यूहन्ना 11:15 - चम्बयाली नौआ नियम

¹⁵ ते मैं तुसा री तांइ कने खुस है कि मैं उत्ते नी थिया जिस कने तुसा विश्वास करो, पर अवे आओ, असी तिसका चले

यूहन्ना 11:15 ပူးပေါင်းရင်းမြစ်များ

यूहन्ना 11:14

तां यीशु ने उन्हा जो साफ-साफ दस्सी दित्तेया, लाज़र मरी गे रा है

यूहन्ना 11:16

तां थोमा ने जे दिदुमुस कहलादां, अपणे साथी चेल्‍लेयां जो बोलदा, आओ, असी भी उस कने मरणे जो चलदे।

यूहन्ना 11:4

ए सुणी करी यीशु ने बोल्लेया, ए बीमारी मरणे तांइ नी पर परमेश्वर री बड़ाई तांइ है, कि उस कने (उसदे जरिए) परमेश्वर रे पुत्तर री बड़ाई हो।

यूहन्ना 12:30

इस पर यीशु ने बोल्लेया, ए मेरे तांइ नी पर तुसा री मदद तांइ होए रा है।

यूहन्ना 17:19

ते मैं अप्पु जो तिन्हेरी भलाई तांइ पवित्तर कुर्बानी बणी करी देई दिंदा।

यूहन्ना 2:11

यीशु ने गलील प्रदेश रे काना बिच अपणाए पैल्ला चमत्कार दिखाई करी अपणी महिमा दिखाई, इसेरी वजह कने तिन्हेरे चेल्‍लेयां ने तिन्हा पर विश्वास कित्ता।

2 कुरुन्थियों 4:15

जे किच्‍छ असा कने घटे रा है, से तुसा रे फायदे तांइ ही हिन ताकि जिय्यां परमेश्वर रा अनुग्रह जादा का जादा लोक्कां जो मसीह बिच लेई आया करदा है तिस कने मते लोक्कां ने परमेश्वर रा तिन्हेरी महिमा तांइ शुकर करणा।

2 तीमुथियुस 2:10

इधेरे तांइ मैं परमेश्वर रे चुणे रे लोक्कां री भलाई तिकर हर तरिक्के रे दुख-तकलीफ जो सहन करी लिंदा, ताकि से मणू भी मसीह यीशु बिच विश्वास करण ते छुटकारा पाण, ते तिस महिमा जो हासिल करण जे हमेसा-हमेसा तांइ रैह्णी।

1 यूहन्ना 5:13

मैं तुसा जो, जे परमेश्वर रे पुत्तर रे नां पर भरोस्सा करदे, इधेरे तांइ ए चीठ्ठी लिख्खे री है कि तुसा जाणी सकेयो कि हमेसा री जिन्दगी तुसा री है।