यूहन्ना 13:15 - चम्बयाली नौआ नियम

¹⁵ किजोकी मैं तुसा जो इक्क नमूना दस्सी दित्तेया कि जिय्यां मैं तुसा कने कित्तेया, तुसा भी तिय्यां ही करेया करो।

यूहन्ना 13:15 ပူးပေါင်းရင်းမြစ်များ

मत्ती 11:29

मेरा जुंगल अपणे उप्पर लेई लेयो, अते मेरे का सिख्खो किजोकी मैं सांत अते मन का दीन है: अते तुसा जो अपणी आत्‍मा बिच अराम मिलणा।

रोमियों 15:5

मैं परमेश्वर का प्रार्थना करदा कि से तुसा जो सबर ते सांती दे ताकि तुसा अप्पु मिते मिली जुली होई करी रेई सको, जिय्यां कि असा जो मसीह यीशु विश्वास बिच करणे वालया जो जचदा भी।

इफिसियों 5:2

जिय्यां मसीह यीशु ने तुसा कने प्यार कित्तेया, तिय्यां ही तुसा भी सारेयां कने प्यार करो। मसीह ने अप्पु जो तुसा रे पाप मिटाणे तांइ कुर्बान करी दित्ता ते से कुर्बानी परमेश्वर रे सामणे इक्क खुशबूदार भेंट सांई थिया।

1 पतरस 2:21

तुसा इधेरे तांइ भी सद्दे गेरे हिन ताकि तुसा परमेश्वर तांइ दुख सहन करो। मसीह इस गल्ल रा उदारण हिन जिन्हा ने तुसा तांइ दुख सहन कित्तेया। इधेरे तांइ तुसा जो से सब तिय्यां ही करणा चाएदा जिय्यां तिन्हा कित्तेया।

1 पतरस 5:3

ते परमेश्वर ने जे मणू तुसा जो सौंप्पे रे हिन तिन्हा पर जादा हक मत जमाओ जिय्यां कोई अधिकारी अपणे नेड़े-तेड़े रे लोक्कां पर जतांदा। पर इसेरे बजाए तिन्हा तांइ इक्क उदारण बणो।

1 यूहन्ना 2:6

जे अगर कोई ए बोलदा की मैं परमेश्वर बिच बणी रैहन्दा, तां तिस तांइ जरुरी है कि तदेई ही जिन्दगी जिये जदेई जिन्दगी मसीह यीशु जिन्दे थिये।