यूहन्ना 11:27 - चम्बयाली नौआ नियम

²⁷ उन्निए तिसजो बोल्लेया, हाँ! ओ प्रभु, मैं विश्वास करदी कि परमेश्वर रा पुत्तर मसीह यीशु जे दुनिया पर आणे वाला थिया, से तू ही है।

यूहन्ना 11:27 ပူးပေါင်းရင်းမြစ်များ

मत्ती 11:3

कै तुसा ही से मसीह हिन जिस जो परमेश्वर ने भेजणे रा वादा कित्तेया थिया या असी कुसकी दूज्जे री भाल करण?

मत्ती 16:16

शमौन पतरस ने जवाब दित्तेया, तुसा जिंदा परमेश्वर रे पुत्तर मसीह यीशु हिन।

मत्ती 16:20

फिरी यीशु ने चेल्‍लेयां जो सख्ती कने समझाई करी बोल्लेया कि मेरे बारे बिच ए कुसकी कने मत बोलदे कि मैं मसीह यीशु है।

लूका 2:11

ते से सुब बसेख ए है, कि अज्ज दाऊद राज्जा रे कस्बे बैतलहम अन्दर सबणी मणूआं तांइ इक्क छुटकारा दैणे वाले रा जन्म होया, अते से ही मसीह प्रभु हिन,

यूहन्ना 1:49

नतनएल ने तिसजो जवाब दिता, ओ गुरु, तू परमेश्वर रा पुत्तर है, तू इस्राएल रा महाराजा है।

यूहन्ना 4:42

अते तिस जनानी जो बोल्लेया, अवे असी तेरे बोलणे कने विश्वास नी करदे किजोकी असी अप्पु ही सुणी लिता कने जाणदे हिन कि ऐई सच्चो ही दुनिया छुटकारा दैणे वाले है।

यूहन्ना 6:14

तां जे चमत्कार तिसने करी दखाया तिसजो दिख्खी करी मणू बोलणा लगे, से भविष्यवाणी करणे वाला जे दुनिया अन्दर आणे वाले थिया, पक्का ऐई है

यूहन्ना 6:69

असा ने तुसा बिच विश्वास कित्या, कने जाणी गे हिन, कि परमेश्वर रा भेज्जे रे पवित्र मसीह तू ही है।

प्रेरितां रे कम्म 8:36

रस्ते बिच जादें-जादें से इक्क तलाब का गुजरेया करदे थिये, तां तिस किन्नर ने बोल्लेया, दिख्ख इत्ते तलाब है अवे मेरे जो बपतिस्मा लैणे बिच कै रोक है?

प्रेरितां रे कम्म 8:37

फिलिप्पुस ने तिसजो बोल्लेया, जे अगर तू अपणे पूरे मन कने विश्वास करदा, तां ए होई सकदा: तिसने जवाब दित्तेया कि मैं विश्वास करदा कि मसीह यीशु ही परमेश्वर रे पुत्तर हिन।

1 यूहन्ना 5:1

जे मणू ए विश्वास करदा कि यीशु ही मसीह हिन, से मणू परमेश्वर री औलाद ठैहरदा ते जे कोई अपणे पिता परमेश्वर कने प्यार रखदा से तिन्हेरी औलाद्दां कने भी प्यार रखदा।

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।