यूहन्ना 14:31 - चम्बयाली नौआ नियम

³¹ पर ए इधेरे तांइ होया करदा है कि दुनिया रे मणू जाणे कि मैं पिता कने प्यार करदा, ते जिय्यां पिता ने मेरे जो हुकम दित्ते हिन मैं तिय्यां ही करदा। उठ्ठो, इत्ते का चलदे।

यूहन्ना 14:31 ပူးပေါင်းရင်းမြစ်များ

मत्ती 26:39

फिरी से थोड़ा होर अग्गे बधी करी मुँह रे भारे पेय, ते प्रार्थना कित्ती, ओ मेरे पिता जे होई सके तां ए कटोरा मेरे का टली जाए तां भी जिय्यां मैं चाह्‍ंदा तिय्यां नी पर जिय्यां तुसा चाह्‍ंदे तिय्यां ही हो।

मत्ती 26:46

उठो, चलिये दिख्खो, मेरा पकड़वाणे वाला नेड़े आई पूज्जे रा है।

लूका 12:50

पर हल्ले तांइ मेरे जो मते जुल्म सैहणे जो हिन, जां तांइ से जुल्म मुकी नी जांदे तां तांइ मेरे जो बेचैनी लग्गी रैह्णी।

यूहन्ना 10:18

कोई मेरी जिन्दगी मेरे का खुस्सेया नी है करदा, बल्कि मैं अप्पु ही अपणी जिन्दगी दिंदा, मेरे जो अपणी जिन्दगी दैणे रा भी हक्क है, ते तिसजो फिरी लेई लैणे रा भी हक्क है: ए हुकम मेरे जो मेरे पिता-परमेश्वर का मिल्ले रा है।

यूहन्ना 12:27

अवे मेरा मन बड़ा वरी दुखी है इस तांइ अवे मैं कै बोल्लां? ओ पिता, मेरे जो इस दुख री घड़ी का बचा? पर मैं इसी वजह कने इस दुख का घड़ी बिच पूज्जे रा है।

यूहन्ना 12:49

किजोकी मैं अपणे पास्से का गल्लां नी कित्ती पर पिता जिनिये मेरे जो भेज्जे रा है, उन्ने ही मेरे जो हुकम दित्तेया कि क्‍या-क्‍या बोलणा?

यूहन्ना 13:1

फसह रे त्याहार का पैल्ले, जां यीशु ने जाणी लेया कि मेरा से बेल्ला आई गेया कि दुनिया जो छड्डी करी पिता का हटी जां। यीशु अपणी सेवकाई री सुरुआत का लेई आखर तिकर अपणे चेल्‍लेयां कने बड़ा प्यार करदे थिये।

यूहन्ना 15:9

जदेया मेरे पिता ने मेरे कने प्यार कित्तेया, मैं भी तिय्यां ही तुसा रे कने प्यार कित्तेया मेरे प्यार बिच बणी रेयो

यूहन्ना 18:11

फिरी यीशु ने पतरस जो बोल्लेया, अपणी तलवार म्यान बिच रख्खी लै। कै मैं दुख रा से कटोरा नी पीयां जे परम पिता ने मेरे जो दित्तेया है?

यूहन्ना 4:34

यीशु ने तिन्हा जो बोल्लेया, मेरी रोट्टी से है कि परमेश्वर जिन्हा ने मेरे जो भेज्जे रा है, तिन्हेरी मर्जी रे हिसाब कने चलां ते तिसेरा कम्म पूरा करां।

फिलिप्पियों 2:8

तिन्हा ने इन्सान रे रुप बिच जन्म लेई करी अप्पु जो इन्ना जादा निमता कित्ता कि परमेश्वर रे हुकमां जो मनदे होए से इक्क मुजरिम सांई मरणे तांइ भी तैयार थिये, ते हाँ, सुली पर अपणी जान देई भी दित्ती।