यूहन्ना 11:14 - चम्बयाली नौआ नियम

¹⁴ तां यीशु ने उन्हा जो साफ-साफ दस्सी दित्तेया, लाज़र मरी गे रा है

यूहन्ना 11:14 ပူးပေါင်းရင်းမြစ်များ

मरकुस 8:32

यीशु ने ए गल्ल तिन्हा जो साफ-साफ बोल्ली दित्ती। पर तिन्हेरे ए गल्ल बोलणे पर पतरस तिन्हा जो अलग लै जाई करी बकणे लग्गेया।

यूहन्ना 10:24

तां यहूदियां रे अधिकारियां ने यीशु जो घेरी लित्ता ते पूच्छेया, तुसा ने असा रे मन जो लम्बे समय का परेसानी बिच पाई रख्खे रा है। जे अगर तुसा मसीह हिन तां असा कने साफ-साफ बोल्ली देयो।

यूहन्ना 11:13

यीशु ने उसेरे मरणे रे बारे बिच बोल्लेया थिया, पर ओ समजे की निद्रं कने सोणे रे बारे बिच है बोलदा

यूहन्ना 11:15

ते मैं तुसा री तांइ कने खुस है कि मैं उत्ते नी थिया जिस कने तुसा विश्वास करो, पर अवे आओ, असी तिसका चले

यूहन्ना 16:25

ए गल्लां मैं तुसा कने उदारण बिच बोल्ली हिन, पर से बेल्ला आया करदा ए जां मैं तुसा कने उदारण दैणे रे बजाए, साफ-साफ गल्लां करणी।

यूहन्ना 16:29

यीशु रे चेल्‍लेयां ने बोल्लेया, दिख्खो अवे तुसा बिना उदारण रे साफ-साफ गल्लां दस्सेया करदे हिन।