यूहन्ना 12:31 - चम्बयाली नौआ नियम

³¹ अवे इस दुनिया रे लोक्कां रा हिसाब-किताब होणा, अवे इस दुनिया रा सरदार जे शैतान है, तिसजो कड्डी दित्तेया जाणा।

यूहन्ना 12:31 ပူးပေါင်းရင်းမြစ်များ

मत्ती 12:28

पर जे मैं दुष्टात्मा जो पवित्रात्मा रे जरिए कडदा तां परमेश्वर रा राज तुसा का आई गे रा है।

यूहन्ना 14:30

मैं अवे तुसा कने जादा गल्लां नी करणी, किजोकी इस दुनिया रा सरदार जे शैतान है, आया करदा है, मेरे पर तिसेरा कोई हक्क नी है,

यूहन्ना 3:19

ते सजा रे हुकम री वजह ए है कि रौसनी दुनिया अन्दर आई, ते मणूआं ने न्याहरे जो रौसनी का प्यारा मन्नेया किजोकी तिन्हेरे कम्म बुरे थिये।

यूहन्ना 9:39

तां यीशु ने बोल्लेया, मैं इस दुनिया बिच हिसाब-किताब करणे तांइ आए रा है, ताकि जे नी दिखदे से दिखण, ते जे दिखदे से अन्ने होई जाण।

प्रेरितां रे कम्म 26:18

ताकि तू तिन्हेरी आख्खियां खोल्ले जिस कने से न्याहरे का रौसनी पास्से, ते शैतान रे अधिकार का निकली करी परमेश्वर पास्से फिरी जाण ताकि से तिन्हेरे पाप्पां जो माफ करण ते से मणू तिन्हा मणूआं कने जगाह् हासिल करण जे मेरे पर विश्वास करणे कने पवित्र कित्ते गेरे हिन।

1 कुरुन्थियों 1:20

तां फिरी अवे असी समजदार मणूआं रे बारे बिच कै बोल्ली सकदे? अवे असी यहूदी नियमां रे शास्त्रियां रे बारे बिच कै बोल्ली सकदे? ते अवे असी तिन्हा लोक्कां रे बारे बिच कै बोल्ली सकदे जे गल्ल-बात करणे बिच बड़े तेज हिन? परमेश्वर ने ए ज़ाहिर जताई दित्तां कि इस दुनिया री समझ रा कोई मुल्ल नी है।

1 कुरुन्थियों 1:21

जां परमेश्वर ने अपणे ज्ञान कने ए समजी लेया कि दुनिया ने तिन्हा जो कदी अपणी इन्सानी समझ कने नी दिख्खी सकणा, तां तिन्हा ने असा रे सुब बसेख रे प्रचार जो इस्तेमाल कित्तेया ताकि विश्वास करणे वाले मणूआं जो बचाए जिस जो कई मणू बेवकूफी समजदे।

2 कुरुन्थियों 4:4

शैतान, जे इस दुनिया रे लोक्कां रा शासक है, तिनिये मसीह यीशु बिच विश्वास ना करणे वाले लोक्कां री समझ जो मंद करी रख्खे रा है, ताकि से मणू सुब बसेख री महिमामय रौसनी जो नी दिख्खी सके। से मणू मसीह यीशु रे इस महिमा रे बसेख जो नी समजदे जे परमेश्वर रे प्रतीरुप हिन।

कुलुस्सियों 2:15

ते तिस तरिक्के कने तिन्हा ने दुष्ट प्रधानता ते अधिकारां जो हराई दित्ता। ते सुली पर जीत हासिल करी के, खुलेआम तिन्हेरा तमाशा बणाया।

इब्रानियों 2:14

किजोकी परमेश्वर रे बच्चे इन्सान हिन, जे मांस ते खून कने बणे रे हिन, ते पुत्र भी इन्सान बणेया। किजोकी इक्क इन्सान रे रुप बिच ही से मरी सकदा थिया, ते सिर्फ मरणे रे जरिये ही से शैतान री ताकत जो तोड़ी सकदे थिये, जिस का मौत री ताकत थी।

1 यूहन्ना 3:8

जे कोई पाप करदा रैहन्दा, से शैतान रे पास्से का है किजोकी शैतान दुनिया रे बणने का पैल्ला का ही पाप करदा आया है, इधेरे तांइ परमेश्वर रा पुत्तर आया कि से शैतान रे कम्मां जो खत्म करण।

1 यूहन्ना 4:4

ओ प्यारे बच्चेयों, तुसा परमेश्वर रे मणू हिन, तुसा तिन्हा झूठ्ठे भविष्यद्वक्तां पर जीत हासिल कित्ते री है, किजोकी पवित्रात्मा जे तुसा बिच बसदी से शैतान का जादा ताकतवर है जे इस दुनिया रे लोक्कां पर राज करदा।

1 यूहन्ना 5:19

असा जो पता है कि असी परमेश्वर कने हिन ते सारी दुनिया तिस शैतान रे वस अन्दर पेरी है।