यूहन्ना 12:27 - चम्बयाली नौआ नियम

²⁷ अवे मेरा मन बड़ा वरी दुखी है इस तांइ अवे मैं कै बोल्लां? ओ पिता, मेरे जो इस दुख री घड़ी का बचा? पर मैं इसी वजह कने इस दुख का घड़ी बिच पूज्जे रा है।

यूहन्ना 12:27 ပူးပေါင်းရင်းမြစ်များ

मत्ती 11:25

तिस्सी बेल्ले यीशु ने बोल्लेया, ओ पिता, आसमान ते जमीन रे प्रभु, मैं तेरा शुकर करदा कि तुसा ने इन्हा गल्लां जो अते समजदार लोक्कां का लुकाई रखेया, पर आम लोक्कां पर जाहिर कित्तेया।

मत्ती 11:26

हाँ, परम पिता ए इधेरे तांइ होया किजोकी तुसा जो ए ही खरा लग्गेया।

मत्ती 26:42

फिरी तिन्हा ने दुई वरी जाई करी प्रार्थना कित्ती ओ मेरे पिता, जे ए मेरे पिए बगैर नी हटी सकदा तां तुसा री मर्जी पूरी हो।

मत्ती 26:45

तां तिन्हा ने चेल्‍लेयां का आई करी तिन्हेरे जो बोल्लेया, अवे सोदें रेयो, ते अराम करो: दिख्खो, से बेल्ला आई पूज्जे रा है, ते मणू रा पुत्तर, जे मैं ही है पापियां रे हत्थां पकड़वाया जादां।

लूका 22:44

अते यीशु बडे़ भरी बेचैन होई गे अते होर भी जादा वरी मन कने प्रार्थना करणा लग्गी पे तिन्हेरा पसिना इय्यां निकलदा थिया जिय्यां खून री बुदां जमीन पर पेय करदी हो

लूका 22:53

जां मैं तुसा कने मन्दिर अन्दर हुन्दा थिया, तुसा ने मेरे जो तां किजो नी पकड़ेया? पर अज्ज ए तुसा रा बेल्ला है, अते निहारे रा राज करणे रा बेल्ला है।

यूहन्ना 11:41

तां उन्हा ने तिस पत्थर जो हटाया यीशु ने स्वर्ग रे पास्से हाख्खी चुक्की करी बोल्लेया, ओ पिता, मैं तेरा शुक्रिया करदा कि तैं मेरी सुणी लित्ती री है

यूहन्ना 12:23

इस पर यीशु ने उन्हा जो बोल्लेया, ओ वक्त आई गे रा है कि मणू रे पुत्तर री बड़ाई हो।

यूहन्ना 13:21

ए गल्लां बोल्ली करी यीशु अपणे मन बिच बड्डा वरी उदास ते दुखी होई गे, ते बोलणा लग्गे, “मैं तुसा जो सच-सच बोलदा तुसा बिच इक्क ने मेरे जो पकड़वाणा।”

यूहन्ना 18:37

पिलातुस ने तिन्हा जो बोल्लेया, तां तू राज्जा है? यीशु ने जवाब दित्तेया, तू बोलदा कि मैं राज्जा है मैं इधेरे तांइ पैदा होया ताकि सच्चाई री गवाई देयां हर इक्क से मणू जे सच्चाई रे पास्से है, से मेरी गल्लां सूणदा।

1 तीमुथियुस 1:15

जे गल्लां मैं तुसा जो दस्सी से सच्ची ते पूरी तरिक्के कने भरोस्सेमंद हिन किजोकी मसीह यीशु असी पाप्पी लोक्कां जो छुटकारा दैणे तांइ इस दुनिया बिच आए ते तिन्हा बिच सबका बड्डा पाप्पी मैं है।

इब्रानियों 2:14

किजोकी परमेश्वर रे बच्चे इन्सान हिन, जे मांस ते खून कने बणे रे हिन, ते पुत्र भी इन्सान बणेया। किजोकी इक्क इन्सान रे रुप बिच ही से मरी सकदा थिया, ते सिर्फ मरणे रे जरिये ही से शैतान री ताकत जो तोड़ी सकदे थिये, जिस का मौत री ताकत थी।

इब्रानियों 5:7

जा मसीह यीशु इस दुनिया बिच इक्क मणू रे रुप बिच थिये, तां तिन्हा ने तिस परमेश्वर का रोई-रोई करी प्रार्थनां ते मिन्नतां कित्ती, जे तिन्हा जो मौत का बचाई सकदे थिये। ते परमेश्वर ने तिन्हेरी प्रार्थना सुणी किजोकी यीशु निमतेपन कने परमेश्वर रा हुकम मनणे तांइ तैयार थिये।