यूहन्ना 14:19 - चम्बयाली नौआ नियम

¹⁹ अवे थोड़ी ही देर बाद दुनिया रे लोक्कां ने मेरे जो नी दिख्खणा, पर तुसा ने मेरे जो दिख्खणा, किजोकी मैं जिंदा है, इधेरे तांइ तुसा भी जिंदे रैह्णा।

यूहन्ना 14:19 ပူးပေါင်းရင်းမြစ်များ

यूहन्ना 11:25

यीशु ने तिसजो बोल्लेया, फिरी जिन्दा होणा ते अब्बे री जिन्दगी मैं ही है जै कोई मेरे पर विश्वास रखदा, से मरी भी जाए तां भी तिनिये जीणा,

यूहन्ना 12:35

यीशु ने तिन्हा जो बोल्लेया, अवे थोड़ी देर तिकर तुसा रे मझाटे है, जां तिकर रौसनी तुसा रे कन्ने है, तां तिकर चलदे रेयो, इय्यां ना हो कि न्याहरा तुसा जो आई घेरे, जे न्याहरे बिच चलदा से नी जाणदा कि कुते जाया करदा है।

यूहन्ना 13:33

ओ मेरे प्रियों, मैं होर थोड़ी हाण तुसा रे कने है: फिरी तुसा मेरे जो तोपणा, ते जिय्यां यहूदियां जो बोल्लेया, जित्ते जाया करदा है तित्ते तुसा नी आई सकदे, तिय्यां ही मैं तुसा जो भी बोलदा

यूहन्ना 14:6

यीशु ने तिसजो बोल्लेया, रस्ता अते सच्चाई ते जिन्दगी मैं ही है, बगैर मेरे कोई पिता-परमेश्वर का नी पूज्जी सकदा।

यूहन्ना 16:16

थोड़ी देर बाद तुसा मेरे जो नी दिखणा, अते तिसेरे बाद तुसा मेरे जो फिरी दिखणा।

यूहन्ना 16:22

तिस्सी तरिक्के कने अवे तुसा दुखी तां हिन, पर मैं तुसा रे कने फिरी मिलणा, अते तुसा रे मन खुस होई जाणे, अते तुसा री खुसी जो कोई तुसा का खुस्सि नी सकदा।

यूहन्ना 6:40

किजोकी मेरे “पिता” री इच्छा ए है कि जे कोई पुत्तर जो दिख्खे, कने तिस पर विश्वास रखे, से हमेसा री जिन्दगी पाये कने मैं तिसजो आखरी दिन फिरी जिन्दा करणा।

यूहन्ना 7:33

इस पर यीशु ने बोल्लेया, मैं थोड़ी होर देर तिकर तुसा कन्ने है, तां अपणे भेजणे वाले का हटी जाणा।

यूहन्ना 8:21

यीशु ने फिरी तिन्हा जो बोल्लेया, मैं जान्दा ते तुसा ने मेरे जो तोपणा, पर तुसा अपणे पाप री माफी पाए बगैर ही मरी जाणा: जित्ते मैं जादां तित्ते तुसा नी आई सकदे।

प्रेरितां रे कम्म 10:41

सबणी मणूआं ने तिन्हा जो नी दिख्खेया पर तिन्हा गवाह जो जिन्हा जो परमेश्वर ने पैल्ले ही चुणी लेरां थिया, मतलब असा जो, जिन्हा ने तिन्हेरे मुर्देयां बिच का फिरी जिंदा होई जाणे का बाद, तिन्हा कने खाया-पित्तेया।

रोमियों 5:10

पर जां हल्ले असी परमेश्वर रे खिलाफ ही थिये, तां ही असी परमेश्वर रे इकलौत्ते पुत्तर री मौत री वजह कने असा रा परमेश्वर कने मेल जोल कराई दित्ता गेया, पर अवे जां मसीह यीशु जिन्दे हिन तां तिन्हा ने असा जो छुटकारा जरुर दैणा।

रोमियों 8:34

इदेया कोई नी है जे असा पर सजा रा हुकम देई सके, किजोकी से मसीह यीशु ही हिन जे असा तांइ मरे ते मुर्देयां बिच का जिन्दे होई गे, ते परमेश्वर रे सज्जे पास्से बैठ्ठे रे हिन, ते असा तांइ बिनती करेया करदे हिन।

1 कुरुन्थियों 15:20

पर हकीकत बिच परमेश्वर ने मसीह यीशु जो मुर्देयां बिच का जिन्दा करी दित्ता, ते मसीह इस गल्ल रा सबूत हिन कि जिन्ने भी विश्वासी मणू मरी गेरे हिन तिन्हा ने उन्हा सारेयां जो जिन्दा करी दैणा।

1 कुरुन्थियों 15:45

पवित्रशास्त्र बिच इय्यां भी लिख्खे रा है, “पैल्ला मणू, मतलब आदम जिन्दा मणू बणेया, ते आखरी आदम, जे मसीह यीशु हिन, हमेसा री जिन्दगी दैणे वाला बणेया।”

इब्रानियों 7:25

इधेरे तांइ जे मणू मसीह यीशु रे जरिए परमेश्वर का आंदे, से तिन्हा लोक्कां रा पूरा छुटकारा दिंदे, किजोकी मसीह यीशु तिन्हा लोक्कां तांइ बिचौल्ले रे तौर पर हमेसा प्रार्थना करदे रैहन्दे।

प्रकाशित वाक्य 20:4

फिरी मैं सिहांसन दिख्खे, ते तिन्हा पर मणू बेई गे, ते तिन्हा जो इंसाफ करणे रा हक्क दित्तेया गेया, मैं तिन्हा री आत्‍मा जो भी दिख्खेया, जिन्हेरे सिर यीशु री ग्वाही दैणे ते परमेश्वर रे वचन रे वजह कने कटी दित्ते गे, ते जिन्हा ने ना तिस ड्रोणे जानवर री ते तिसेरी मूर्ति री पूजा कित्ती थी, ते ना तिसेरी छाप अपणे मत्थे ते हत्थां पर लित्ती थी, से जिन्दे होई करी मसीह यीशु कने हजार साल्लां तिकर राज करदे रेय।