यूहन्ना 14:20 - चम्बयाली नौआ नियम

²⁰ तिस रोज जां मैं वापिस हटणा, तुसा जाणना कि मैं पिता बिच है, ते तुसा मेरे बिच हिन, ते मैं तुसा बिच।

यूहन्ना 14:20 ပူးပေါင်းရင်းမြစ်များ

यूहन्ना 10:38

पर जे अगर मैं से कम्म करदा, तां चाए मेरा विश्वास ना भी करो, पर उन्हा कम्मां रा तां विश्वास करो, ताकि तुसा जाणी सको ते समझो की प्यो मेरे बिच है ते मैं प्यो बिच।

यूहन्ना 14:10

कै तू विश्वास नी करदा कि मैं पिता बिच है ते पिता मेरे बिच हिन? ए गल्लां जे मैं तुसा कने बोल्लेया करदा है, अपणे पास्से का नी है बोल्लेया करदा, बल्कि पिता मेरे बिच रही करी अपणा कम्म करेया करदे हिन।

यूहन्ना 14:11

मेरे विश्वास करो कि मैं पिता बिच है ते पिता मेरे बिच हिन, नी तां कम्मां ही री वजह कने मेरे पर विश्वास करो।

यूहन्ना 16:23

तिस रोज तुसा मेरे का किच्‍छ नी मंगणा। मैं तुसा रे कने सच-सच बोलदा, जे तुसा मेरे ना कने पिता का जे किच्‍छ भी मंगगे तिन्हा ने तुसा री हर जरुरत जो पूरा करणा।

यूहन्ना 16:26

तिस बेल्ले तुसा मेरे ना कने मंगणा, अते मैं तुसा कने ए नी बोलदा कि मैं तुसा रे तांइ पिता का प्रार्थना करगा,

यूहन्ना 17:11

अवे मैं दुनिया बिच नी रैह्णा, अवे मैं तुसा का आया करदा है, पर मेरे चेल्‍लेयां ने इस दुनिया बिच रैह्णा, ते मैं तुसा का आई जाणा, ओ पवित्र पिता, अवे अपणे उस नां री ताकत कने तिन्हेरी रक्षा कर जे तुसा ने मेरे जो दित्तेया है, ताकि जिय्यां मैं ते तुसा इक्क हिन, से भी इक्क होई सकण।

यूहन्ना 17:26

मैं तुसा रा नां इन्हा सामणे प्रकट कित्ते रा है, ते अग्गे भी दसदे रैह्णा ताकि जे प्यार तुसा जो मेरे कने थिया से तिन्हा बिच रेय, ते मैं इन्हा बिच रेयां।

यूहन्ना 17:7

अवे इन्हा जो पता लग्गी गे रा है कि जे किच्‍छ भी तुसा ने मेरे जो दित्ते रा है, से सब किच्‍छ तुसा रे पास्से का ही है,

यूहन्ना 6:56

जे मेरा सरीर खान्दा ते मेरा खून पीन्दा, तिनिये हमेसा तिकर मेरे अन्दर बणी रैह्णा, ते मैं तिस बिच

रोमियों 16:7

भ्याल अन्द्रुनीकुस ते भैण उनियास जो मेरा नमस्कार, जे मेरे यहूदी संगी विश्वासी हिन, ते मेरे कने कैद भी होए थिये, ते प्रेरित मणू तिन्हेरी बड़ी इज्जत करदे। तिन्हा ने मेरे का पैल्ले ही मसीह यीशु बिच विश्वास कित्ता थिया।

रोमियों 8:1

इधेरे तांइ अवे जे प्रभु यीशु मसीह बिच विश्वास करदे, तिन्हा पर सजा रा हुकम नी है।

1 कुरुन्थियों 1:30

पर परमेश्वर ने तुसा लोक्कां रा रिस्ता मसीह यीशु कने जोड़ेया, ते मसीह यीशु रे जरिये से असा जो अपणा ज्ञान दिंदे, परमेश्वर असा जो अपणी नजर बिच धार्मिक ठैहरांदे। असी मणू मसीह यीशु रे जरिये पवित्र ठैहराये गेरे हिन ते असा जो पाप का अजाद करदे।

