36 जां तिकर रौसनी तुसा रे कन्ने है, रौसनी पर विश्वास रख्खो ताकि तुसा रौसनी री सतांन बणो। ए गल्लां बोल्ली करी यीशु तित्ते का चली गे ते तिन्हा लोक्कां का दुर रे।
इधेरे तांइ यीशु उस बेल्ले का यहूदियां प्रदेश बिच खुली करी नी घुम्मे, पर उत्ते का बणा रे नेड़े रे वाली प्रदेश रे इफ्राईम नां रे इक्क नगर जो चली गे ते अपणे चेल्लेयां कने उत्ते ही रेहणा लग्गे
तां यीशु ने तिन्हा मणूआं जो बोल्लेया, दुनिया री रौसनी मैं है, ते जे कोई मेरे मेरी गल्लां मन्नी करी मेरे पीच्छे चलगा, तिनिये पाप रे न्याहरे बिच नी रैह्णा, पर तिसका हमेसा री जिन्दगी री रौसनी होणी।
ते जे असी दिन जदेय धार्मिकता रे मणू हिन, असा जो प्यार ते विश्वास जो अपणी रक्षा तांइ लैणी चाएदी, जिय्यां इक्क सिपाई अपणी रक्षा तांइ इक्क झीलम जो पांदा, ते इस आस रे टोप जो तिस सिपाई सांई पाई करी इस उम्मीद बिच चुकन्ने रैह्णा चाएदा कि असी हमेसा री सजा का बचाए गेरे हिन।