यूहन्ना 11:47 - चम्बयाली नौआ नियम

⁴⁷ इस पर बड्डे पुरोत्तां ते फरीसियां ने महासभा सद्दी, ते बोल्लेया, असी कै करण? ए मणू तां मते चिन्ह-चमत्कार दिखांदा।

यूहन्ना 11:47 ပူးပေါင်းရင်းမြစ်များ

मत्ती 26:3

तां बड्डे पुरोत्त ते प्रजा रे बुजुर्ग मणू काईफा नां रे प्रधान पुरोत्त रे अगँणे कठ्ठी गे,

मत्ती 5:22

पर मैं तुसा जो बोलदा कि जे कोई अपणे भाई पर गुस्सा करगा, तिसजो सजा मिलणी, अते जे कोई अपणे भाई जो निकम्मा बोल्ले तिसजो कचेरी बिच सजा दित्ती जाणी, अते जे कोई अपणे भ्याल जो बेवकूफ बोलगा, तिसजो नरक री आग्ग बिच पाया जाणा।

मरकुस 14:1

फसह ते अखमीरी रोट्टी रे त्योहर रे दो रोज्जे पैल्ले, बड्डे पुरोत्त ते शास्त्रि मणू इस गल्ल री तोपा अन्दर थिये, कि से यीशु जो किय्यां धोखे कने पकड़वाई करी मारी रखण।

लूका 22:2

उत्ते बड्डे पुरोत्त अते शास्त्रि यीशु जो मारणे री ताक बिच थिये पर से मणूआं का डरदे थिये।

यूहन्ना 11:57

बड्डे पुरोत्तां ते फरीसियां ने ए हुकम देई रखे रा थिया कि जै जाणदा हो कि यीशु कुते है ओ दस्से, ताकि ओ तिसजो पकड़ी सकण।

यूहन्ना 12:19

तां फरीसियां ने आपस बिच बोल्लेया, सोच्चो तां सही कि असा रे का किच्‍छ नी बणदा दिख्खो दुनिया उसदे पीच्छे होई चल्लि री है।

यूहन्ना 2:11

यीशु ने गलील प्रदेश रे काना बिच अपणाए पैल्ला चमत्कार दिखाई करी अपणी महिमा दिखाई, इसेरी वजह कने तिन्हेरे चेल्‍लेयां ने तिन्हा पर विश्वास कित्ता।

यूहन्ना 6:2

कने इक्क बड़ी भीड़ तिसरे पीच्छे चली पेई किजोकी जे चमत्कार से बिमारा पर दसदा थिया से तिन्हा जो दिखदे थिये

यूहन्ना 7:32

फरीसी ने लोक्कां जो उन्हेरे बारे बिच ए गल्लां लुकी करी करदे सुणेयां ते बड्डे पुरोत्तां ते फरीसी ने तिन्हेरे जो पकड़ने तांइ मन्दिर रे सिपाई भेज्जे।

यूहन्ना 7:45

तां मन्दिर रे सिपाई बड्डे पुरोत्तां ते फरीसियां का हटी आए, तिन्हा ने उन्हा जो बोल्लेया, तुसा उन्हा जो किजो नी लयाए?

प्रेरितां रे कम्म 5:21

जिय्यां तिन्हा जो बोल्लेया गेया थिया, तिस हिसाब कने से भ्यागा उठी करी मन्दिर बिच जाई करी ए उपदेस दैणा लगे, तां प्रधान पुरोत्त ते तिसेरे साथिया ने आई करी महासभा जो ते इस्राएली लोक्कां रे सारे बुजुर्ग मणू जो कठेरेया ते जेलखानेयां बिच ए बोल्ली भेज्जेया कि तिन्हेरे जो लेई आए,

प्रेरितां रे कम्म 5:24

जां मन्दिर रे पैहरेदारां रे सरदार ते बड्डे पुरोत्तां ने ए खबर सूणी, तां तिन्हेरे बारे बिच बड़ी चितां बिच पेई गे कि तिन्हेरा कै होया!