यूहन्ना 12:25 - चम्बयाली नौआ नियम

²⁵ जे अपणी जान जो प्यार करदा, ओ तिसजो गुआई दिन्दा पर जे इस दुनिया बिच अपणे प्राण जो प्यार नी करदा, ओ हमेसा री जिन्दगी तांइ उसेरी रक्षा करगा

यूहन्ना 12:25 ပူးပေါင်းရင်းမြစ်များ

मत्ती 10:39

जे अपणी जिन्दगी जो बचाणे री इच्छा रखदा तिसने तिसजो गुआई दैणा, अते जे मेरी वजह कने अपणी जिन्दगी जो गुआणा, तिन्ने तिसजो पाणा।

मत्ती 16:25

किजोकी जे कोई अपणी जिन्दगी जो बचाणे री इच्छा रखदा, तिन्ने तिसजो गवाई दैणा, पर जे कोई मेरे तांइ अपणी जिन्दगी जो गवाई दिंगा, तिन्ने तिसजो पाई लैणा।

मत्ती 19:29

ते मेरे तांइ जिनिए भी अपणा घर-बार, भैण-भ्याल, मां-प्यो, निके-निके या अपणे खेतरां जो छड्डी दित्तेया, तिसजो सौ गुणा जादा मिलणा अते तिनिए हमेसा री जिन्दगी रा भी हकदार बणना।

मरकुस 8:35

किजोकी जे कोई अपणी जिन्दगी बचाणा चाह्‍ंगा, तिसने तिसजो खोई दैणा, पर जे कोई मेरे वजह कने अते मेरे सुब बसेख तांइ अपणे प्राण खोगां, तिसजो स्वर्ग बिच हमेसा री जिन्दगी मिलणी।

लूका 14:26

जे मणू अपणे मां-प्यो, लाडी-बच्चे, भैण-भ्याल अते अपणे आप जो मेरे का भी जादा प्यार करदा हो, से मेरा चेल्ला नी बणी सकदा।

लूका 17:33

जिस कुसकी ने अपणी जान बचाणे री कोसीस करणी तिसने तिसजो गवाई दैणा ते जिस ने तिसजो दाव पर लाणा तिसने अपणी जान बचाई लैणी।

प्रेरितां रे कम्म 20:24

पर मैं अपणी जान जो किच्‍छ भी नी समजदा कि तिसजो प्यारा समजां, पर तां ए कि, मैं अपणी दौड़ जो ते तिस सेवा जो पूरा करां, जे मैं परमेश्वर रे अनुग्रह री सुब बसेख पर गवाई दैणे तांइ प्रभु यीशु का पाए री है।

प्रेरितां रे कम्म 21:13

पर पौलुस ने जवाब दित्तेया, तुसा करदे कै हिन कि रोई-रोई करी मेरा दिल तोड़ेया करदे हिन? मैं तां प्रभु यीशु तांइ यरुशलेम अन्दर ना सिर्फ कैद होणे तांइ पर तां मरणे तांइ भी तैयार है

इब्रानियों 11:35

किच्‍छ जनानियां ने अपणे मरे रे मणूआं जो फिरी जिन्दा पाया, किन्ने तां मार खादें-खादें मरी गे ते छुटकारा नी चाएया, इधेरे तांइ कि सबका बदिया जी उठणा रे भागी बनण

प्रकाशित वाक्य 12:11

ते तिस “उरणू रे बच्चे” रे खून री वजह कने, अते अपणी गवाई रे वचन री वजह कने, तिस पर जयवन्त होये, अते तिन्हा ने अपणे प्राणां जो प्यारे नी जाणी के, इत्ते तक की मौत भी सहन करी लित्ती।