यूहन्ना 12:34 - चम्बयाली नौआ नियम

³⁴ इस पर लोक्कां ने तिसजो बोल्लेया, असा ने पवित्रशास्त्र री ए गल्ल सुणे री है, कि मसीह ने हमेसा जिन्दे रैह्णा, फिरी तू किय्यां बोलदा कि मणू रे पुत्तर जो उच्चे पर चढ़ाया जाणा ज़रुरी है? ए मणू रा पुत्तर, कुण है?

यूहन्ना 12:34 ပူးပေါင်းရင်းမြစ်များ

मत्ती 16:13

जां यीशु कैसरिया फिलिप्पी रे प्रदेश जो आये, तां अपणे चेल्‍लेयां जो पूच्छणा लग्गे, मणू, मणू रे पुत्तर, जे मैं ही है जो कै बोलदे?

मत्ती 21:10

जां यीशु यरुशलेम सहर बिच आए, तां सारे नगर बिच हलचल मची गई, ते मणू बोलणा लगे, ए कुण हिन?

मत्ती 8:20

यीशु ने तिसजो बोल्लेया, “लोमड़ी री खोह अते आसमान रे चिड़ू-पखेरुआं रे घोंसले हुन्दे हिन पर मणू रे पुत्तर का, जे मैं ही है का रैह्णे तांइ अपणी कोई जगाह् नी है।”

यूहन्ना 10:34

यीशु ने तिन्हा जो जवाब दित्ता, कै तुसा री पवित्रशास्त्र बिच नी लिख्खे रा है, “मैं बोल्लेया, तुसा परमेश्वर हिन?”

यूहन्ना 12:32

ते जे अगर मैं दुनिया का उच्चे पर चढ़ाया गेया तां सारेयां जो अपणे पास्से छिक्की लैणा।

यूहन्ना 15:25

पर ए इधेरे तांइ होया कि से वचन पूरा हो जे पवित्रशास्त्र बिच लिख्खे रा है: तिन्हा ने बेकार ही मेरे कने नफरत कित्ती।

यूहन्ना 8:28

तां यीशु ने बोल्लेया, कि जां तुसा मणू रे पुत्तर, जो ऊचें पर चढ़ांगे, तां जाणगें कि मैं से ही हैं, ते मैं अपणे आप का किच्‍छ नी करदा, पर पिता मेरे जो जिय्यां सिखान्दा, से ही गल्लां मैं बोलदा।

रोमियों 3:19

असी जाणदे की मूसा रा कानून, जे किच्‍छ भी बोलदा, सिर्फ तिन्हा जो ही बोलदा जे तिस कानून थल्ले हिन, ताकि कोई भी मणू बहान्ने ना बणाई सके, ते परमेश्वर दुनिया रे सारे लोक्कां जो पापी ठैहराए ते तिन्हा जो सजा दे।

रोमियों 5:18

इधेरे तांइ जिय्यां की आदम रा पाप करणा, सजा दैणे री वजह बणेया, तिय्यां ही मसीह यीशु रे धार्मिकता रे कम्म करणे री वजह कने लोक्कां जो नौई जिन्दगी मिल्ली ते से परमेश्वर री नजर बिच धार्मिक ठैहराए गे।

इब्रानियों 7:24

पर मसीह यीशु रे पुरोत्त होणे रा ए फायदा है कि तिन्हा ने कदी भी नी मरणा, इधेरे तांइ कोई भी मसीह री जगाह् नी लेई सकगा, किजोकी तिन्हा ने हमेसा-हमेसा तांइ पुरोत्त रैह्णा।