यूहन्ना 13:1 - चम्बयाली नौआ नियम

¹ फसह रे त्याहार का पैल्ले, जां यीशु ने जाणी लेया कि मेरा से बेल्ला आई गेया कि दुनिया जो छड्डी करी पिता का हटी जां। यीशु अपणी सेवकाई री सुरुआत का लेई आखर तिकर अपणे चेल्‍लेयां कने बड़ा प्यार करदे थिये।

यूहन्ना 13:1 ပူးပေါင်းရင်းမြစ်များ

मत्ती 26:45

तां तिन्हा ने चेल्‍लेयां का आई करी तिन्हेरे जो बोल्लेया, अवे सोदें रेयो, ते अराम करो: दिख्खो, से बेल्ला आई पूज्जे रा है, ते मणू रा पुत्तर, जे मैं ही है पापियां रे हत्थां पकड़वाया जादां।

मत्ती 28:20

से सब हुकम जे मैं तुसा जो दित्ते हिन, उन्हा जो उन पर चलणा सिखाओ: अते याद रख्खो, कि मैं दुनिया रे अंत तक हमेसा तुसा रे कने है।

लूका 22:53

जां मैं तुसा कने मन्दिर अन्दर हुन्दा थिया, तुसा ने मेरे जो तां किजो नी पकड़ेया? पर अज्ज ए तुसा रा बेल्ला है, अते निहारे रा राज करणे रा बेल्ला है।

लूका 9:51

जां यीशु रा स्वर्ग अन्दर जाणे रा बेल्ला नेड़े आया करदा थिया, तां तिन्हा यरुशलेम जाणे री सोच्ची ते चली पे।

यूहन्ना 11:55

यहूदियां रा फसह रा त्याहार रा समय नेड़े थिया, ते मते मणू त्योहर का पैल्ले अपणे ग्रां का यरुशलेम सहर जो गे कि अपणे आप जो अपणे रीवाज रे हिसाब कने मन्दिर बिच जाई करी शुद्व करण।

यूहन्ना 12:23

इस पर यीशु ने उन्हा जो बोल्लेया, ओ वक्त आई गे रा है कि मणू रे पुत्तर री बड़ाई हो।

यूहन्ना 13:29

यहूदा का इक्क थैली हुंदी थी, इधेरे तांइ कुसकी-कुसकी ने ए समजेया कि यीशु तिसजो बोल्लेया करदे हिन कि जे किच्‍छ असा जो त्योहर तांइ चाएदा से खरीदी लै, या ए कि कंगाला जो किच्‍छ दे

यूहन्ना 13:3

यीशु ने ए जाणी करी कि पिता ने सब किच्‍छ मेरे हक बिच देई दित्ते रा है, ते से परमेश्वर रे पास्से का आया ते परमेश्वर का हटेया करदा है,

यूहन्ना 13:34

मैं तुसा जो इक्क नौआ हुकम दिंदा कि इक्क दूए कने प्यार रख्खो, जिय्यां मैं तुसा कने प्यार करदा, तिय्यां तुसा भी इक्क दूये कने दाह-पीड़ रख्खो।

यूहन्ना 14:28

तुसा सुणी चुके रे हिन जे मैं तुसा जो बोल्लेया, मैं जांदा, ते तुसा रे का फिरी आणा, जे तुसा मेरे कने सच्चा प्यार करदे तां इस गल्ल कने खुस हुन्दे कि मैं पिता का जाया करदा है, जे मेरे का बड्डे हिन।

यूहन्ना 14:31

पर ए इधेरे तांइ होया करदा है कि दुनिया रे मणू जाणे कि मैं पिता कने प्यार करदा, ते जिय्यां पिता ने मेरे जो हुकम दित्ते हिन मैं तिय्यां ही करदा। उठ्ठो, इत्ते का चलदे।

यूहन्ना 16:28

मैं पिता रे पास्से का आए रा है अते इस दुनिया बिच आया, मैं फिरी दुनिया जो छड्डी करी पिता का चलेया

यूहन्ना 17:1

जां यीशु अपणे चेल्‍लेयां जो ए गल्लां बोल्ली बैठ्ठे, तां तिन्हा ने उप्पर आसमान पास्से दिख्खी करी बोल्लेया, ओ पिता, से बेल्ला आई रेया, अपणे पुत्तर री बड़ाई कर ताकि पुत्तर भी तुसा री बड़ाई करे।

यूहन्ना 17:16

जिय्यां मैं इस दुनिया रे लोक्कां बिच का इक्क नी है, तिय्यां ही से भी इस दुनिया रे लोक्कां बिच का नी हिन।

यूहन्ना 17:26

मैं तुसा रा नां इन्हा सामणे प्रकट कित्ते रा है, ते अग्गे भी दसदे रैह्णा ताकि जे प्यार तुसा जो मेरे कने थिया से तिन्हा बिच रेय, ते मैं इन्हा बिच रेयां।

यूहन्ना 17:5

जदेई बड़ाई मेरी इस दुनिया रे बणाए जाणे का पैल्ले तुसा कने थी, तैसी ही बड़ाई तुसा फिरी मेरे जो देयो।

यूहन्ना 18:4

फिरी यीशु जे सब किच्‍छ जाणदे थिये कि तिन्हा कने कै होणे वाला है, अग्गे आये अते तिन्हा जो बोल्लेया, तुसा कुस जो तोप्पेया करदे हिन?

