यूहन्ना 13:18 - चम्बयाली नौआ नियम

¹⁸ मैं तुसा सारे रे बारे बिच नी बोलदा; जिन्हा जो मैं चुणी लित्तेया रा है तिन्हा जो मैं जाणदा, पर ए इधेरे तांइ होया कि पवित्रशास्त्र रा से वचन पूरा हो, “जिनिये मेरी रोट्टी खाई, तिनिये मेरे कने धोखा कित्ता।”

यूहन्ना 13:18 ပူးပေါင်းရင်းမြစ်များ

मत्ती 10:36

अते तुसा रे दुश्मण तुसा रे अपणे घरे रे ही मणू होणे।

मत्ती 26:21

जां से खाया करदे थिये तां तिन्हा ने बोल्लेया, मैं तुसा कने सच बोलदा की तुसा बिच का इक्क ने मेरे जो पकड़वाणा।

मत्ती 26:23

तिन्हा ने जवाब दित्तेया, जिस ने मेरे कने थाली बिच हत्थ पाए रा है तिनिये ही मेरे जो पकड़वाणा।

मरकुस 14:17

जां सांज्ज होई, तां यीशु अपणे चेल्‍लेयां कने तिस घर बिच आये।

मरकुस 14:18

जिस बेल्ले से बेई करी रोट्टी खाया करदे थिये, तां यीशु ने बोल्लेया, “मैं तुसा जो सच बोल्दा कि तुसा बिच का इक्क जणे ने, जे मेरे कने रोट्टी खाया करदा है, मेरे जो पकड़वाई दैणा।”

मरकुस 14:20

यीशु ने तिन्हा जो बोल्लेया, “से बारा बिच का इक्क है, जे मेरे कने थाली अन्दर हत्थ पाया करदा है।

लूका 22:21

पर, आज असा रे बिच से मणू भी बेई करी रोट्टी खाया करदा है, जिनिये मेरे जो पकड़वाणा है

यूहन्ना 13:21

ए गल्लां बोल्ली करी यीशु अपणे मन बिच बड्डा वरी उदास ते दुखी होई गे, ते बोलणा लग्गे, “मैं तुसा जो सच-सच बोलदा तुसा बिच इक्क ने मेरे जो पकड़वाणा।”

यूहन्ना 13:22

चेल्‍ले शक्क कने, कि ए कुसेरे बारे बिच बोल्लेया करदे हिन, इक्क दूज्जे पास्से दिख्खणा लग्गे।

यूहन्ना 13:26

यीशु ने जवाब दित्तेया, जिस जो मैं ए रोट्टी रा टुकड़ा डूबाई करी दिंगा, से ही है, तां तिन्हा ने टुकड़ा डूबाई करी शमौन इस्करियोती रे निक्के यहूदा जो दित्तेया।

यूहन्ना 15:16

तुसा मेरे जो नी चुणेया, पर मैं तुसा जो इक्क मकसद कने चुणेया कि तुसा जाओ अते इदेय कम्म करण जे पिता-परमेश्वर जो पसंद आए ते तुसा रे ठीक कम्म बणी रे, ताकि मेरे नां कने तुसा जे किच्‍छ भी पिता का मंगो से तुसा री हर जरुरत जो पूरा करण।

यूहन्ना 15:19

जे तुसा इस दुनिया रे लोक्कां सांई हुन्दे तां दुनिया रे लोक्कां ने तुसा कने अपणेयां सांई प्यार करणा थिया, पर तुसा इस दुनिया रे लोक्कां सांई नी हिन किजोकी मैं तुसा जो इस दुनिया रे लोक्कां बिच का चुणी लित्ते रा है, अते इधेरे तांइ दुनिया रे मणू तुसा रे कने दुश्मणी रखदे।

यूहन्ना 15:25

पर ए इधेरे तांइ होया कि से वचन पूरा हो जे पवित्रशास्त्र बिच लिख्खे रा है: तिन्हा ने बेकार ही मेरे कने नफरत कित्ती।

