यूहन्ना 14:17 - चम्बयाली नौआ नियम

¹⁷ मतलब से आत्‍मा, जे लोक्कां जो परमेश्वर रे सच रे बारे बिच एहसास दुआंदी, ते जिस जो दुनिया अपणाई नी सकदी, किजोकी से ना तां तिन्हा जो दिखदा ते से ना तिसजो जाणदा। तुसा तिसजो जाणदे, किजोकी से तुसा रे कने रैहन्दा, ते से तुसा बिच होणा।

यूहन्ना 14:17 ပူးပေါင်းရင်းမြစ်များ

मत्ती 10:20

किजोकी बोलणे वाले तुसा नी हिन, पर तुसा रे परम-पिता री आत्‍मा ने तुसा रे अन्दर का बोलणा।

यूहन्ना 14:16

मैं पिता-परमेश्वर का प्रार्थना करगा, ते से तुसा जो इक्क मदतगार दिंगा, कि से हमेसा तुसा कने रेह्।

यूहन्ना 14:23

यीशु ने तिसजो जवाब दित्तेया, जे कोई मेरे कने प्यार रखगा तिनिये मेरे शिक्षा जो मनणा, ते मेरे पिता ने तिस कने दाह-पीड़ रखणी ते असा तिसका आणा, ते तिसेरे कन्ने रैह्णा।

यूहन्ना 15:26

जां तिस मददगार ने आणा, जिस जो मैं पिता रे पास्से का तुसा का भेजणा, बल्कि सच्चाई री आत्‍मा, जे पिता रे पास्से का आंदी, तिसने मेरी गवाई दैणी।

यूहन्ना 16:13

पर जां सच्चाई री आत्‍मा ने आणा, तां तिसने तुसा जो परमेश्वर रे सच बारे बिच सिखाणा, किजोकी तिसने अपणे पास्से का किच्‍छ नी बोलणा, पर जे किच्‍छ तिसने परमेश्वर का सूणेया हो, से ही बोलणा अते होणे वाली गल्लां जो तुसा रे सामणे लियाणा।

यूहन्ना 6:40

किजोकी मेरे “पिता” री इच्छा ए है कि जे कोई पुत्तर जो दिख्खे, कने तिस पर विश्वास रखे, से हमेसा री जिन्दगी पाये कने मैं तिसजो आखरी दिन फिरी जिन्दा करणा।

1 कुरुन्थियों 14:15

ए वक्त-वक्त री गल्ल है कि कदी मेरे जो आत्मां बिच होई करी प्रार्थना करणा चाएदी ते कदी मेरे जो समजी करी प्रार्थना करणा चाएदी। कुसकी बेल्ले मेरे जो आत्‍मा बिच भरी करी गीत-भजन गाणे चाएदे ते कदी मेरे जो समजी करी गीत-भजन गाणे चाएदे।

1 कुरुन्थियों 2:14

पर कोई अविश्वासी मणू परमेश्वर रे आत्‍मा री शिक्षां जो नी अपणांदा, किजोकी से शिक्षां तिसेरी नजरां बिच बेवकूफी री गल्लां हिन, अते ना ही से मणू सही या गलत गल्लां बिच फैसला नी लेई पांदे। किजोकी से मणू आत्मिक गल्लां जो सिर्फ तां ही समजी सकदे जे अगर तिन्हा का पवित्रात्मा हो।

1 कुरुन्थियों 3:16

तुसा ठीक तरिक्के कने जाणदे कि तुसा परमेश्वर रा मन्दिर हिन अते पवित्रात्मा तुसा रे बिच वास करदा।

1 कुरुन्थियों 6:19

तुसा जो पता ही है कि तुसा रा सरीर इक्क मन्दिर सांई है, जिस बिच पवित्रात्मा वास करदा जे तुसा जो परमेश्वर रे पास्से का मिल्ले रा है, ते तुसा रा अप्पु पर कोई हक नी है किजोकी तुसा परमेश्वर रे हिन।

2 कुरुन्थियों 13:5

अपणे आप जो परखो ते समझो कि मसीह यीशु बिच तुसा रा विश्वास सच्चा है या नी। तुसा पक्के तौर पर जाणदे कि मसीह यीशु तुसा बिच वास करदे; ते जे अगर तुसा बिच वास नी करदे, तां तुसा रा विश्वास सच्चा नी है।

2 कुरुन्थियों 6:16

ते मूर्तां कने परमेश्वर रे मन्दिर रा कोई रिस्ता नी। किजोकी असी ता जिन्दे परमेश्वर रे मन्दिर हिन, जिय्यां परमेश्वर ने बोल्ले रा है, “मैं तिन्हा लोक्कां बिच बसणा ते तिन्हा बिच चलणा-फिरणा, मैं तिन्हेरा परमेश्वर होण ते से मेरे मणू होणे।”

