यूहन्ना 12:43 - चम्बयाली नौआ नियम

⁴³ किजोकी मणूआं रे पास्से री बड़ाई उन्हा जो परमेश्वर रे पास्से री बड़ाई का जादा प्यारी थी।

यूहन्ना 12:43 ပူးပေါင်းရင်းမြစ်များ

मत्ती 6:2

इधेरे तांइ जिस बेल्ले तुसा दान करो तां तिसेरा ढिडोंरा मत पिट्टो, जिय्यां कि सभास्थल ते गलियां बिच कपटी मणू भी होर लोक्कां का तारिफ सुनणे तांइ करदे ताकि मणू तिन्हेरी बड़ाई करण, मैं तुसा कने सच बोलदा कि से ही तिन्हेरा ईनाम है।

लूका 16:15

यीशु ने तिन्हा जो बोल्लेया, तुसा जे मणूआं जो ए जताणा चाह्‍ंदे कि तुसा बड़े सही हिन, पर परमेश्वर तां तुसा रे मनां जो भी जाणदे। दुनिया जिस गल्ल रा बड़ा आदर करदी, से गल्ल परमेश्वर री नजरां अन्दर घटिया हिन।

लूका 19:17

मालक, ने तिसजो बोल्लेया, शाबास, तू तां बड़ा खरा कन्ने भरोसे रे लायक नौक्कर है, इधेरे तांइ मैं तिज्जो दस राज रा अधिकारी बणाई दिन्दा

यूहन्ना 12:26

जे कोई मेरी सेवा करे, तां मेरा चेल्ला बणी जाए, ते जित्ते मैं है उत्ते तिनिये भी होणा, तां पिता ने उसदा आदर करणा।

यूहन्ना 5:41

मैं मणूआं का बड़ाई नी चाहन्दा।

यूहन्ना 5:44

तुसा इक्क-दुजे का बड़ाई चाह्‍ंदे, कने से बड़ाई जे इक्क मात्र परमेश्वर रे पासे का है, नी चाहंदे, कुस तरिक्के कने मेरा विश्वास करी सकगे?

यूहन्ना 7:18

जे कोई अपणे पासे का बोलदा से अपणी अप्पु ही बड़ाई करदा, पर जे अपणे भेजणे वाले री बड़ाई चाहन्दा, से ही सच्चा है, कने तिस बिच कोई ढोंग नी है।

यूहन्ना 8:54

यीशु ने जवाब दित्ता, जे अगर मैं अप्पु अपणी बड़ाई करां, तां मेरी बड़ाई किच्‍छ नी पर मेरी बड़ाई करणे वाला मेरा पिता है, जिस जो तुसा बोलदे कि तुसा रा परमेश्वर है।

रोमियों 2:29

पर सच्चा यहूदी से ही है जिसेरा मन परमेश्वर री नजरां बिच धार्मिक हो। ते सच्चा खतना सिर्फ मूसा रे कानून बिच लिख्खे री गल्लां जो मनणा ही नी है, पर परमेश्वर रे आत्‍मा रे जरिये अपणे दिल रा बदलणा है। इदेय मणू जो मणूआं रे पास्से का नी पर परमेश्वर रे पास्से का प्रशंसा मिलदी।

रोमियों 2:7

जे ठीक कम्मां बिच टिके रेई करी महिमा, इज्जत ते हमेसा री जिन्दगी री खोज बिच हिन, परमेश्वर ने तिन्हा लोक्कां जो हमेसा री जिन्दगी दैणी।

1 कुरुन्थियों 4:5

इधेरे तांइ, पैल्ले ही कुसकी गल्ल रा हिसाब कताब मत करेया करो, बल्कि जां तांइ प्रभु नी आंदे तां तांइ रुकी रेयो। किजोकी तिन्हा ने लोक्कां री दिल री लुके री गल्लां रे बारे बिच साफ-साफ दसणा जिन्हा रे बारे बिच कोई नी जाणदा। तिन्हा ने लोक्कां रे दिल रे लुके रे इराद्देयां जो साफ-साफ ज़ाहिर करणा। तां फिरी परमेश्वर ने सारेयां री तारिफ करणी।

2 कुरुन्थियों 10:18

किजोकी जे अपणी तारिफ करदा, से नी, पर जिसेरी तारिफ प्रभु करदे, से ही प्रभु री नजरां बिच सही है।

1 थिस्सलुनीकियों 2:6

असी मणूआं का आदर नी चाह्‍ंदे थिये, ते ना तुसा का, ना होर कुसकी का, हालांकि असी चाह्‍ंदे तां मसीह यीशु रे प्रेरित होणे रे वजह कने तुसा पर बोझ पाई सकदे थिये

1 पतरस 3:4

निम्ते ते चुप्प रेई करी अपणे दिल का खूबसुरत बणो। इदेइ खूबसुरती हमेसा तांइ रेह्न्दी ते परमेश्वर री नजर बिच ए कीमती है।