यूहन्ना 17:12

जां मैं तिन्हेरे कने थिया, मैं तुसा रे उस नां री ताकत कने जे तुसा ने मेरे जो दित्ते रा है, तिन्हेरी रखवाली कित्ती, सिवाय विनास रे पुत्तर जो छड्डी उन्हा बिच कोई खत्म नी होया, इधेरे तांइ कि पवित्रशास्त्र बिच लिख्खे री गल्ल पूरी हो;

यूहन्ना 18:32

ए इधेरे तांइ होया कि यीशु री गल्ल पूरी होई जाओ जे तिन्हा ने अपणे मरणे रे बारे बोल्ली थी, कि तिन्हेरी मौत कुस तरिक्के कने होणी।

यूहन्ना 19:24

इधेरे तांइ तिन्हा ने अप्पु-मिते बोल्लेया, इसजो फाड़ो मत बल्कि इस तांइ पर्ची पांदे कि कुन्ने लैणा, ए इधेरे तांइ होया ताकि पवित्रशास्त्र बिच लिख्खे रा ए वचन पूरा हो, “तिन्हा ने मेरे कपड़े अप्पु-मिते बंड्डी लेह् ते मेरे कपड़े तांइ पर्ची पाई।” इधेरे तांइ सपाईयां इय्यां कित्तेया।

यूहन्ना 19:36

ए गल्लां इधेरे तांइ होई कि पवित्रशास्त्र बिच लिख्खे रा वचन पूरा हो, “तिसेरी कोई हड्डी तोड़ी नी जाणी।”

यूहन्ना 21:17

तिन्हा ने तिज्जी वरी तिसजो बोल्लेया, ओ शमौन, यूहन्ना रे पुत्तर, कै तू मेरे कने प्यार रखदा? पतरस उदास होई गेया कि यीशु ने तिसका तिज्जी वरी इय्यां बोल्लेया कि, कै तू मेरे कने प्यार रखदा? अते तिसने बोल्लेया, ओ प्रभु जी, तुसा तां सब किच्‍छ जाणदे तुसा जाणदे हिन कि मैं तुसा कने प्यार रखदा यीशु ने तिसजो बोल्लेया, मेरी शिक्षा जो मनणे वाले लोक्कां जो भेड़ां सांई चरा।

यूहन्ना 6:70

यीशु ने तिन्हा जो जवाब दित्ता, कि मैं तुसा बारा जणेया जो मैं चुणी लित्ते रा है पर तां भी तुसा बिच इक्क जणे जो शैतान ने काबू बिच करी लित्ते रा है।

प्रेरितां रे कम्म 1:16

ओ विश्वासियों, जरुरी थिया कि पवित्रशास्त्र रा ओ लेख पूरा हो जे पवित्रात्मा ने दाऊद रे जरिए का यहूदा रे बारे बिच पैल्ले का बोल्ले रा थिया, जिनिये यीशु रे पकड़ने वालेयां री मदद कित्ती थी,

प्रेरितां रे कम्म 1:2

अपणे स्वर्ग पर चुक्के जाणे का पैल्ले तिन्हा ने अपणे चुणे रे प्रेरितां जो पवित्रात्मा री ताकत कने हुकम दित्ते।

2 कुरुन्थियों 4:5

दिख्खो, असी लोक्कां बिच जाई-जाई करी अपणे बारे बिच प्रचार नी करेया करदे हिन। असी मसीह यीशु रा प्रचार करेया करदे हिन, ते मसीह रे खातिर असी तुसा रे सेवक हिन।

इब्रानियों 4:13

परमेश्वर का किच्‍छ भी लुके रा नी है, ते असा ने जे किच्‍छ अपणी जिन्दगी बिच कित्ते रा है, तिसेरा लेखा-जोखा परमेश्वर जो दैणा पैणा।

प्रकाशित वाक्य 2:23

मैं तिन्हा लोक्कां जो मारी रखणा जे तिसेरी सीख पर चलदे, ते इस कने सारी कलीसिया रे मणूआं ने जाणी जाणा कि मैं इन्सान री सोच ते मकसद री छानबीन करदा। मैं तुसा बिच का हर इक्क जणे जो तिन्हेरे कम्मां रे हिसाब कने ईनाम दैणा।