यूहन्ना 13:13 - चम्बयाली नौआ नियम

¹³ तुसा मेरे जो गुरु ते प्रभु बोलदे, ते ठीक ही बोलदे, किजोकी मैं है भी।

यूहन्ना 13:13 ပူးပေါင်းရင်းမြစ်များ

मत्ती 20:28

जिय्यां मणू रा पुत्तर, जे मैं ही है से इस तांइ नी आया कि उसेरी सेवा-टहल कित्ती जाए, पर इस तांइ आया कि अप्पु सेवा टहल करे ते मते जणेया रे छुटकारे तांइ अपणी जान देई दे।

लूका 10:28

यीशु ने बोल्लेया, तैं ठीक जवाब दित्तेया इतणा ही करेया कर, तां तिज्जो हमेसा री जिन्दगी मिली जाणी।

लूका 6:46

फिरी यीशु ने बोल्लेया, तुसा मेरे जो ओ प्रभु जी, ओ प्रभु जी, किजो बोलदे रैह्‍न्दे, जदकी तुसा मेरी गल्लां जो मनणे तांइ तैयार नी हिन?

लूका 7:43

फिरी तिस फरीसी मणू, शमौन ने जवाब दित्ता, जी! मेरे हिसाब कने तां, जिसेरी जादा उधारी माफ होई, तिन्ने जादा प्यार रखणा। यीशु ने तिस्स जो बोल्लेया, तैं ठीक बोल्लेया,

यूहन्ना 11:2

ए ओ ही मरियम थी जिनिये प्रभु रे पैरां पर इत्र पाई करी उन्हेरे पैरां जो अपणे बालां कने पुंजेया थिया, इसेरा ही भाई लाज़र बिमार थिया।

यूहन्ना 11:28

ए बोल्ली करी से चली गई, ते अपणी भैण मरियम जो सद्दी करी चुपचाणे दस्सेया, गुरु इत्ते ही है ते तेरे जो सद्देया करदा है।

यूहन्ना 11:3

अते उसेरी भैण ने तिसजो कहलाई भेजेया, ओ प्रभु, दिख, जिस जो तू प्यार करदे, ओ बिमार है

1 कुरुन्थियों 12:3

इधेरे तांइ मैं चाह्‍ंदा कि तुसा समझो कि जे कोई परमेश्वर रे आत्‍मा रे कहे मुताबिक बोलदा से कदी ए नी बोलदा यीशु लाणती है, ते बगैर पवित्रात्मा रे कहे मुताबिक कोई ए भी नी बोल्ली सकदा कि यीशु प्रभु हिन।

इफिसियों 6:9

ओ मालकों, तुसा जो अपणे गुलाम्मां जो डराणा नी चाएदा, बल्कि तुसा जो तिन्हा जो तिय्यां ही इज्जत दैणी चाएदी जिय्यां मैं तिन्हा जो तुसा री इज्जत करणे तांइ बोल्ले रा है। किजोकी तुसा जाणदे कि तिन्हेरा ते तुसा रा मालक स्वर्ग बिच है ते से कुसकी कने पक्षपात नी करदा।

फिलिप्पियों 2:11

ते पिता परमेश्वर री महिमा तांइ सारे जणेया ने ए मन्नी लैण कि मसीह यीशु ही प्रभु हिन।

फिलिप्पियों 3:8

जे अगर मैं मसीह यीशु जो अप्पु जानणे रे मुल री तुलना बाकि चीजां कने करां, तां मैं बाकि सारी चीजां जो बेकार समजदा, ते इसी वजह कने मैं हर तिस चीज जो छड्डी रख्खेया ते मैं तिन्हा चीजां जो कचरा समजदा। ताकि मैं मसीह यीशु रे हुकमां जो जादा ठीक तरिक्के कने मन्नी सकां।

याकूब 2:19

तिज्जो विश्वास है कि परमेश्वर इक्क ही है; तू ठीक करदा; दुष्टात्मा भी विश्वास करदी ते डर कने कमदी।