यूहन्ना 14:12 - चम्बयाली नौआ नियम

¹² मैं तुसा कने सच-सच बोलदा, जे मेरे पर विश्वास रखदा, ए कम्म जे मैं करदा, तिन्ने भी करणे पर तिन्ने इन्हा का भी बड्डे-बड्डे कम्म करणे किजोकी मैं पिता का चलेया

यूहन्ना 14:12 ပူးပေါင်းရင်းမြစ်များ

मत्ती 21:21

यीशु ने तिन्हा जो जवाब दित्तेया, मैं तुसा कने सच बोलदा, जे तुसा विश्वास रखो ते शक ना करो, ते ना सिर्फ ए करगे जे इस अंजीर रे बूट्टे कने कित्ते रा है, पर जे इस पहाड़ कने भी बोलगे, उखड़ी जा, ते समुदंर बिच जाई पे, तां ए होई जाणा।

मरकुस 11:13

यीशु ने दुर का अंजीर रे इक्क हरे बुटे जो दिख्खेया ते तिसेरे नेड़े गे ताकि खाणे तांइ अंजीर तोड़ी सकण। पर तिस बूट्टे पर पत्तेयां जो छड्डी किच्‍छ नी थिया किजोकी तिस बेल्ले फल्ल लगणे रा मौसम नी आया थिया।

मरकुस 16:17

विश्वास करणे वालेयां रे ए निशानियां होणी कि तिन्हा मेरे नां कने दुष्टात्मा जो कढ़णा, नौई-नौई भाषा बोलणी,

यूहन्ना 14:28

तुसा सुणी चुके रे हिन जे मैं तुसा जो बोल्लेया, मैं जांदा, ते तुसा रे का फिरी आणा, जे तुसा मेरे कने सच्चा प्यार करदे तां इस गल्ल कने खुस हुन्दे कि मैं पिता का जाया करदा है, जे मेरे का बड्डे हिन।

यूहन्ना 16:7

पर मैं तुसा रे कने सच-सच बोलदा कि तुसा तांइ भला है कि मैं जाया करदा है, किजोकी जे अगर मैं नी जांगा तां पवित्रात्मा ने जे तुसा रा मददगार है, तुसा का नी आणा, पर जे अगर मैं चली जांगा तां तिसजो तुसा रे का भेजी दिंगा।

यूहन्ना 4:37

किजोकी इत्ते ए कहावत ठीक बैन्दी है कि बाणे वाला होर है ते कटणे वाला होर

यूहन्ना 5:20

किजोकी परमेश्वर पिता पुत्तर कने प्यार करदा कने जे-जे कम्म से करदा, से सारे तिसजो दिखांदा है कने से इसका का भी बड्डे-बड्डे कम्म तिसजो दिखांगा ताकि तुसा हैरान न हो।

यूहन्ना 7:33

इस पर यीशु ने बोल्लेया, मैं थोड़ी होर देर तिकर तुसा कन्ने है, तां अपणे भेजणे वाले का हटी जाणा।

यूहन्ना 7:39

तिन्हा ने ए वचन पवित्रात्मा रे बारे बिच बोल्लेया थिया, जिस जो उन्हेरे पर विश्वास करणे वाले पाणे वाले थिये किजोकी आत्‍मा हल्ले तिकर नी उतरेया थिया, किजोकी हल्ले तिकर परमेश्वर ने यीशु री महिमा प्रकट नी कित्ती थी।

प्रेरितां रे कम्म 10:46

किजोकी तिन्हा ने उन्हा जो अलग-अलग भाषा बोल्दे ते परमेश्वर री बड़ाई करदे सूणेया। इस पर पतरस ने बोल्लेया।

प्रेरितां रे कम्म 16:18

से बड़े रोज्जां तांइ इय्यां ही करदी रेई पर पौलुस तिसका परेशान होई गेया, ते अपणा मुड़ी करी तिस दुष्टात्मा जो बोल्लेया जे तिस जनानी अन्दर थी, मैं तिज्जो मसीह यीशु रे नां कने हुकम दिंदा, कि इस बिच का निकली जा ते तिस्सी बेल्ले निकली गई।