गलातियों 4:6

अवे असी जे तिन्हेरे अपणे औलाद हिन इधेरे तांइ परमेश्वर ने अपणे आत्‍मा जो असा रे दिल बिच पाए रा है, जे असा जो ओ अब्बा ते ओ पिता करी के पुकारदा।

इफिसियों 2:22

मसीह यीशु रे जरिये तुसा भी बाकि पवित्र मणूआं कने मिली करी परमेश्वर रा पवित्र घर हिन, जित्ते परमेश्वर अपणी अात्मा रे जरिये वास करदे।

इफिसियों 3:17

मैं प्रार्थना करदा कि तुसा रे दिल मजबूत होई जाण ताकि जिय्यां तुसा मसीह यीशु पर विश्वास करण तिय्यां ही से तुसा रे दिल बिच बसी रैह्ण ते परमेश्वर ते बाकि लोक्कां तांइ तुसा रा प्यार तुसा जो मजबूत बणाई रख्खे।

कुलुस्सियों 1:27

किजोकी परमेश्वर ने चाएया कि तिन्हेरे मणू जाणे कि मसीह री शोहरत ते महिमा गैर यहूदियां तांइ भी है, ते से राज़ मसीह है, जे तुसा बिच वास करदे जे असा री परमेश्वर री महिमा बिच हिस्सेदार बणने री आस है।

2 तीमुथियुस 1:14

पवित्रात्मा री ताकत रे जरिये जे सच्चाई तुसा जो सौप्पि गे री है, तिसजो बचाई करी रख्खो।

1 यूहन्ना 2:27

पर तुसा तांइ से पवित्रात्मा जे तुसा ने मसीह यीशु का पाए रा है, तुसा बिच बणी रैहन्दा, ते इसेरी कोई जरुरत नी कि कोई तुसा जो सच्चाई री गल्लां सिखाए, बल्कि जिय्यां पवित्रात्मा ने जे मसीह ने तुसा जो मिल्ले रा है, तुसा जो सच्चाई री सारी गल्लां सिखणे तांइ मदद करणी, जे पवित्रात्मा तुसा जो सिखांदा, से पूरी तरिक्के कने सच है, ते तिस बिच कोई झूठ नी, इधेरे तांइ मसीह बिच बणी रेयो, जिय्यां पवित्रात्मा ने तुसा जो करणे तांइ दस्से रा है।

1 यूहन्ना 3:24

जे तिसेरे हुकमां जो मनदा, से परमेश्वर कने बणी रैहन्दा ते परमेश्वर तिस मणू बिच बणी रैहन्दा ते इस तरिक्के कने पवित्रात्मा रे जरिए जिस जो परमेश्वर ने असा जो दित्तेया है, असी ए जाणदे कि असा रा परमेश्वर कने रिस्ता बणे रैहन्दा।

1 यूहन्ना 4:4

ओ प्यारे बच्चेयों, तुसा परमेश्वर रे मणू हिन, तुसा तिन्हा झूठ्ठे भविष्यद्वक्तां पर जीत हासिल कित्ते री है, किजोकी पवित्रात्मा जे तुसा बिच बसदी से शैतान का जादा ताकतवर है जे इस दुनिया रे लोक्कां पर राज करदा।

1 यूहन्ना 4:6

असी परमेश्वर रे मणू हिन ते जे परमेश्वर जो जाणदा, से असा री सूणदा, जे परमेश्वर जो नी जाणदा, से असा री नी सूणदा। इय्यां ही असी सच री आत्‍मा ते भटकाणे वाली आत्‍मा बिच फरक पैछाणदे।

1 यूहन्ना 5:7

ते मसीह यीशु री गवाई दैणे वाले त्रै हिन,

प्रकाशित वाक्य 2:17

जे सुनणा चाए, से ध्यान कने सुणे कि पवित्रात्मा कलीसिया रे मणूआं कने कै बोलणा चाह्‍ंदा। मैं तिन्हा लोक्कां जो से लुके रा मन्ना दैणा, जिन्हा लोक्कां ने इन्हा बुराई री ताकत जो हराई दैणा। मैं तिन्हा बिच का हर इक्क जो इक्क चिट्टा बट्टा भी दैणा जिस पर इक्क नौआ नां लिख्खेया जाणा। जिस जो से बट्टा मिलणा, तिसेरे अलावा कुसकी जो भी तिस नां रा पता नी होणा।”