यूहन्ना 15:11 - चम्बयाली नौआ नियम

¹¹ मैं ए गल्लां तुसा रे कने इधेरे तांइ बोल्ली ताकि तुसा जो मेरे सांई भरपुरी कने खुसी मिल्ले।

यूहन्ना 15:11 ပူးပေါင်းရင်းမြစ်များ

लूका 15:23

ते सबका बदिया धाम तैयार कित्ती जाए, किजोकी असा ने मेरे पुत्तर रे वापस हटणे री खुसी अन्दर धाम दैणी,

लूका 15:32

पर अज्ज असा जो तेरे हल्के भ्याल रे हटी आणे री खुसी मनाणा चाएदी किजोकी असा जो लग्गेया थिया कि तेरा हल्का भाई मरी गे रा होणा पर ए जिन्दा है, ए गुआच्ची गे रा थिया, पर अवे वापिस मिली गे रा है।

लूका 15:5

अते जां तिसजो से भैड्ड़ मिल्ली जाणी, तां तिनिए बड़े खुस होई करी तिसजो अपणे मुह्ण्डे़ पर चुक्की करी लेई आणा।

लूका 15:9

फिरी जां तिसजो से सिक्का मिल्ली जान्दा तां से अपणी सेल्लीयाँ ते पड़ोसणियाँ जो सद्दी करी बोल्गी, मेरा चाँदी रा सिक्का गोच्ची गे रा थिया ते से अवे मिल्ली गेया, तिसेरे मिलणे री खुसी मेरे कन्ने मनाओ

यूहन्ना 16:24

हल्ले तांइ तुसा मेरे नां कने किच्‍छ भी नी मंगेया: मंगो, अते तुसा जो मिल्ली जाणा, ताकि तुसा खुस होई जाओ।

यूहन्ना 16:33

ए गल्लां मैं तुसा रे कने बोल्ली हिन कि तुसा जो मेरे जरिए सांती मिल्लो, दुनिया बिच तुसा जो तकलिफां मिल्ली हिन, पर हिम्मत रख्खो किजोकी मैं इस दुनिया रे सरदार, शैतान जो हराई दित्ते रा है।

यूहन्ना 17:13

अवे मैं तुसा रे का आया करदा है, पर ए गल्लां मैं दुनिया रे लोक्कां बिच रेह्ई करी बोल्लेया करदा है, ताकि से मणू मेरी खुसी कने पूरी तरिक्के कने भरी जाण।

यूहन्ना 3:29

दूल्हा ही दुल्हन कने ब्याह करदा। दुल्हे रा दोस्त तिसेरे आणे रा इंतजार करदा ते जां दूल्हा ब्याह बिच पूजी जांदा तां तिसेरा दोस्त तिसेरे पुजणे री गल्ल पर खुस हुंदा। ए सुणी करी मिन्जो भी तैसी ही खुसी मिल्लेया करदी है।

रोमियों 15:13

मैं आस दैणे वाले परमेश्वर का प्रार्थना करदा, कि तुसा जो विश्वास करणे बिच पूरे तरिक्के खुसी ते सांती दे, ताकि पवित्रात्मा री ताकत कने तुसा री उम्मीद बदधी जाओ।

2 कुरुन्थियों 1:24

ए गल्ल नी है कि असी तुसा रे विश्वास पर काबू पाणा चाह्‍ंदे बल्कि तुसा री खुसी बिच तुसा रे कने कम्म करणे वाले हिन किजोकी तुसा विश्वास मजबूत हिन।

इफिसियों 5:18

सराब पी करी मतवाल्ले मत बणो किजोकी इस कने बेकाबू होई करी बेशर्मी रे गलत कम्म हुंदे। पर इसेरे बजाए पवित्रात्मा रे काबू बिच जिन्दगी बिताओ,

फिलिप्पियों 1:25

ते इधेरे तांइ मेरे जो भरोस्सा है ते मैं जाणदा भी कि मैं जीणा, बल्कि मैं तुसा सारेयां कने भी रैह्णा ताकि मैं तुसा जो विश्वास बिच मजबूत होणे ते तिस बिच खुस रैह्णे बिच मदद करी सकां।

1 थिस्सलुनीकियों 5:16

हमेसा खुस रेयो।

1 पतरस 1:8

तुसा ने मसीह यीशु जो कदी भी नी दिख्खे रा है पर फिरी भी तुसा तिन्हा जो प्यार करदे। तुसा इस बेल्ले तिन्हा जो दिख्खी नी सकदे पर तुसा तिन्हा बिच विश्वास करदे। इधेरे तांइ तुसा तिस आनंद ते महिमा बिच खुस हुंदे जे शब्दां बिच बयान नी होई सकदी।

1 यूहन्ना 1:4

असी इन्हा गल्लां जो तुसा तांइ इधेरे तांइ लिख्खेया करदे हिन ताकि तुसा री खुसी पूरी होई जाओ।

2 यूहन्ना 1:12

होर भी मती सारी गल्लां हिन जे मैं तुसा जो दसणा चाह्‍ंदा पर मैं तुसा जो से गल्लां इय्यां चीठ्ठी बिच लिख्खी करी नी बोलणा चाह्‍ंदा। मैं चाह्‍ंदा कि तित्ते तुसा का आई करी तुसा कने आमणे सामणे गल्ल करां, ताकि असी अप्पु-मिते खुसी मनाई सकण।