प्रेरितां रे कम्म 19:12

इत्ते तक की तिसेरे छुत्ते रे रूमाल ते अँगोछेयां जो बिमार लोक्कां का लिन्दे थिये ते तिन्हेरी बिमारियां ठीक जान्दी थी अते दुष्टात्मा तिन्हा का निकली जान्दी थी।

प्रेरितां रे कम्म 2:33

इस तरिक्के कने परमेश्वर रे सज्जे हत्थ का सबका बड्डा पदवी पाई करी, ते पिता का से पवित्रात्मा पाई करी जिसेरा वादा कित्ता गेया थिया, ते तिन्हा ने पवित्रात्मा असा जो देई दित्ता रा है, जे तुसा दिखदे ते सूणदे हिन।

प्रेरितां रे कम्म 2:41

अते जिन्हा ने तिसेरा बसेख सूणेया ते विश्वास कित्ता, तिन्हा ने बपतिस्मा लित्ता ते तिसी दिन त्रै हजार लोक्कां रे लगभग तिन्हा विश्वासियां रे दल बिच मिली गे।

प्रेरितां रे कम्म 4:16

असी इन्हा लोक्कां कने कै करण? किजोकी यरुशलेम सहर बिच रैह्णे वाले सारे लोक्कां जो पता है, कि इन्हेरे जरिए इक्क मसहूर चमत्कार दखाया गे रा है ते असी इसेरा इन्कार नी करी सकदे।

प्रेरितां रे कम्म 4:33

प्रेरित बड़ी ताकत कने प्रभु यीशु रे फिरी जिन्दे होई जाणे री गवाई दिदें रे ते तिन्हा सारेयां पर परमेश्वर रा बड़ा अनुग्रह थी।

प्रेरितां रे कम्म 4:4

पर बसेख रे सुनणे वालेयां बिच का मते जणेया ने यीशु पर विश्वास कित्ता, ते तिन्हेरी गिनती लगभग पांज्ज हजार आदमियां तिकर होई गई।

प्रेरितां रे कम्म 5:15

प्रेरितां रे कम्म रा ए नत्तीजा रेया कि मणू बिमारां लोक्कां जो सड़कां पर अणी-अणी करी मज्जेयां ते झुल्लेयां पर लेटाई दिदें थिये ताकि जां पतरस आये तां तिसेरी परछाई ही तिन्हा बिच का कुसकी पर पेई जाए।

प्रेरितां रे कम्म 6:7

परमेश्वर रा वचन फैलदा गेया ते यरुशलेम सहर बिच चेल्‍लेयां री गिनती मती बदद्धी गेई ते मते सारे पुरोत्तां ने भी मसीह बिच विश्वास करणे रे इस बसेख जो अपणाया।

प्रेरितां रे कम्म 8:7

किजोकी फिलिप्पुस रे हुकम दैणे पर लोक्कां बिच का दुष्टात्मा चिडां मारी करी निकली जादीं थी, ते मते सारे मणू जे लट्टे थिये ते जिन्हा जो अधरगं होए रा थिया से ठीक होई गे।

प्रेरितां रे कम्म 9:34

पतरस ने तिसजो बोल्लेया, ओ एनियास! मसीह यीशु तेरे जो खरा करदा उठ, पर बछाण बिछा तां से उठ्ठी बैठेया

प्रेरितां रे कम्म 9:40

तां पतरस ने सारेयां जो बाहर करी दित्तेया, ते गोड्डे रे भारे बेई करी प्रार्थना कित्ती ते लास रे पास्से दिख्खी करी बोल्लेया, तबीता, उठ तां तिसने अपणी हाख्खियां खोल्ली दित्ती ते पतरस जो दिख्खी करी उठी गेई

रोमियों 15:19

जे ताकत पवित्रात्मा ने मेरे जो दित्ते री है, तिस कने मैं चिन्ह-चमत्कार दिखांदा। इधेरे तांइ मैं यरुशलेम का लेई करी इल्लिरिकुम प्रदेश तिकर जित्ते भी गेया, तित्ते लोक्कां जो मसीह यीशु रा सुब बसेख सुणाया।