यूहन्ना 13:33 - चम्बयाली नौआ नियम

³³ ओ मेरे प्रियों, मैं होर थोड़ी हाण तुसा रे कने है: फिरी तुसा मेरे जो तोपणा, ते जिय्यां यहूदियां जो बोल्लेया, जित्ते जाया करदा है तित्ते तुसा नी आई सकदे, तिय्यां ही मैं तुसा जो भी बोलदा

यूहन्ना 13:33 ပူးပေါင်းရင်းမြစ်များ

यूहन्ना 13:36

शमौन पतरस ने तिन्हा जो बोल्लेया, ओ प्रभु जी, तुसा कुते जाया करदे हिन? यीशु ने जवाब दित्तेया, जित्ते मैं जाया करदा है तू हल्ले तित्ते नी आई सकदा, पर इसेरे बाद मेरे पीच्छे आणा।

यूहन्ना 14:19

अवे थोड़ी ही देर बाद दुनिया रे लोक्कां ने मेरे जो नी दिख्खणा, पर तुसा ने मेरे जो दिख्खणा, किजोकी मैं जिंदा है, इधेरे तांइ तुसा भी जिंदे रैह्णा।

यूहन्ना 14:2

मेरे पिता रे घरे बड़ी सारी रैह्णे री जगाह् हिन, जे अगर जगाह् नी हुंदी तां मैं तुसा जो बोल्ली दैणा थिया, किजोकी मैं तुसा तांइ जगाह् तैयार करणे तांइ चलेया।

यूहन्ना 7:36

ए कै गल्ल है जे उन्हा ने बोल्ली, कि तुसा मेरे जो तोपणा पर नी मिलणा ते जित्ते मैं है, उत्ते तुसा नी आई सकदे?

गलातियों 4:19

ओ मेरे प्रियों, जिय्यां कुसकी दुपराणी जनानी जो लोकिणे री पीड़ हुंदी, तिसी सांई मैं तुसा तांइ पीड़ सहन करेया करदा है। ते जां तांइ तुसा मसीह बिच पूरी तरह पकी नी जांदे, तां तांइ मेरे जो से पीड़ रैह्णी।

1 यूहन्ना 2:1

ओ मेरे बच्चो, ए मैं तुसा जो इस तांइ लिख्खेया करदा है कि तुसा पाप ना करो। जे अगर कोई पाप करे, तां परमेश्वर पिता का असा तांइ कोई इक्क है जिन्हेरा नां मसीह यीशु है ते से परमेश्वर पिता का असा तांइ बिनती करदे। से धार्मिक हिन।

1 यूहन्ना 4:4

ओ प्यारे बच्चेयों, तुसा परमेश्वर रे मणू हिन, तुसा तिन्हा झूठ्ठे भविष्यद्वक्तां पर जीत हासिल कित्ते री है, किजोकी पवित्रात्मा जे तुसा बिच बसदी से शैतान का जादा ताकतवर है जे इस दुनिया रे लोक्कां पर राज करदा।

1 यूहन्ना 5:21

ओ बच्चेयों, अप्पु जो हर तिस चीज का दुर रख्खो जे तुसा रे दिल बिच परमेश्वर री जगाह् लेई सकदी।