यूहन्ना 13:8 - चम्बयाली नौआ नियम

⁸ पतरस ने तिन्हा जो बोल्लेया, तुसा मेरे पैर कदी भी नी धोई पाणे! ए सुणी करी यीशु ने तिसजो बोल्लेया, जे मैं तेरे पैर ना धोआं, तां तेरा मेरे कने कोई सांझा नी

यूहन्ना 13:8 ပူးပေါင်းရင်းမြစ်များ

मत्ती 16:22

तां पतरस तिन्हा जो अलग लै जाई करी बकणे लगेया, ओ प्रभु, परमेश्वर न करण कि तुसा रे कने इदेया कदी भी हो।

मत्ती 21:29

तिसने जवाब दित्ता, मैं नी जाणा, पर बाद बिच पछताई करी से बगीच्चे बिच कम्म करणा चली गेया।

मत्ती 26:33

इस पर पतरस ने तिन्हा जो बोल्लेया, जे सारे तुसा रे बारे बिच धोखा खाण ते खाण, पर मैं कदी भी धोखा नी खाणा।

मत्ती 26:35

पतरस ने तिन्हा जो बोल्लेया, जे मेरे जो तुसा कने मरणा भी पे, तां भी मैं तुसा का कदी नी मुकरणा ते इदेया ही सारे चेल्‍लेयां ने भी बोल्लेया।

यूहन्ना 13:6

जां से शमौन पतरस का आये तां पतरस ने तिन्हा जो बोल्लेया, ओ प्रभु कै तुसा मेरे पैर धोया करदे हिन?

यूहन्ना 13:9

शमौन पतरस ने तिन्हा जो बोल्लेया, ओ प्रभु जी, तां मेरे पैर ही नी, बल्कि हत्थ ते सिर भी धोई देयो

यूहन्ना 3:5

यीशु ने जवाब दिता मैं तिज्जो सच-सच बोलदा जिस बेल्ले तक कोई मणू पाणी ते पवित्रात्मा कने न जम्मे तिस बेल्ले तिकर से परमेश्वर रे राज बिच नी जाई सकदा।

प्रेरितां रे कम्म 22:16

अवे ऐड्डी हाण किजो लाया करदा है? उठ, बपतिस्मा लै, ते तिन्हेरा नां लै ताकि तेरे पाप माफ होई जाण।

1 कुरुन्थियों 6:11

ते तुसा बिच का मते जणे पैल्ले इदेय ही थिये, पर तुसा प्रभु यीशु मसीह ते परमेश्वर रे आत्‍मा ने तुसा रे पाप साफ कित्ते गे ते तुसा पवित्र ते धार्मिक भी ठैहराया।

इफिसियों 5:26

ताकि तिसजो अपणे वचन रे जरिए जल रे स्नान कने साफ करी के पवित्र बणाए।

कुलुस्सियों 2:18

कुसकी भी मणू जो तुसा जो निकम्मा बणाणे रा मौक्का मत देयो जे झूठ्ठा निमतापन दिखांदा ते स्वर्गदूतां री पूजा करणे बिच खुस हुंदा। इदेय मणू दर्शन दिखदे ते बड्डी बड्डी गल्लां बोलदे, ते तिन्हेरी इन्सानी सोच तिन्हा जो बेवकूफी रे घमंड कने भरी दिंदी।

कुलुस्सियों 2:23

इदेय रीति-रीवाज, अपणे अराधना रे तौर-तरिक्के, झूठ्ठे निमतेपन ते कड़े शारीरिक अभ्यास कने ता बड़े ज्ञान रा भाव ता लगदा, पर ए रीति-रीवाज लोक्कां जो तिन्हेरे बुरे ख्याल्लां जो रोकणे बिच कोई मदद नी करदे।

तीतुस 3:5

ते परमेश्वर ने असा जो पाप री सजा मिलणे का बचाया ते ए असा रे धार्मिक कम्मां री वजह कने नी पर तिन्हा ने अपणी दया री वजह कने असा जो इक्क नौई जिन्दगी दित्ती। तिन्हा ने असा रे पाप्पां जो मिटाई दित्तेया ते असा जो इक्क नौआ स्वभाव दित्तेया। तिन्हा ए असा जो अपणा पवित्रात्मा दैणे रे जरिये कित्तेया।

इब्रानियों 10:22

इधेरे तांइ, असा जो सच्चे मन ते मसीह बिच पूरे विश्वास रख्खी करी, परमेश्वर का जाणा चाएदा। ए मसीह ही हिन, जिन्हा ने असा जो पाप्पां का बचाया ते असा जो साफ कित्ते रा है, किजोकी असा रे विवेक पर मसीह यीशु रे खून रा छिड़काव कित्तेया, जिय्यां तिन्हा ने असा रे सरीर जो पाणी कने साफ कित्तेया।

प्रकाशित वाक्य 1:5

ते मसीह यीशु रे पास्से का भी, जिन्हेरी गल्लां रा असी भरोस्सा करी सकदे। से ही हिन जे सबका पैल्ले मरणे का बाद मुर्देयां बिच का जिन्दे होई गे ते से दुनिया रे सारे राज्जेयां रे राज्जे हिन।

प्रकाशित वाक्य 7:14

मैं तिसजो जवाब दित्तेया, ओ मेरे स्वामी, मैं ता नी जाणदा तुसा ही जाणदे। तिसने मेरे जो बोल्लेया, ए मणू जिन्हा ने चिट्टे कपड़े पाए रे हिन, ए से ही मणू हिन जे तिस बड़े वरी मुसीबतां ते जुल्मां रे समय रे दौरान मरी गे थिये। ए से मणू हिन जिन्हा ने अप्पु जो “उरणू” री कुर्बानी रे जरिये सुच्चा कित्तेया।