यूहन्ना 12:41 - चम्बयाली नौआ नियम

⁴¹ यशायाह ने ए गल्लां इस तांइ बोल्ली किजोकी उसने यीशु री आणे वाली महिमा दिख्खी थी, ते उसदे बारे बिच गल्लां कित्ती।

यूहन्ना 12:41 ပူးပေါင်းရင်းမြစ်များ

लूका 24:27

तां यीशु ने मूसा रे कानून अते सारे भविष्यद्वक्ता री कताबां का सुरु करी के, सारे पवित्रशास्त्र बिच लिखी री गल्लां बिच का खुद रे बारे बिच तिन्हा जो समजाया।

यूहन्ना 1:14

वचन मणू रे रुप बिच आया, ते से अनुग्रह ते सच्चाई कने भरी कने तिसने हमारे बिच डेरा कित्ता कने असी तिसेरी इदेइ बड़ाई दिख्खी जिय्यां पिता रे इकलौत्ते पुत्तर री महिमा दिख्खी हो।

यूहन्ना 1:18

परमेश्वर जो कदी कुसकी ने नी दिख्खेया पर इकलौते पुत्तर ने जे अप्पु ही परमेश्वर है, ते पिता रे सबका जादा करीब है। तिन्हा ने ही असा पर परमेश्वर जो प्रकट कित्ते रा है।

यूहन्ना 14:9

यीशु ने तिसजो बोल्लेया, ओ फिलिप्पुस, मैं इत्तणे रोज्जे रा तुसा कने है, ते कै तू मेरे जो नी जाणदा? जिनिये मेरे जो दिख्खेया तिसने पिता जो दिख्खेया है तां फिरी तू किजो बोल्लेया करदा है कि पिता जो असा जो दिख्खाओ?

यूहन्ना 5:39

तुसा पवित्रशास्त्र जो पढ़दे किजोकी सोचदे कि तिस बिच तुसा जो हमेसा री जिन्दगी मिलदी ते ए ही है जे मेरी गवाई दिंदा।

प्रेरितां रे कम्म 10:43

सब भविष्यद्वक्ता तिन्हेरी गवाई दिंदे, कि जे कोई तिन्हा पर विश्वास करगा, तिसजो मसीह यीशु रे जरिए पाप्पां री माफी मिलण।

2 कुरुन्थियों 4:6

किजोकी परमेश्वर ने ही बोल्ले रा है, “न्याहरे बिच रौसनी चमके।” ते से ही असा रे दिल बिच चमकी, ताकि असी मसीह बिच परमेश्वर री महिमा जो दिख्खी सकण।

इब्रानियों 1:3

पुत्र ही परमेश्वर री महिमा री रौसनी है, ते पुत्र रे जरिये ही असी दिखदे कि परमेश्वर कदेय हिन। अते से अपणी ताकत रे वचनां कने से ब्रम्हांड जो चलाया करदे हिन। तिन्हा ने लोक्कां रे पाप्पां जो माफ कित्ता, ते परमेश्वर री महिमामय बिच स्वर्ग अंदर तिन्हेरे सज्जे पास्से बेई गे।

1 पतरस 1:11

मसीह री आत्‍मा तिन्हा बिच थी ते से तिन्हा जो दस्सेया करदा थिया कि किय्यां मसीह ने बड़े जुल्म सैह्‍ण करणे ते फिरी तिन्हा जो बड़ी महिमा दित्ती जाणी। इधेरे तांइ तिन्हा ने बड़ी खौजबीन कित्ती कि मसीह कुण होणा ते ए सब किच्‍छ कुस समय पर होणा।

प्रकाशित वाक्य 19:10

तां मैं तिन्हा जो प्रणाम करणे तांइ तिन्हेरे पैरां पर पेई गेया, तिन्हा ने मेरे जो बोल्लेया, दिख्ख, इय्यां मत कर मैं तेरे ते तेरे भ्यालां रा संगी दास है जे यीशु री ग्वाही दैणे पर स्थिर हैं परमेश्वर जो ही प्रणाम करे: किजोकी यीशु री ग्वाही भविष्यवाणी री आत्‍मा है।