यूहन्ना 11:7 - चम्बयाली नौआ नियम

⁷ इसेरे बाद तिनिये चेल्‍लेयां जो बोल्लेया, आओ, असी फिरी यहूदियां प्रदेश जो चलदे।

यूहन्ना 11:7 ပူးပေါင်းရင်းမြစ်များ

मत्ती 2:1

जां राज्जा हेरोदेस यहूदियां प्रदेश पर राज करेया करदा थिया, तिन्हा दिनां बिच ही यहूदियां प्रदेश रे बैतलहम कस्बे अन्दर यीशु पैदा होए, ते तिन्हेरे पैदा होणे रे थोड़े समय का बाद किच्‍छ ज्योतिषी जे तारे भी पढ़दे थिये, से पूरवी देसां का यरुशलेम सहर बिच आई करी ए पूच्छणा लगे,

लूका 9:51

जां यीशु रा स्वर्ग अन्दर जाणे रा बेल्ला नेड़े आया करदा थिया, तां तिन्हा यरुशलेम जाणे री सोच्ची ते चली पे।

यूहन्ना 11:6

पर जां तिनिये सूणेया कि से बिमार है, तां जिस जगाह् पर ओ थिया, उत्ते दो दिनां तांइ होर रुकी गेया।

प्रेरितां रे कम्म 15:36

किच्‍छ रोज्जां बाद पौलुस ने बरनबास जो बोल्लेया, कि जिन्हा-जिन्हा सहरां बिच असा ने प्रभु रा वचन सुणाया थिया, चलो, फिर तित्ते जाई करी अपणे विश्वासियां जो दिख्खदे, कि कदेय हिन।