यूहन्ना 13:34 - चम्बयाली नौआ नियम

³⁴ मैं तुसा जो इक्क नौआ हुकम दिंदा कि इक्क दूए कने प्यार रख्खो, जिय्यां मैं तुसा कने प्यार करदा, तिय्यां तुसा भी इक्क दूये कने दाह-पीड़ रख्खो।

यूहन्ना 13:34 ပူးပေါင်းရင်းမြစ်များ

मत्ती 5:44

पर मैं तुसा जो बोलदा, अपणे दुश्मणा कने प्यार करो अते जे तुसा जो तंग करदे, तिन्हा तांइ प्रार्थना करो।

यूहन्ना 15:17

मैं तुसा जो ए हुकम इधेरे तांइ देया करदा ए ताकि तुसा इक्क-दूज्जे कने प्यार करो।”

यूहन्ना 17:21

कि से सब इक्क होंन, तिय्यां ही जिय्यां, ओ पिता जी, तुसा मेरे बिच हिन अते मैं तुसा रे बिच है, से भी असा बिच का इक्क होंन, ताकि दुनिया रे मणू विश्वास करण कि तुसा ने मेरे जो भेज्जेया है।

रोमियों 12:10

भाईचारे रे प्यार कने इक्क-दूज्जे कने लगाव रख्खो। अप्पु-मिते इक्क दूए री इज्जत दैणे बिच इक्क-दूज्जे का बदधे चलो।

रोमियों 13:10

प्यार पड़ोसी री कोई बुराई नी करदा, इधेरे तांइ जे अगर असी प्यार करदे तां असी मूसा रे कानूनां जो पूरा करदे।

रोमियों 13:8

प्यार जो छड्डी करी होर कुसकी चीज बिच कुसकी रे कर्जदार मत बणो। किजोकी जे दूज्जे कने प्यार रखदा, तिनिये मूसा रे कानून रे तिन्हा सारे हुकमां जो मन्नी लेया, जे परमेश्वर ने दित्ते री हिन।

गलातियों 5:22

पर पवित्रात्मा का पैदा होणे वाला स्वभाव बिच प्यार, आनंद, सांती, सबर, दया, नेकी, ते विश्वास है।

गलातियों 5:6

जां असी मसीह यीशु बिच विश्वास करणा सुरु करी दिंदे तां यहूदी या गैर यहूदी होणे रा कोई फरक नी रैहन्दा। पर जरुरी गल्ल ए है कि असी मसीह बिच विश्वास करदे ते तिस वजह कने परमेश्वर ते बाकि मणू प्यार रखदे।

गलातियों 6:10

इधेरे तांइ जित्ते तक भी मौक्का मिल्लो असा जो सारे लोक्कां कने भलाई करणा चाएदी, खास कर संगी विश्वासियां कने।

गलातियों 6:2

तुसा मुसीबत बिच इक्क-दूए री मदद करेया करो ते इसी तरिक्के कने तुसा मसीह रे हुकमां जो पूरा करो।

इफिसियों 5:2

जिय्यां मसीह यीशु ने तुसा कने प्यार कित्तेया, तिय्यां ही तुसा भी सारेयां कने प्यार करो। मसीह ने अप्पु जो तुसा रे पाप मिटाणे तांइ कुर्बान करी दित्ता ते से कुर्बानी परमेश्वर रे सामणे इक्क खुशबूदार भेंट सांई थिया।

कुलुस्सियों 1:4

किजोकी असा ने मसीह बिच तुसा रे विश्वास रे बारे बिच, ते संगी विश्वासियां कने तुसा रे आपसी प्यार रे बारे बिच सुणे रा है,

1 थिस्सलुनीकियों 3:12

असी प्रार्थना करदे कि जिय्यां असी प्यार तुसा कने करदे तिय्यां ही मसीह यीशु तुसा जो इक्क दूए कने प्यार रखणे ते तिस बिच बधणे बिच मदद करे।

2 थिस्सलुनीकियों 1:3

ओ संगी विश्वासियों, असा जो तुसा तांइ हमेसा परमेश्वर रा शुकर करणा चाएदा। इय्यां करणा ठीक है किजोकी तुसा मसीह बिच विश्वास करणे बिच होर जादा मजबूत होया करदे हिन ते तुसा बिच आपसी प्यार भी बदेया करदा है।

इब्रानियों 13:1

भाईचारे रे रा प्यार बणी रे।

याकूब 2:8

तां भी जे अगर तुसा पवित्रशास्त्र रे इस खास हुकम जो मनदे “तू अपणे पड़ोसी कने अप्पु सांई प्यार रख,” तां ठीक करदे।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

2 पतरस 1:7

ते भक्ति पर भाईचारा बधांदे रेयो, ते भाईचारे पर प्यार भी बधांदे रेयो।

1 यूहन्ना 3:11

ए उपदेस तुसा मसीह बिच विश्वास करणे रे सुरु रे बेल्ले का ही सुणे रा है कि असा जो इक्क-दूय्ये कने प्यार कने रैह्णा चाएदा।

1 यूहन्ना 3:23

तिसेरा हुकम ए है कि असी तिसेरे पुत्तर मसीह यीशु बिच विश्वास करण अते जिय्यां तिन्हा हुकम दित्तेया है, कि असी इक्क-दूय्ये कने प्यार करो।

1 यूहन्ना 4:21

ते तिसका असा जो ए हुकम मिलेरा है कि जे कोई अपणे परमेश्वर कने प्यार रखदा, से अपणे संगी विश्वासी कने भी प्यार रख्खो।

2 यूहन्ना 1:5

अते अवे ओ जनानिये, मैं तुसा जो जोर पाई करी बोलदा कि असा जो आपस बिच प्यार रखणा चाएदा। ए कोई नौआ हुकम नी है पर ए से ही हुकम है जे असा जो तां मिल्ली थी जां असा ने मसीह यीशु बिच विश्वास करणा सुरु कित्तेया थिया।