यूहन्ना 11:40 - चम्बयाली नौआ नियम

⁴⁰ यीशु ने तिसजो बोल्लेया, कै मैं तेरे जो नी बोल्लेया थिया कि जे तू विश्वास करगी, तां परमेश्वर री महिमा जो दिखगी?

यूहन्ना 11:40 ပူးပေါင်းရင်းမြစ်များ

मत्ती 17:20

यीशु ने उन्हा जो बोल्लेया, अपणे विश्वास री कमी री वजह कने, किजोकी मैं तुसा जो सच बोलदा, जे तुसा रा विश्वास इक्क सरेयाँ रे दाणे रे बराबर भी हो, तां इस पहाड़ जो बोलगे, इत्ते का घिरी करी उत्ते जा, अते तिन्ने घिरी जाणा तुसा रे तांइ किच्‍छ भी मुस्किल नी होणा।

मरकुस 9:23

यीशु ने तिस मणू जो बोल्लेया, “जे तू करी सकदा, इस गल्ल रा कै मतलब है? विश्वास करणे वालेयां तांइ सब किच्‍छ मुमकिन है।”

यूहन्ना 1:14

वचन मणू रे रुप बिच आया, ते से अनुग्रह ते सच्चाई कने भरी कने तिसने हमारे बिच डेरा कित्ता कने असी तिसेरी इदेइ बड़ाई दिख्खी जिय्यां पिता रे इकलौत्ते पुत्तर री महिमा दिख्खी हो।

यूहन्ना 11:4

ए सुणी करी यीशु ने बोल्लेया, ए बीमारी मरणे तांइ नी पर परमेश्वर री बड़ाई तांइ है, कि उस कने (उसदे जरिए) परमेश्वर रे पुत्तर री बड़ाई हो।

यूहन्ना 12:41

यशायाह ने ए गल्लां इस तांइ बोल्ली किजोकी उसने यीशु री आणे वाली महिमा दिख्खी थी, ते उसदे बारे बिच गल्लां कित्ती।

यूहन्ना 9:3

यीशु ने जवाब दित्ता, ना इनिये ना इसेरे मां-प्यो ने पर ए इस तांइ अह्ना पैदा होया ताकि परमेश्वर रे चमत्कारी कम्म इसेरी वजह कने लोक्कां सामणे प्रकट होण।

रोमियों 6:4

जां असा ने बपतिस्मा लित्तेया, तां ए इदेया थिया कि जिय्यां असी मसीह यीशु कने मरी गे, ते तिन्हा कने दब्बी दित्ते गे, ते जिय्यां पिता परमेश्वर री अनौखी महिमा ने मसीह यीशु जो जिन्दा कित्ता, तिय्यां ही असी भी तिन्हेरे सांई नौई जिन्दगी जीण।

2 कुरुन्थियों 3:18

असी सारे प्रभु री महिमा जो अपणे उघाड़े रे चेहरे कने इक्क सीसा सांई प्रकाशित करदे। असा जो अपणे सांई बणाणे तांइ तिस चमकदार महिमा बिच जादा का जादा बदलेया करदे हिन। ते ए महिमा परमेश्वर रे पास्से का है, जे पवित्रात्मा रे रुप बिच असा का है।

2 कुरुन्थियों 4:6

किजोकी परमेश्वर ने ही बोल्ले रा है, “न्याहरे बिच रौसनी चमके।” ते से ही असा रे दिल बिच चमकी, ताकि असी मसीह बिच परमेश्वर री महिमा जो दिख्खी सकण।