यूहन्ना 11:28 - चम्बयाली नौआ नियम

²⁸ ए बोल्ली करी से चली गई, ते अपणी भैण मरियम जो सद्दी करी चुपचाणे दस्सेया, गुरु इत्ते ही है ते तेरे जो सद्देया करदा है।

यूहन्ना 11:28 ပူးပေါင်းရင်းမြစ်များ

मत्ती 26:18

तिन्हा ने बोल्लेया, नगर बिच अमुक मणू का जाई करी तिसजो बोल्लो की गुरु बोलदे की मेरे बेल्ला नेड़े है, मैं अपणे चेल्‍लेयां कने तेरे इत्ते फसह रा त्याहार मनाणा।

मरकुस 10:49

यीशु ने रुकी करी बोल्लेया, “तिसजो सद्दो।” अते मणूआं ने तिस अन्ने जो सद्दी करी तिसजो बोल्लेया, “हिम्मत कर, उठ! से तिज्जो सद्ददे हिन।”

मरकुस 14:14

ते से जिस घर अन्दर जान्गा, तिस घर रे मालक जो बोल्ले, ‘गुरु जी बोलदे कि मेरा परौणे वाला कमरा कुते है जिस अन्दर मैं अपणे चेल्‍लेयां कने फसह री रोट्टी खाई सकां?’

लूका 22:11

अते तिस घर रे मालक का पूच्छी लै कि, गुरु जी ने तेरे का पूच्छेया है कि से परौणे वाला कमरा कुदे है, जिस अन्दर तिन्हा ने अपणे चेल्‍लेयां कने बेई करी फसह री रोट्टी खाणी है?

यूहन्ना 1:41

तिसने पहले अपणे सगे भ्याल शमौन जो मिली करी तिसजो बोल्लेया, हमारे जो मसीह मिली गे।

यूहन्ना 1:45

फिलिप्पुस नतनएल कने मिलया कने तिसजो बोल्लेया, मूसा ते भविष्यद्वक्तां ने ते परमेश्वर रे कानून बिच जिसेरी चर्चा ने कित्ती री है, से असा जो मिली गेया, से यूसुफ रा पुत्तर, नासरत कस्बे रा यीशु है।

यूहन्ना 10:3

तिसेरे तांइ पैहरेदार दुआर खोल्ली दिंदा, ते भेड़ां तिसेरी अवाज सुणदी, ते से अपणी भेड़ां जो नां लेई-लेई करी सददा ते बाहर लेई जादां।

यूहन्ना 11:20

जां मार्था ने यीशु रे आणे री खबर सुणी तां तिसजो मिलणे जो गयी, पर मरियम घरे ही बेई रेई।

यूहन्ना 11:29

ए सूणदे ही ओ झटपट उठी करी उस का आई

यूहन्ना 11:30

यीशु हल्ले ग्रां रे बाहर ही तिस्सी जगाह् पर थिये जिस जगाह् पर मार्था तिसजो मिल्ली थी।

यूहन्ना 13:13

तुसा मेरे जो गुरु ते प्रभु बोलदे, ते ठीक ही बोलदे, किजोकी मैं है भी।

यूहन्ना 20:16

यीशु ने तिसजो बोल्लेया, मरियम! तिसने पीच्छे मुड़ी करी तिन्हा जो बोल्लेया, ओ गरु!

यूहन्ना 21:7

तां तिस चेल्‍ले ने जिस कने यीशु प्यार करदे थिये, पतरस जो बोल्लेया, ए तां प्रभु हिन! शमौन पतरस ने ए सुणी करी कि से प्रभु हिन, चोग्गा पाई लित्तेया (किजोकी से नंगा थिया) अते समुन्द्र अंदर कुदी पेया।

1 थिस्सलुनीकियों 5:11

इधेरे तांइ इक्क-दूज्जे जो उत्साहित करो ते परमेश्वर बिच विश्वास करणे बिच बधणे तांइ मदद करो, जदेया कि तुसा करदे भी।

इब्रानियों 12:12

इधेरे तांइ इन्हा गल्लां री वजह कने ताकतवर बणो, ते हिम्मत बन्नो।