यूहन्ना 14:3 - चम्बयाली नौआ नियम

³ मैं जाणे रे बाद तुसा रे रैह्णे तांइ जगाह् तैयार करणी, ताकि फिरी आई करी तुसा जो अपणे कने उत्ते लेई जांगा ताकि जित्ते मैं रेयां तित्ते तुसा भी रेयो।

यूहन्ना 14:3 ပူးပေါင်းရင်းမြစ်များ

यूहन्ना 12:26

जे कोई मेरी सेवा करे, तां मेरा चेल्ला बणी जाए, ते जित्ते मैं है उत्ते तिनिये भी होणा, तां पिता ने उसदा आदर करणा।

यूहन्ना 14:28

तुसा सुणी चुके रे हिन जे मैं तुसा जो बोल्लेया, मैं जांदा, ते तुसा रे का फिरी आणा, जे तुसा मेरे कने सच्चा प्यार करदे तां इस गल्ल कने खुस हुन्दे कि मैं पिता का जाया करदा है, जे मेरे का बड्डे हिन।

यूहन्ना 14:4

जित्ते मैं जाया करदा है, तुसा तित्ते रा रस्ता जाणदे।

यूहन्ना 17:24

ओ पिता जी! जे मणू तुसा मेरे जो दित्ते हिन, मैं चाह्‍ंदा कि जित्ते मैं है, से भी मेरे कने हो ताकि से मेरी उस बड़ाई जो दिख्खी सकण जे तुसा ने मेरे जो दित्ती है किजोकी दुनिया री रचना का भी पैल्ले तुसा मेरे कने प्यार करदे हिन

प्रेरितां रे कम्म 1:11

ते तिन्हेरे जो बोल्लेया, ओ गलीली मणूओं, तुसा किजो खड़ी करी आसमान पास्से दिख्खेया करदे हिन? ए ही यीशु, जे तुसा रे का स्वर्ग पर चुक्की लित्ते गेरे हिन, जिस तरिक्के कने तुसा उन्हा जो स्वर्ग पर जादें दिख्खेया तिसी तरिक्के कने उन्हा ने फिरी हटणा।

रोमियों 8:17

ते जे अगर असी परमेश्वर री औलाद्दां हिन तां असी तिन्हेरे वारिस भी हिन। बल्कि असी मसीह यीशु कने परमेश्वर री महिमा रे वारिस हिन। जे अगर असी मसीह यीशु सांई जुल्म सैह्‍ंदे, जे असी अब्बे सहन करेया भी करदे हिन, तां असा ने भी तिन्हेरी महिमा बिच हिस्सा पाणा।

फिलिप्पियों 1:23

किजोकी मैं इन्हा दोन्नां इच्छा बिच उलझी गे रा है: मैं तां चाह्‍ंदा कि मैं इस जिन्दगी जो छड्डी करी मसीह यीशु कने रैह्णे तांइ चली जां,

2 थिस्सलुनीकियों 1:12

इय्यां करणे कने तुसा रे जरिये लोक्कां बिच असा रे प्रभु यीशु रा आदरमान होणा ते तुसा जो भी मसीह यीशु का आदरमान मिलणा। ए सारा किच्‍छ असा रे परमेश्वर ते प्रभु यीशु मसीह रे अनुग्रह कने होणा।

2 तीमुथियुस 2:12

जे अगर असी मसीह तांइ सबर कने सहन करदे रैह्‍ंगे, तां असी तिन्हा कने राज भी करणा, पर जे अगर असी तिन्हेरा इन्कार करगे, तां तिन्हा ने भी असा रा इन्कार करणा।

इब्रानियों 9:28

तिय्यां ही मसीह भी मते जणेया रे पाप्पां री माफी तांइ इक्क वरी कुर्बानी होए। तिन्हा ने इक्क वरी फिरी हटी करी आणा, पर असा रे पाप्पां तांइ नी, पर तिन्हा लोक्कां जो बचाए जाणे तांइ जे बड़ी लगन कने तिन्हेरा इंतजार करेया करदे हिन।

प्रकाशित वाक्य 3:21

जिन्हा लोक्कां ने दुष्ट पर जीत हासिल करणी, तिन्हा जो मैं अपणे कने सिंहासन पर बैठाणा, जिय्यां मैं भी दुष्ट जो हराई करी अपणे पिता कने तिन्हेरे सिंहासन पर बेई गेया।