यूहन्ना 13:14 - चम्बयाली नौआ नियम

¹⁴ जे मैं प्रभु ते गुरु होई करी तुसा रे पैर धोये, तां तुसा जो भी इक्क दूये रे पैर धोणा चाएदे।

यूहन्ना 13:14 ပူးပေါင်းရင်းမြစ်များ

यूहन्ना 11:2

ए ओ ही मरियम थी जिनिये प्रभु रे पैरां पर इत्र पाई करी उन्हेरे पैरां जो अपणे बालां कने पुंजेया थिया, इसेरा ही भाई लाज़र बिमार थिया।

प्रेरितां रे कम्म 20:35

मैं तुसा जो सब किच्‍छ करी के दस्सेया कि इस तरिक्के कने मैह्नत करी के कमजोर मणूआं जो सम्भालणा ते प्रभु यीशु रे वचनां जो याद रखणा जरुरी है, जे तिन्हा ने अप्पु ही बोल्ले रा है, लैणे का दैणा धन्न है

रोमियों 12:10

भाईचारे रे प्यार कने इक्क-दूज्जे कने लगाव रख्खो। अप्पु-मिते इक्क दूए री इज्जत दैणे बिच इक्क-दूज्जे का बदधे चलो।

रोमियों 12:16

हर इक्क मणू कने इक्क जदेया ही बर्ताव करो, ते घमंड मत करो, पर आम लोक्कां कने संगत रख्खो, अप्पु जो जादा ही समजदार मत समझो।

1 कुरुन्थियों 12:3

इधेरे तांइ मैं चाह्‍ंदा कि तुसा समझो कि जे कोई परमेश्वर रे आत्‍मा रे कहे मुताबिक बोलदा से कदी ए नी बोलदा यीशु लाणती है, ते बगैर पवित्रात्मा रे कहे मुताबिक कोई ए भी नी बोल्ली सकदा कि यीशु प्रभु हिन।

1 कुरुन्थियों 8:13

इस वजह कने अगर मूर्तां रे सामणे चढ़ाए री रोट्टी खाणा मेरे संगी विश्वासी रे मसीह यीशु बिच विश्वास करणे का हटणे री वजह बणदा तां मैं कदी कुसकी भी तरिक्के कने से रोट्टी नी खाणी, इय्यां ना हो कि मैं अपणे संगी विश्वासियां तांइ विश्वास का भटकणे री वजह बणी जां।

2 कुरुन्थियों 10:1

मैं पौलुस, तुसा का मसीह यीशु री दयालुता ते निमतेपन कने बिनती करदा, हालांकि मेरे जो इस गल्ल रा एहसास है कि तुसा लोक्कां जो ए लगदा कि मैं आमणे-सामणे गल्ल करणे बिच डरपोक है, ते सिर्फ चीठ्ठी लिख्खी करी गल्लां समझाणे बिच बड़ी हिम्मत रखदा।

2 कुरुन्थियों 8:9

तुसा असा रे प्रभु यीशु मसीह रे अनुग्रह जो जाणदे कि से अमीर होई करी भी तुसा तांइ कगांल बणी गे, ताकि तिन्हेरे कगांल होई जाणे कने तुसा अमीर होई जाओ।

गलातियों 5:13

ओ संगी विश्वासियों, परमेश्वर ने तुसा जो अजाद होणे तांइ सद्दे रा है इधेरे तांइ अवे तुसा जो मूसा रा कानून मन्नी करी चलणे री जरुरत नी है। अपणे सरीर री बुरी इच्छा जो पूरा करणे रा मौक्का मत देयो बल्कि आपसी प्यार कने इक्क-दूए री सेवा करो।

फिलिप्पियों 2:11

ते पिता परमेश्वर री महिमा तांइ सारे जणेया ने ए मन्नी लैण कि मसीह यीशु ही प्रभु हिन।

1 तीमुथियुस 5:10

से विधवा जनानी अपणे भलाई रे कम्मां तांइ जाणी जांदी हो जिय्यां कि बच्चेयां रा पालण-पोषण करणा, मेहमान-नवाजी करणा, प्रभु रे लोक्कां री सेवा करणा, मुसीबत बिच पेय रे लोक्कां री मदद करणा ते हर तरिक्के रे भलाई रे कम्मां बिच मन लाणा।

इब्रानियों 12:2

असा जो अपणी हाख्खियां यीशु पर लाई रखणी चाएदी, जे असा जो विश्वास बिच अग्गे बधांदे ते पूरा भी करदे। तिन्हा ने सुली पर जान दैणे ते बेज्जती जो भी, बाद बिच मिलणे वाले आनंद रे बारे बिच सोचदे होए सहन करी लित्तेया। से अवे परमेश्वर रे सिहांसन रे सज्जे पास्से बैठ्ठे रे हिन।

1 पतरस 4:1

इधेरे तांइ जिय्यां मसीह ने भी जुल्म सहन कित्ते जां तिकर से अपणे सरीर बिच रे, तिय्यां ही तुसा भी तिस्सी व्यवहार कने जुल्म सैह्ण करणे तांइ तैयार रेयो जदेया मसीह रा थिया। किजोकी जे अगर तुसा मसीह तांइ जुल्म सैह्‍ण करणे रा फैसला करी लित्ते रा है, तां इधेरा मतलब है कि तुसा पाप ना करणे रा फैसला कित्ते रा है।

1 पतरस 5:5

तिय्यां ही, तुसा जवान मणू भी अपणे का बड्डे विश्वासियां रे कहे मुताबिक चलेया करो। तुसा जो निम्तेपन कने इक्क-दूए री सेवा करणा चाएदी, जिय्यां कि पवित्रशास्त्र बिच लिख्खे रा है, “परमेश्वर घमंडी मणूआं रे खिलाफ हिन, पर से निम्ते मणूआं कने ठीक हिन।”