यूहन्ना 13:5 - चम्बयाली नौआ नियम

⁵ तां भांडे बिच पाणी भरी करी अपणे चेल्‍लेयां रे पैर धोणे ते जिस अंगोछे, ते अपणी कमर बन्नी थी तिसी कने पुंजणे लगे

यूहन्ना 13:5 ပူးပေါင်းရင်းမြစ်များ

लूका 7:38

अते अपणे गोडे रे भारे बेई करी रोणा लग्गी अते हाख्खी का फुए यीशु रे पैरां पर पैणा लगे अते से यीशु रे पैरां जो अपणे बालां कने पुंजणा लग्गी अते तिन्हा जो घड़ी-घड़ी चुम्मी करी तिस पर इत्र मली करी तिन्हेरा अभिषेक कित्तेया।

लूका 7:44

फिरी यीशु तिस जनानी पास्से मुड़ी करी शमौन जो बोल्लेया, इस जनानी पास्से दिख्ख, जे अपणे गोड्डे रे भारे बैठ्ठी री है, मैं तेरे घरे आए दा है, पर तैं मेरे पैर धुआणें तांइ पाणी नी दित्ता, अते इन्ने तां मेरे पैर अपणे आँसुआं कन्ने धोए अते अपणे बालां कने पुंझे।

यूहन्ना 13:10

यीशु ने तिसजो बोल्लेया, जे न्हाई बैठ्ठे रा है तिसेरे पैर रे सवाये होर किच्‍छ भी धोणे री जरुरत नी है, पर से बिल्कुल सुच्चा है, ते कुसकी इक्क जो छड्डी करी तुसा सारे सुच्चे हिन।

यूहन्ना 13:6

जां से शमौन पतरस का आये तां पतरस ने तिन्हा जो बोल्लेया, ओ प्रभु कै तुसा मेरे पैर धोया करदे हिन?

यूहन्ना 13:8

पतरस ने तिन्हा जो बोल्लेया, तुसा मेरे पैर कदी भी नी धोई पाणे! ए सुणी करी यीशु ने तिसजो बोल्लेया, जे मैं तेरे पैर ना धोआं, तां तेरा मेरे कने कोई सांझा नी

यूहन्ना 19:34

पर तिन्हा बिच का इक्क सिपाई ने यीशु री बख्खी पर बरछा मारी दित्तेया, अते तिस्सी बेल्ले तिस बिच का बिच का खून अते पाणी निकलेया।

प्रेरितां रे कम्म 22:16

अवे ऐड्डी हाण किजो लाया करदा है? उठ, बपतिस्मा लै, ते तिन्हेरा नां लै ताकि तेरे पाप माफ होई जाण।

1 कुरुन्थियों 6:11

ते तुसा बिच का मते जणे पैल्ले इदेय ही थिये, पर तुसा प्रभु यीशु मसीह ते परमेश्वर रे आत्‍मा ने तुसा रे पाप साफ कित्ते गे ते तुसा पवित्र ते धार्मिक भी ठैहराया।

इफिसियों 5:26

ताकि तिसजो अपणे वचन रे जरिए जल रे स्नान कने साफ करी के पवित्र बणाए।

1 तीमुथियुस 5:10

से विधवा जनानी अपणे भलाई रे कम्मां तांइ जाणी जांदी हो जिय्यां कि बच्चेयां रा पालण-पोषण करणा, मेहमान-नवाजी करणा, प्रभु रे लोक्कां री सेवा करणा, मुसीबत बिच पेय रे लोक्कां री मदद करणा ते हर तरिक्के रे भलाई रे कम्मां बिच मन लाणा।

इब्रानियों 10:22

इधेरे तांइ, असा जो सच्चे मन ते मसीह बिच पूरे विश्वास रख्खी करी, परमेश्वर का जाणा चाएदा। ए मसीह ही हिन, जिन्हा ने असा जो पाप्पां का बचाया ते असा जो साफ कित्ते रा है, किजोकी असा रे विवेक पर मसीह यीशु रे खून रा छिड़काव कित्तेया, जिय्यां तिन्हा ने असा रे सरीर जो पाणी कने साफ कित्तेया।

1 यूहन्ना 1:7

पर जिय्यां परमेश्वर रौसनी बिच हिन जे अगर असी भी तिय्यां ही रौसनी बिच जिन्दगी बिताण ते असी परमेश्वर कने अप्पु मिते इक्क-दूए कने मेल-मिलाप रखगे, ते तां मसीह यीशु रे खून ने असा रे पाप्पां का साफ करणा।

1 यूहन्ना 5:6

यीशु मसीह बपतिस्मा लैणे रे जरिए ते सुली पर कुर्बानी दैणे रे जरिए परमेश्वर रे पुत्तर बिच ज़ाहिर होया थिया। सिर्फ बपतिस्मा लैण रे जरिए ही नी पर सुली पर अपणी जान दैणे रे जरिए भी, ते पवित्रात्मा ए गवाई दिंदा कि मसीह यीशु परमेश्वर रे पास्से का रे हिन ते तिन्हेरी गवाई सच्ची है किजोकी पवित्रात्मा सच है।

प्रकाशित वाक्य 1:5

ते मसीह यीशु रे पास्से का भी, जिन्हेरी गल्लां रा असी भरोस्सा करी सकदे। से ही हिन जे सबका पैल्ले मरणे का बाद मुर्देयां बिच का जिन्दे होई गे ते से दुनिया रे सारे राज्जेयां रे राज्जे हिन।

प्रकाशित वाक्य 7:14

मैं तिसजो जवाब दित्तेया, ओ मेरे स्वामी, मैं ता नी जाणदा तुसा ही जाणदे। तिसने मेरे जो बोल्लेया, ए मणू जिन्हा ने चिट्टे कपड़े पाए रे हिन, ए से ही मणू हिन जे तिस बड़े वरी मुसीबतां ते जुल्मां रे समय रे दौरान मरी गे थिये। ए से मणू हिन जिन्हा ने अप्पु जो “उरणू” री कुर्बानी रे जरिये सुच्चा कित्तेया।