यूहन्ना 12:28 - चम्बयाली नौआ नियम

²⁸ ओ पिता, अपणे नां री बड़ाई कर। तां तिस बेल्ले स्वर्ग बिच का ए अवाज आई, मैं उसेरी बड़ाई कित्ती, ते अग्गे भी करगा।

यूहन्ना 12:28 ပူးပေါင်းရင်းမြစ်များ

मत्ती 11:25

तिस्सी बेल्ले यीशु ने बोल्लेया, ओ पिता, आसमान ते जमीन रे प्रभु, मैं तेरा शुकर करदा कि तुसा ने इन्हा गल्लां जो अते समजदार लोक्कां का लुकाई रखेया, पर आम लोक्कां पर जाहिर कित्तेया।

मत्ती 11:26

हाँ, परम पिता ए इधेरे तांइ होया किजोकी तुसा जो ए ही खरा लग्गेया।

मत्ती 17:5

से बोल्लेया ही करदा थिया कि दिख्खो, इक्क चमकदे बदल ने तिन्हा जो ढक्की लेया, अते तिस बदल बिच का इक्क अवाज निकली, ए मेरा प्यारा पुत्तर है, जिस का मैं बड़ा खुस है: इसेरी सुणो।

मत्ती 26:42

फिरी तिन्हा ने दुई वरी जाई करी प्रार्थना कित्ती ओ मेरे पिता, जे ए मेरे पिए बगैर नी हटी सकदा तां तुसा री मर्जी पूरी हो।

मत्ती 3:17

अते दिख्खो, स्वर्ग बिच का ए अवाज आई कि ए मेरा प्यारा पुत्तर है, “जिस का मैं बड़ा-वरी खुस है।”

मरकुस 1:11

ते ए स्वर्ग बिच का ए अवाज आई, “तू मेरा प्यारा पुत्तर है, तेरे का मैं खुस है।”

मरकुस 14:36

अते बोल्लेया, “ओ अब्बा, पिता, किजोकी तुसा सब किच्‍छ करी सकदे इधेरे तांइ इस दुख जो मेरे का हटाई लेयो, ताकि मेरे जो ए सब ना सहणा पेयो, पर तां भी जिय्यां मैं चाह्‍ंदा तिय्यां नी, पर जे तुसा चाह्‍ंदे, से ही हो।”

मरकुस 9:7

तां इक्क बदल ने तिन्हा जो घेरी लेया, ते परमेश्वर री अवाज आई, “ए मेरा प्यारा पुत्तर है। इसेरी सुणो।”

लूका 3:22

ते पवित्रात्मा इक्क कबूतर रे रुप बिच यीशु पर उतरेया ते स्वर्ग बिच का ए अवाज आई, तू मेरा प्यारा पुत्तर है, अते मैं तेरे का खुस है।

लूका 9:35

ते से बद्दल रे अन्दर ही थिये, कि तिस बदलां बिच का अवाज आई, कि ए मेरा पुत्तर है, जिस जो मैं चुणे रा है, इसेरी सूणेया करो

यूहन्ना 11:4

ए सुणी करी यीशु ने बोल्लेया, ए बीमारी मरणे तांइ नी पर परमेश्वर री बड़ाई तांइ है, कि उस कने (उसदे जरिए) परमेश्वर रे पुत्तर री बड़ाई हो।

यूहन्ना 18:11

फिरी यीशु ने पतरस जो बोल्लेया, अपणी तलवार म्यान बिच रख्खी लै। कै मैं दुख रा से कटोरा नी पीयां जे परम पिता ने मेरे जो दित्तेया है?

यूहन्ना 9:3

यीशु ने जवाब दित्ता, ना इनिये ना इसेरे मां-प्यो ने पर ए इस तांइ अह्ना पैदा होया ताकि परमेश्वर रे चमत्कारी कम्म इसेरी वजह कने लोक्कां सामणे प्रकट होण।

इफिसियों 2:7

ताकि परमेश्वर ए इधेरे तांइ कित्ता ताकि से आणे वाले समय बिच ए दिखाई सकण कि से किन्ने जादा अनुग्रहकारी हिन। परमेश्वर री ए दया मसीह यीशु कने रिश्ते बिच जुड़े रे असी लोक्कां जो दिसदी।

इफिसियों 3:10

अवे परमेश्वर रा मकसद ए है कि कलीसिया रे जरिये तिन्हेरे अनंत ज्ञान जो तिन्हा पर जाहिर करण जे आत्मां री अणदिख्खी दुनिया रे अधिकारी हिन ते तित्ते राज करदे।

2 पतरस 1:17

असी तिस बेल्ले मसीह यीशु कने तिस पवित्र पहाड़ पर थिये जां पिता परमेश्वर ने तिन्हा जो आदरमान ते महिमा दित्ती थी। तां परमेश्वर, जे अप्पु महिमामय हिन, तिन्हा रे पास्से का ए अवाज आई, “ए मेरा प्यारा मुंडा है, जिस कने मैं बड़ा वरी खुस है!” असा ने अप्पु ए अवाज स्वर्ग का आंदी होई सूणी।