यूहन्ना 13:23 - चम्बयाली नौआ नियम

²³ तिन्हेरे चेल्‍लेयां बिच का इक्क चेल्ला, जिस कने यीशु प्यार करदे थिये, यीशु नेड़े बैठ्ठे रा थिया।

यूहन्ना 13:23 ပူးပေါင်းရင်းမြစ်များ

लूका 16:22

इक्क रोज लाज़र मरी गेया ते स्वर्गदूत तिसेरी आत्‍मा जो स्वर्ग अन्दर तिसेरे पुरखे अब्राहम का लेई गे, से अमीर मणू भी थोड़े रोज्जां बाद मरी गेया ते तिसजो दब्बी दित्तेया गेया।

यूहन्ना 1:18

परमेश्वर जो कदी कुसकी ने नी दिख्खेया पर इकलौते पुत्तर ने जे अप्पु ही परमेश्वर है, ते पिता रे सबका जादा करीब है। तिन्हा ने ही असा पर परमेश्वर जो प्रकट कित्ते रा है।

यूहन्ना 11:3

अते उसेरी भैण ने तिसजो कहलाई भेजेया, ओ प्रभु, दिख, जिस जो तू प्यार करदे, ओ बिमार है

यूहन्ना 11:36

तां यहूदी मणू बोलणा लग्गे, दिख्खो, ओ उस कने किन्ना प्यार करदा थिया।

यूहन्ना 11:5

यीशु मार्था ते तिसेरी भैण ते लाज़र जो प्यार करदा थिया।

यूहन्ना 13:24

शमौन पतरस ने तिसजो इसारा करी के पूच्छेया, दस्स, ए कुसेरे बारे बिच बोल्लेया करदे हिन?

यूहन्ना 13:25

तां तिसने तिय्यां ही यीशु रे पास्से झुकी तिन्हा जो पूच्छेया, ओ प्रभु, से कुण है?

यूहन्ना 19:26

जां यीशु ने अपणी मां ते तिस चेल्‍ले जो जिस कने से प्यार करदे थिये, नेड़े खड़ितेरा दिख्खेया तां अपणी मां जो बोल्लेया, ओ मां, दिख, ए तेरा पुत्तर है।

यूहन्ना 20:2

फिरी से दौड़ी करी शमौन पतरस अते तिस दूज्जे चेल्‍ले का, जे यीशु जो प्यारा थिया, पूज्जी अते बोलणा लग्गी, तिन्हा लोक्कां ने प्रभु रे सरीर जो कब्र का निकाली करी लेई गे अते असा जो नी है पता कि तिन्हा ने उन्हा जो कुते रख्खे रा है।

यूहन्ना 21:20

पतरस मुड़ेया अते दिख्खेया कि से चेल्ला जिस कने यीशु प्यार करदे थिये, उन्हेरे पीच्छे आया करदा है। ए से ही थिया जिनिये रोट्टी खांदे बेल्ले तिन्हेरे नेड़े बैठ्ठे रा थिया ते झुकी करी पूच्छदा थिया, ओ प्रभु, तुसा जो धोखा देई करी पकड़वाणे वाला कुण है?

यूहन्ना 21:24

ए से ही चेल्ला ए जे इन्हा गल्लां री गवाई दिन्दा अते जिनिये इन्हा गल्लां जो लिख्खेया, अते असी जाणदे कि तिसेरी गवाई सच्ची है।

यूहन्ना 21:7

तां तिस चेल्‍ले ने जिस कने यीशु प्यार करदे थिये, पतरस जो बोल्लेया, ए तां प्रभु हिन! शमौन पतरस ने ए सुणी करी कि से प्रभु हिन, चोग्गा पाई लित्तेया (किजोकी से नंगा थिया) अते समुन्द्र अंदर कुदी पेया।