यूहन्ना 12:42 - चम्बयाली नौआ नियम

⁴² तां भी अधिकारियां बिच मते लोक्कां ने उस पर विश्वास कित्तेया, पर फरीसियां री वजह कने खुल्ली करी नी मन्दे थिये, कि कुते ऐसा ना हो कि ओ सभास्थल का बाहर कड्डी दित्ते जाण।

यूहन्ना 12:42 ပူးပေါင်းရင်းမြစ်များ

मत्ती 10:32

जे कोई मेरे जो मणूआं रे सामणे अपनांगा, मैं भी तिसजो अपणे स्वर्ग बिच रैह्णे वाले परम-पिता रे सामणे अपणाई लैणा।

लूका 12:8

फिरी यीशु ने बोल्लेया, मैं तुसा जो बोलदा, कि जे कोई मेरे जो मणूआं रे सामणे मन्नी लिन्गा, तिसजो मणू रे पुत्तर, जे मैं ही है ने भी परमेश्वर रे स्वर्गदूतां सामणे मन्नी लैणा।

लूका 23:13

फिरी पिलातुस ने बड्डे पुरोत्त अते यहूदी मणूआं जो ते सरदारा जो, सद्देया, ते तिन्हा जो बोल्लेया।

लूका 6:22

धन्न हिन तुसां, जे मणू रे पुत्तर, जे मैं ही है री वजह कने मणू तुसा का नफरत करगे, अते इस समाज का निकाली दिंगे, तुसा री बुराई करण अते तुसा जो बुरा बणाई करी तुसा रा नां बरादरी का कटी दिंगे

यूहन्ना 11:45

तां जे यहूदी मणू मरियम कने आए रे थिये ते तिन्हेरा ए कम्म दिख्खेया थिया, उन्हा बिच का मते जणेया ने उस पर विश्वास कित्तेया।

यूहन्ना 12:11

किजोकी तिसेरे वजह कने मते सारे यहूदी लोक्कां ने यहूदी अधिकारियां जो नक्कारी दित्तेया थिया, ते यीशु पर विश्वास करणा लग्गी पे थिये।

यूहन्ना 16:2

तिन्हा तुसा जो सभास्थल का बाहर कड्डी दैणा, बल्कि से बेल्ला आया करदा ए जां तुसा रे बिच का कुसकी जो भी मारी करी हर कोई ने सोचणा कि से परमेश्वर री सेवा करेया करदा है।

यूहन्ना 19:38

इन्हा गल्लां रे बाद अरिमतिया ग्रां रे यूसुफ ने जे यीशु रा चेल्ला थिया, पर यहूदी अधिकारियां रे डर मारे इस गल्ल जो छुपाई रखदा थिया, तिसने पिलातुस का यीशु री लास लेई जाणे तांइ बिनती कित्ती अते पिलातुस ने तिसेरी अर्जी सूणी, अते से आई करी तिन्हेरी लास लेई गेया।

यूहन्ना 3:2

तिनिये रात्ती यीशु का आई करी तिन्हा जो बोल्लेया, ओ गुरु, असी जाणदे कि परमेश्वर ने तुसा जो असी लोक्कां जो सिखाणे तांइ भेज्जे रा है, किजोकी जदेय जदेय चमत्कार तुसा दिखादें, अगर परमेश्वर तुसा रे कन्ने ना हो तां नी दिखाई सकदे।

यूहन्ना 7:13

तां भी यहूदी अधिकारियां रे डरे रे मारे मते मणू यीशु रे हित बिच गल्ल नी करदे थिये।

यूहन्ना 7:31

फिरी भी भीड़ बिच का मते लोक्कां ने यीशु पर विश्वास कित्ता, ते ए बोलणा लग्गे, मसीह ने जां आणा तां कै इसका बधी करी चमत्कार दिखाणे जे इन्हा ने दिखाए?

यूहन्ना 9:22

ए गल्लां तिसेरे मां-प्यो ने इस तांइ बोल्ली किजोकी से यहूदी अधिकारी का डरदे थिये, किजोकी यहूदी इक्क पास्से होई गेरे थिये कि जे कोई बोल्ले कि यीशु ही मसीह है, तां सभास्थल बिच का कड्डेया जाए।

यूहन्ना 9:34

तिन्हा ने तिसजो जवाब दित्ता, तू तां बिल्कुल पाप्पां बिच जम्मे रा है, तू असा जो कै सिखान्दा? ते तिन्हा ने तिसजो बाहर कड्डी दित्ता।

प्रेरितां रे कम्म 5:41

से इस गल्ल का खुस होई करी महासभा रे सामणे का चली गे, कि असी यीशु रे नां री बड़ाई होणे रे जोग्गे तां ठैहरे।

रोमियों 10:10

किजोकी जां असी अपणे मन कने विश्वास करदे तां परमेश्वर असा जो धार्मिक ठैहरांदे, ते असी जिन्हा ने विश्वास कित्ते रा है, तिसजो अपणे मुँह कने मन्नी लैणे री वजह कने असी बचाए जाणे।

1 यूहन्ना 4:15

जे कोई ए मन्नी लिन्दा कि यीशु परमेश्वर रा पुत्तर है तां परमेश्वर तिस मणू अन्दर बणी रैहन्दा ते से मणू परमेश्वर अन्दर।

1 यूहन्ना 4:2

पवित्रात्मा जो तुसा इस तरिक्के कने पैछाणी सकदे, कि जे कोई आत्‍मा मन्नी लिन्दी, कि मसीह यीशु मणू रे रुप अंदर दुनिया बिच आए, तां से परमेश्वर रे पास्से का है।