2 कुरुन्थियों 12:2

मैं मसीह यीशु बिच विश्वास करणे वाले इक्क मणू जो जाणदा जिस जो चौदह साल पैल्ले स्वर्ग तिकर चुक्की लित्तेया गेया थिया। मैं ए नी जाणदा कि से मणू अपणे सरीर बिच ही थिया जां ए होया, पर सिर्फ परमेश्वर ही जाणदे।

2 कुरुन्थियों 13:5

अपणे आप जो परखो ते समझो कि मसीह यीशु बिच तुसा रा विश्वास सच्चा है या नी। तुसा पक्के तौर पर जाणदे कि मसीह यीशु तुसा बिच वास करदे; ते जे अगर तुसा बिच वास नी करदे, तां तुसा रा विश्वास सच्चा नी है।

2 कुरुन्थियों 5:17

इस तांइ जे कोई मसीह यीशु बिच विश्वास रखदा तां से नौई रचना है: पुराणी जिन्दगी बीती गे री है, अवे नौई जिन्दगी री सुरुआत होए री है।

2 कुरुन्थियों 5:19

इसेरा मतलब ए है कि परमेश्वर ने मसीह यीशु बिच होई करी अपणे कन्ने दुनिया रा मेल जोल करी लित्ता, ते लोक्कां रे पाप्पां रा इल्जाम तिन्हा पर नी लाया। ते ए ही मेल जोल कराणे रा से बसेख है, जे परमेश्वर ने लोक्कां जो सुनाणे तांइ असा जो सौंप्पे रा है।

गलातियों 2:20

ए इदेया है कि जां यीशु मसीह सुली पर मरे तिय्यां ही मैं भी मरी गेया ते अवे मैं जिंदा नी रेया, पर मसीह यीशु मेरे बिच जिंदे। अते मैं अवे जे जिंदा है तां सिर्फ तिस विश्वास कने जिंदा है, जे मेरे जो परमेश्वर रे पुत्तर पर है, जिन्हा ने मेरे कने प्यार कित्तेया, अते मेरे तांइ अप्पु जो देई दित्तेया।

इफिसियों 2:10

किजोकी परमेश्वर ने असा जो बणाए रा है ते मसीह यीशु रे जरिये तिन्हा नौए मणू सांई तिन्हा भले कम्मां जो करणे तांइ बणाए गेरे हिन जिन्हा जो परमेश्वर ने इधेरे तांइ तैयार कित्ता कि असी से पूरे करण।

कुलुस्सियों 1:19

किजोकी पिता परमेश्वर री खुसी इस गल्ल बिच ही है, कि तिन्हेरे पुत्तर बिच ही तिन्हेरे स्वभाव री सारी परिपूर्णता हो।

कुलुस्सियों 1:27

किजोकी परमेश्वर ने चाएया कि तिन्हेरे मणू जाणे कि मसीह री शोहरत ते महिमा गैर यहूदियां तांइ भी है, ते से राज़ मसीह है, जे तुसा बिच वास करदे जे असा री परमेश्वर री महिमा बिच हिस्सेदार बणने री आस है।

कुलुस्सियों 2:9

इन्हा जो अप्पु जो धोखा देई करी फसाणे रा मौक्का मत देयो, किजोकी जां मसीह यीशु ने मणू रे रुप बिच भी जन्म लित्तेया थिया, तां भी तिन्हा बिच परमेश्वर रा पूरा स्वभाव थिया।

1 यूहन्ना 4:12

परमेश्वर जो कदी कुनिए भी नी दिख्खेया अगर असी अप्पु-मिते प्यार रखण, तां परमेश्वर असा री जिन्दगी अन्दर बणी रैह्न्दा, ते तिसेरा प्यार असा अन्दर सिद्ध होई गे रा है।