यूहन्ना 11:2 - चम्बयाली नौआ नियम

² ए ओ ही मरियम थी जिनिये प्रभु रे पैरां पर इत्र पाई करी उन्हेरे पैरां जो अपणे बालां कने पुंजेया थिया, इसेरा ही भाई लाज़र बिमार थिया।

यूहन्ना 11:2 ပူးပေါင်းရင်းမြစ်များ

मरकुस 14:3

जिस बेल्ले यीशु बैतनिय्याह रे कस्बे अन्दर तिस शमौन रे घरे जिस जो तिन्हा ने कोढ़ का ठीक कित्तेया थिया, रोट्टी खाणे जो बैठे रे थिये, तां तिस बेल्ले इक्क जनानी चिट्टे पत्थर रे पात्र बिच जटामांसी फूल रा बड़ा मैह्न्गा इत्र लेई आई अते सगंमरमर रे बर्तन जो तोड़ी करी तेल जो यीशु रे सरा पर उन्धेरी दित्तेया।

लूका 7:13

ए दिख्खी करी, यीशु रा मन रहम कने भरी गेया, अते तिन्हा ने तिस्स विधवा जो बोल्लेया, मत रोआं!

लूका 7:19

तां यूहन्ना ने अपणे दो चेल्‍लेयां जो यीशु का ए पूच्छणे तांइ भेज्जेया, कि जिस मसीह यीशु जो असी भालदे हिन, से तुसा ही हिन, कि से कोई होर है?

यूहन्ना 11:21

मार्था ने यीशु जो बोल्लेया, ओ प्रभु, जे तू इत्ते हुन्दा, तां मेरा भाई कदी नी मरदा।

यूहन्ना 11:3

अते उसेरी भैण ने तिसजो कहलाई भेजेया, ओ प्रभु, दिख, जिस जो तू प्यार करदे, ओ बिमार है

यूहन्ना 11:32

जां मरियम उत्ते पूज्जी जित्ते यीशु थिया, तां तिसजो दिखदे कने ही उसदे पैरां पर पेई गई, ते बोलणा लग्गी, ओ प्रभु, जे तू इत्ते हुन्दा तां मेरा भाई नी मरदा।

यूहन्ना 12:3

तां मरियम ने जटामांसी रा अद्दा लीटर कीमती इत्र लेई करी यीशु रे पैरां पर उन्धेरी दित्तेया, ते अपणे बालां कने तिन्हेरे पैर पुन्जे, ते इत्र री खुशबू कने सारा घर खुशबूदार होई गेया।

यूहन्ना 13:13

तुसा मेरे जो गुरु ते प्रभु बोलदे, ते ठीक ही बोलदे, किजोकी मैं है भी।

यूहन्ना 13:14

जे मैं प्रभु ते गुरु होई करी तुसा रे पैर धोये, तां तुसा जो भी इक्क दूये रे पैर धोणा चाएदे।