यूहन्ना 14:30 - चम्बयाली नौआ नियम

³⁰ मैं अवे तुसा कने जादा गल्लां नी करणी, किजोकी इस दुनिया रा सरदार जे शैतान है, आया करदा है, मेरे पर तिसेरा कोई हक्क नी है,

यूहन्ना 14:30 ပူးပေါင်းရင်းမြစ်များ

लूका 1:35

तां जिब्राईल स्वर्गदूत ने मरियम जो बोल्लेया, पवित्रात्मा ने तेरे पर उतरणा अते परमप्रधान परमेश्वर री ताकत ने तेरे पर छां करणी, अते से बच्चा जे तेरे का पैदा होणा, से पवित्र होणा, तिसजो परमेश्वर रा पुत्तर बोल्लेया जाणा,

लूका 22:53

जां मैं तुसा कने मन्दिर अन्दर हुन्दा थिया, तुसा ने मेरे जो तां किजो नी पकड़ेया? पर अज्ज ए तुसा रा बेल्ला है, अते निहारे रा राज करणे रा बेल्ला है।

यूहन्ना 12:31

अवे इस दुनिया रे लोक्कां रा हिसाब-किताब होणा, अवे इस दुनिया रा सरदार जे शैतान है, तिसजो कड्डी दित्तेया जाणा।

प्रेरितां रे कम्म 1:3

ते तिन्हा ने दुख झेलणे रे मरणे का बाद अप्पु जो अपणे प्रेरितां रे सामणे पक्के सबुतां कने ए साबित कित्ता कि से फिरी मरे रे लोक्कां बिच का जिन्दे होई गेरे हिन, ते चाली दिनां तिकर से तिन्हा सामणे प्रकट हुंदे रे, ते परमेश्वर रे राज री गल्लां करदे रे।

2 कुरुन्थियों 4:4

शैतान, जे इस दुनिया रे लोक्कां रा शासक है, तिनिये मसीह यीशु बिच विश्वास ना करणे वाले लोक्कां री समझ जो मंद करी रख्खे रा है, ताकि से मणू सुब बसेख री महिमामय रौसनी जो नी दिख्खी सके। से मणू मसीह यीशु रे इस महिमा रे बसेख जो नी समजदे जे परमेश्वर रे प्रतीरुप हिन।

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

इफिसियों 2:2

तिस बेल्ले तुसा दुनियादारी रे तौर-तरिक्के कने चलदे थिये ते तुसा शैतान रे कहे मुताबिक चलेया करदे थिये जे दुष्टात्मां रा हाकिम है, ते जे अज्ज भी तिन्हा लोक्कां बिच कम्म करेया करदा है जे परमेश्वर रे हुकमां री ना-फरमानी करदे।

कुलुस्सियों 1:13

किजोकी परमेश्वर ने अप्पु ही तिन्हेरे पुत्तर री कुर्बानी रे जरिये, असा जो छुटकारा दित्तेया, यानी पाप्पां री माफी दित्ती, ते असा जो शैतान रे काबू का छुड़ाया। ते अपणे प्यारे पुत्तर रे राज बिच लेई आए।

इब्रानियों 4:15

असा रे प्रधान पुरोत्त, जे मसीह यीशु हिन, असा री हर कमजोरी जो समजदे, किजोकी शैतान ने तिन्हा जो असा सांई हर गल्ल बिच परखेया, पर फिरी भी तिन्हा ने कोई पाप नी कित्तेया।

इब्रानियों 7:26

इदेया ही प्रधान पुरोत्त असा री जरुरतां जो पूरा करी सकदा, जे पवित्र, बेगुनाह, सुच्चा, पाप करणे वालेयां सांई ना हो ते जिस जो आसमान का भी उच्चा चुक्केया गे रा हो।

1 पतरस 2:22

पवित्रशास्त्र बिच लिख्खे रा है, “तिन्हा ने कदी कोई पाप नी कित्तेया, तिन्हा ने कदी कोई झूठ नी बोल्लेया।”

1 यूहन्ना 4:4

ओ प्यारे बच्चेयों, तुसा परमेश्वर रे मणू हिन, तुसा तिन्हा झूठ्ठे भविष्यद्वक्तां पर जीत हासिल कित्ते री है, किजोकी पवित्रात्मा जे तुसा बिच बसदी से शैतान का जादा ताकतवर है जे इस दुनिया रे लोक्कां पर राज करदा।

1 यूहन्ना 5:18

असा जो पता है कि जे कोई परमेश्वर री औलाद है, से पाप करणा छड्डी दिंदा किजोकी परमेश्वर रा पुत्तर मसीह यीशु तिन्हा लोक्कां जो बचाई रखदा: ते शैतान तिन्हा लोक्कां जो छुई नी सकदा।

1 यूहन्ना 5:19

असा जो पता है कि असी परमेश्वर कने हिन ते सारी दुनिया तिस शैतान रे वस अन्दर पेरी है।

प्रकाशित वाक्य 12:9

तां तिस अजगर ते तिसेरे दूत जो धरती पर सूटी दित्तेया गेया। से अजगर ओ ही है जिस जो पैल्ले-पैल्ले कीड़ा भी बोल्लेया गेया थिया, जिसेरा नां शैतान। एह् ओई है जे दुनिया रे लोक्कां पर इल्जाम लगांदा अते भटकाया करदा है।