकर करणा चाएदा। इय्यां करणा ठीक है किजोकी तुसा मसीह बिच विश्वास करणे बिच होर जादा मजबूत होया करदे हिन ते तुसा बिच आपसी प्यार भी बदेया करदा है।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

1 पतरस 3:8

आखिरकार मैं तुसा सारेयां जो ए बोलणा चाह्‍ंदा कि तुसा सारे जणे इक्क-मन होई करी रेयो। इक्क दूए कने हमदर्दी रख्खो। इक्क-दूए जो अपणे परिवार रे मणूआं सांई प्यार करो, इक्क-दूए तांइ दयालू बणो ते सारेयां कने नरम बणो।

1 पतरस 4:8

अते सबका बड्डी गल्ल ए है कि इक्क-दूज्जे तांइ प्यार रखो, किजोकी प्यार अणगिणत पाप्पां जो ढक्की दिंदा

1 यूहन्ना 3:23

तिसेरा हुकम ए है कि असी तिसेरे पुत्तर मसीह यीशु बिच विश्वास करण अते जिय्यां तिन्हा हुकम दित्तेया है, कि असी इक्क-दूय्ये कने प्यार करो।

1 यूहन्ना 4:21

ते तिसका असा जो ए हुकम मिलेरा है कि जे कोई अपणे परमेश्वर कने प्यार रखदा, से अपणे संगी विश्वासी कने भी प्यार रख्खो।

2 यूहन्ना 1:5

अते अवे ओ जनानिये, मैं तुसा जो जोर पाई करी बोलदा कि असा जो आपस बिच प्यार रखणा चाएदा। ए कोई नौआ हुकम नी है पर ए से ही हुकम है जे असा जो तां मिल्ली थी जां असा ने मसीह यीशु बिच विश्वास करणा सुरु कित्तेया थिया।