यूहन्ना 19:28

यीशु जाणदे थिये कि तिन्हा ने अपणा मकसद पूरा करी लित्ते रा है, ते इधेरे तांइ कि पवित्रशास्त्र बिच लिख्खे री गल्ल पूरी हो तिन्हा ने ए बोल्लेया, “मैं प्यासा है।”

यूहन्ना 2:13

यहूदियां रा फसह रा त्याहार नजदीक थिया कने यीशु यरुशलेम सहर जो गे।

यूहन्ना 6:4

यहूदियां रा फसह रा त्याहार नेड़े थिया

यूहन्ना 7:30

इस पर तिन्हा यहूदी अधिकारियां ने यीशु जो गिरफ्तार करणा चाएया, पर तां भी कुसकी ने भी उन्हा पर हत्थ नी पाया किजोकी तिन्हेरा गिरफ्तार होणे रा वक्त हल्ले तिकर नी आया थिया।

यूहन्ना 7:6

तां यीशु ने तिन्हा जो बोल्लेया, मेरे जाणे रा बेल्ला हल्ले नी आया, पर तुसा जाई सकदे।

यूहन्ना 8:20

ए गल्लां तिन्हा ने मन्दिर रे अंगण बिच उपदेस दिन्दे होए भण्डार घर बिच बोल्ली, कने कुसी ने तिसजो नी पकड़ेया किजोकी तिसेरा हल्ले तिन्हेरा पकड़ी करी सताए ते मारे जाणे रा बेल्ला नी आया थिया।

रोमियों 8:37

पर असी मसीह यीशु रे जरिये हर इक्क गल्ल बिच इक्क विजेता का बधी करी हिन, किजोकी मसीह यीशु असा कने प्यार करदे।

1 कुरुन्थियों 1:8

परमेश्वर ने तुसा जो आखरी समय तिकर मजबूत बनाणा, ते मसीह यीशु बिच तुसा रे विश्वास जो ताकतवर बनाणा ताकि तुसा मसीह यीशु रे हटी आणे वाले बेल्ले बिच बेकसूर ठेहरो।

इब्रानियों 3:14

जे अगर असी परमेश्वर बिच विश्वास करणे अंदर आखिर तिकर तिय्यां ही मजबूत बणे रे, जां तिस बेल्ले थिये जा असी पैल्ली वरी तिन्हा बिच विश्वास कित्तेया थिया, तां असा जो मसीह री हर चीज बिच हिस्सा मिलणा।

इब्रानियों 3:6

पर मसीह यीशु, परमेश्वर रे पुत्र होणे रे तौर पर, तिन्हेरे पूरे टब्बर बिच विश्वासयोग्य हिन, जे अगर असी हिम्मत ते आस कने विश्वास बिच बणी रैह्ण तां असी ही तिन्हेरा टब्बर हिन।

इब्रानियों 6:11

आलसी मत बणो, पर मेहनती लोक्कां सांई बणो, तुसा जो सबर ते विश्वास कने, परमेश्वर रे वादे जो हासिल करणे री आस बिच, आखरी समय तिकर ए ठीक कम्म करदे रैह्णा चाएदा।

1 पतरस 1:13

इधेरे तांइ अपणे मन जो इय्यां तैयार करी लेयो कि जिय्यां मणू अपणी कमर बन्नी करी कम्म करणे तांइ तैयार हुंदे। इसेरा मतलब ए है कि तुसा जो अपणी सोच पर काबू रखणा चाएदा। बड़े हौसंले कने तिस छुटकारे री पूरी आस रख्खी करी अपणी बोल-चाल जो सही रख्खो जे परमेश्वर ने तुसा जो मसीह यीशु रे स्वर्ग हटणे रे समय पर बड़े अनुग्रह कने दैणा।

1 यूहन्ना 4:19

असी परमेश्वर कने ते दूए लोक्कां कने इधेरे तांइ प्यार करदे किजोकी परमेश्वर ने पैल्ले असा कने प्यार कित्ता।

प्रकाशित वाक्य 1:5

ते मसीह यीशु रे पास्से का भी, जिन्हेरी गल्लां रा असी भरोस्सा करी सकदे। से ही हिन जे सबका पैल्ले मरणे का बाद मुर्देयां बिच का जिन्दे होई गे ते से दुनिया रे सारे राज्जेयां रे राज्जे हिन।